ខេត្តកំពង់ចាម ៖ «ក្រោមការយកចិត្តទុកដាក់តាមដានពីកម្លាំងនគរបាល និងអាវុធហត្ថឈានរហូតដល់បង្ក្រាបក្រុមស្គេមអនឡាញចំនួន៨២នាក់ ក្នុងស្រុកកំពង់សៀម និង៨នាក់ទៀតនៅស្រុកស្ទឹងត្រង់ ជនបរទេសទាំងនេះ គឺបានចាញ់បោកគេដោយសន្យាបានប្រាក់ខែខ្ពស់ តាមពិតត្រូវគេបោកឲ្យមកធ្វើការដោយទទួលបានអាហារបីពេល និងវាយធ្វើបាបលើរាងកាយទៀតផង…
ខេត្តកំពង់ចាម ៖ «ក្រោមការយកចិត្តទុកដាក់តាមដានពីកម្លាំងនគរបាល និងអាវុធហត្ថឈានរហូតដល់បង្ក្រាបក្រុមស្គេមអនឡាញចំនួន៨២នាក់ ក្នុងស្រុកកំពង់សៀម និង៨នាក់ទៀតនៅស្រុកស្ទឹងត្រង់ ជនបរទេសទាំងនេះ គឺបានចាញ់បោកគេដោយសន្យាបានប្រាក់ខែខ្ពស់ តាមពិតត្រូវគេបោកឲ្យមកធ្វើការដោយទទួលបានអាហារបីពេល និងវាយធ្វើបាបលើរាងកាយទៀតផង ។ នេះជាប្រសាសន៍លើកឡើងពីសំណាក់ឯកឧត្តម អ៊ុន ចាន់ដា អភិបាលខេត្តថ្លែងនៅក្នុងឱកាសអបអរសាទរទិវាជាតិប្រយុទ្ធប្រឆាំងការជួញដូរមនុស្ស១២ធ្នូឆ្នាំ២០២៥ ក្រោមប្រធានបទយើងរួមគ្នា ដើម្បីកម្ពុជាគ្មានការជួញដូរមនុស្ស និងអំពើឆបោកតាមអនឡាញ ពិធីនេះ ធ្វើឡើងនៅសាលសន្និសីទសាលាខេត្ត នាព្រឹកថ្ងៃទី២៤ មីនា ឆ្នាំ២០២៦។
ឯកឧត្តម អ៊ុន ចាន់ដា អភិបាលខេត្តមានប្រសាសន៍ដោយលើកឡើងថា ចំពោះបទល្មើសអំពើជួញដូរមនុស្សនៅក្នុងខេត្តកំពង់ចាម ត្រូវបានបង្ក្រាបជាបន្តបន្ទាប់បានចំនួន១៤ករណីដោយក្នុងនោះ មានជនល្មើសចំនួន២០រូប ។ ទោះបីជាបានខិតខំធ្វើការផ្សព្វផ្សាយយ៉ាងណាក៏ដោយ តែសកម្មភាពបទល្មើសនេះ នៅតែមានកើតឡើង ។ ហើយបើតាមការប្រៀបធៀបពីមួយឆ្នាំទៅមួយឆ្នាំ បទល្មើសការជួញដូរនេះ គឺមានការថយចុះគួរឱ្យកត់សម្គាល់ ។ ឯកឧត្តមអភិបាលខេត្តមានប្រសាសន៍បន្តថា ដំបូងរដ្ឋបាលខេត្តគ្រោងរៀបចំកម្មវិធីនេះដោយធ្វើឡើងនៅក្នុងស្រុកបាធាយ តែដោយសារសង្គ្រាមនៅមជ្ឈិមបូព៌ា បានធ្វើឲ្យប៉ះពាល់ជាលក្ខណៈសកល ។
