ខេត្ត៦ដែលរួមមានស្វាយរៀង បាត់ដំបង តាកែវ ពោធិ៍សាត់ កណ្តាល និងកំពង់ស្ពឺ ត្រូវបានគេរំពឹងថា នឹងអាចទាក់ទាញគម្រោងវិនិយោគយ៉ាងហោចណាស់មួយខេត្តមួយគម្រោង ។ តាមមន្ត្រីនៅគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា…
ខេត្ត៦ដែលរួមមានស្វាយរៀង បាត់ដំបង តាកែវ ពោធិ៍សាត់ កណ្តាល និងកំពង់ស្ពឺ ត្រូវបានគេរំពឹងថា នឹងអាចទាក់ទាញគម្រោងវិនិយោគយ៉ាងហោចណាស់មួយខេត្តមួយគម្រោង ។
តាមមន្ត្រីនៅគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា ដែលបង្ហើបនៅថ្ងៃទី២៥ ខែមីនា ឆ្នាំ២០២៦ នេះ បានឲ្យដឹងថា គម្រោងវិនិយោគទាំងនេះ មានតម្លៃសរុបប្រមាណជា១៧៤លានដុល្លារ ។
ប្រភពដដែលបានឲ្យដឹងថា គម្រោងទាំងនោះ គឺអាចមាន ទី១-ផលិតដើមណូអែល អំពូលភ្លើងលំអ និងសម្ភារៈតុបតែងសម្រាប់ពិធីបុណ្យណូអែល។ ទី២-ផលិតដី.សគ្រប់ប្រភេទនិងគ្រឿងតុបតែងលម្អពីប្លាស្ទិក ។ ទី៣-ផ្គុំដំឡើងរថយន្ត និងផលិតសម្ភារតុបតែងសម្រាប់ពិធីបុណ្យ ប្រដាប់ប្រដាក្មេងលេង កាបូប វាំងនន និងបោះពុម្ភផលិតផលសម្រេច ។
ទី៤-គម្រោងបង្កើតកសិដ្ឋានដាំដំណាំឈើហូបផ្លែ និងសាងសង់រោងចក្រកែច្នៃ, ទី៥-គម្រោងអភិវឌ្ឍន៍ស្ថានីយផលិតអគ្គិសនី ដើរដោយថាមពលជីវម៉ាសអានុភាព៥០មេហ្គាវ៉ាត់ និងទី៦-ស្ថានីយផលិតអគ្គិសនីដើរដោយថាមពលពន្លឺព្រះអាទិត្យអានុភាព៤០មេហ្គាវ៉ាត់ ។
ចែករំលែកព័តមាននេះ