គួបផ្សំនឹងការណែនាំពីប្រមុខរាជរដ្ឋាភិបាលកម្ពុជា ឱ្យស្ថាប័នថ្នាក់ក្រោមត្រូវចេះសន្សំប្រេង ហេតុដូច្នេះហើយ ទើបធ្វើឡើងនៅសាលាខេត្តកំពង់ចាម ដើម្បីចៀសវាងកុំឲ្យលោកមេឃុំ-ចៅសង្កាត់ ព្រមទាំងមន្ត្រីផ្សេងទៀត ធ្វើដំណើរផ្លូវឆ្ងាយចំណាយច្រើន ។ ជាការពិតណាស់យុវជនងាយប្រឈមក្នុងការអូសទាញសកម្មភាពបទល្មើសក្នុងការជួញដូរមនុស្សតាមរយៈការឃោសនាសន្យា ដោយឱ្យទទួលបានប្រាក់ខែខ្ពស់ជាដើម ដែលអាចកើតឡើងទៅលើអ្នកដែលមានជីវភាពខ្វះខាត ក្នុងនោះ មានខ្លះទៀតធ្លាក់ទៅក្នុងសកម្មភាពអាជីវកម្មជួញដូរផ្លូវភេទ ជួញដូរសរីរាង្គមនុស្សក៏មានដែរ ។
មានករណីខ្លះទៀត ដូចជាការពពោះពេលដែលកូនកើតមកមានស្មារតីមិនល្អ គេមិនទទួលយក ដូច្នេះបន្ទប់នោះ ត្រូវបានធ្លាក់ទៅលើអ្នករងគ្រោះដល់ទៅពីរជាន់ឯណោះ។ សម្រាប់វិធានការទប់ស្កាត់ការជួញដូរមនុស្ស គឺមានបួនចំណុចក្នុងនោះរួមមាន១-បង្ការ ។ ២-ទប់ស្កាត់ ។ ៣-បង្ក្រាប ។ ៤-បោសសំអាត ។
ឯកឧត្តមអភិបាលខេត្តបានបញ្ជាក់ថា ពេលណាដែលមានបទល្មើសកើតនោះមិនឲ្យមានការអន្តរាគមន៍នោះទេ។ សំខាន់ត្រូវធ្វើយ៉ាងណា ឱ្យសង្គមរស់នៅដោយមានភាពសុខដុមរមនីយកម្ម ជាមួយនោះត្រូវពង្រឹងយុវជនឱ្យមានចំណេះជំនាញខ្លាំង ទើបមានការរីកចម្រើន ។ ដូចជាករណីជនបរទេស ដែលត្រូវបានកម្លាំងនគរបាល និងកងរាជអាវុធហត្ថហេតុបានធ្វើការបង្ក្រាបទប់ស្កាត់ទាន់ពេលវេលានៅស្រុកកំពង់សៀម និងត្រង់ គឺមានមេខ្យល់ ដែលដឹកមកទម្លាក់ ក្នុងគោលបំណងឲ្យជនបរទេសទាំងនោះប្រព្រឹត្តនៅអំពើឆបោកតាម ។
ប៉ុន្តែសំណាងល្អ ត្រូវបានទប់ស្កាត់ពេលវេលាទាក់ទងតាមរយៈស្ថានទូតបញ្ជូនពួកគាត់ឲ្យត្រឡប់ទៅកាន់ប្រទេកំណើតវិញ ព្រោះតែជាអ្នកចាញ់បោកគេតាមរយៈសន្យាខ្យល់ទទួលបានប្រាក់ខែខ្ពស់ ។ ជាចុងក្រោយ អភិបាលខេត្តក៏បានជំរុញឲ្យយុវជនត្រូវតែមានស្មារតីប្រុងប្រយ័ត្នកុំឲ្យចាញ់បោកគេ តាំងចិត្តយ៉ាងមោះមុតក្នុងការប្រយុទ្ធប្រឆាំងការជួញដូរមនុស្សឲ្យមានប្រសិទ្ធភាព ក្រោមការចូលរួមពីសមត្ថកិច្ចព្រមទាំងអាជ្ញាធរពាក់ព័ន្ធ ៕
ចែករំលែកព័តមាននេះ