សង្គ្រាមអ៊ុយក្រែន ៖ កងទ័ពអាកាសអ៊ុយក្រែនគូសបញ្ជាក់កាលពីថ្ងៃទី២៤ មីនា ថា រុស្ស៊ីបានប្រើដ្រូនដល់ជិត១០០០គ្រឿងវាយប្រហារប្រឆាំងអ៊ុយក្រែន រយៈពេល២៤ម៉ោងចុងក្រោយនេះ រវាងថ្ងៃទី២៣ មក២៤ មីនា…
សង្គ្រាមអ៊ុយក្រែន ៖ កងទ័ពអាកាសអ៊ុយក្រែនគូសបញ្ជាក់កាលពីថ្ងៃទី២៤ មីនា ថា រុស្ស៊ីបានប្រើដ្រូនដល់ជិត១០០០គ្រឿងវាយប្រហារប្រឆាំងអ៊ុយក្រែន រយៈពេល២៤ម៉ោងចុងក្រោយនេះ រវាងថ្ងៃទី២៣ មក២៤ មីនា ដែលនោះជាការវាយប្រហារតាមអាកាសដ៏ធំមួយ ក្នុងចំណោមការវាយប្រហារតាមអាកាសធំៗរបស់ក្រុងមូស្គូ តាំងពីចាប់ផ្ដើមការលុកលុយរបស់រុស្ស៊ីចូលអ៊ុយក្រែន
មក។
បន្ទាប់ពីការវាយប្រហារខ្លាំងក្លាដោយមីស៊ីល និងដ្រូននាពេលយប់ រុស្ស៊ីបន្តវាយប្រហារនាថ្ងៃទី២៤ មីនា ជាមួយដ្រូនជាង៥៥០គ្រឿងទៀត លើតំបន់ភាគកណ្ដាល និងភាគខាងលិចអ៊ុយក្រែន។ យោងតាមអាជ្ញាធរតំបន់ថា មនុស្សយ៉ាងតិច៣នាក់ស្លាប់ និង៣០នាក់រងរបួសនៅអ៊ុយក្រែនទាំងមូលក្នុងការវាយប្រហារនាពេលថ្ងៃ បន្ទាប់ពីការបាញ់មីស៊ីល និងប្រើដ្រូនវាយប្រហារនាពេលយប់ ដែលបណ្ដាលឲ្យមនុស្ស៤នាក់ស្លាប់ និងរបួស២១នាក់។
ទីក្រុងLVIV ភាគខាងលិចអ៊ុយក្រែន រងការប៉ះពាល់ខ្លាំង ហើយមនុស្ស១៧នាក់រងរបួសពេលដ្រូនរុស្ស៊ីវាយប្រហារលើបណ្ដាតំបន់ស៊ីវិលនៃទីក្រុងនោះ ស្ថិតនៅជិតព្រំដែនជាមួយប៉ូឡូញ។ រុស្ស៊ី ក៏វាយប្រហារផងដែរ ហេដ្ឋារចនាសម្ព័ន្ថសំខាន់ៗក្នុងស្រុកដទៃៗទៀតនៃតំបន់ក្រុងLVIV។ រុស្ស៊ី ក៏វាយប្រហារលើក្រុងអ៉ីវ៉ាណូហ្វ្រាន់គីវស្ក៍ ភាគខាងលិចអ៊ុយក្រែនដែរ។
មនុស្ស២នាក់បានត្រូវស្លាប់ក្នុងទីក្រុងនោះ ហើយមនុស្ស៦នាក់រងរបួស។ ទីក្រុងដទៃៗទៀតពិសេសក្រុងគៀវនិងតំបន់ជុំវិញក៏រងការវាយប្រហារ។ ប្រធានាធិបតីអ៊ុយក្រែនលោកវ៉ូឡូឌីមៀរហ្សេឡេនស្គីលើកឡើងថា ការវាយប្រហារទ្រង់ទ្រាយធំបែបនេះរបស់រុស្ស៊ីបង្ហាញថា ក្រុងមូស្គូគ្មានបំណងបញ្ចប់សង្គ្រាមឡើយ ៕ ប្រភព៖ BFMTV.COM
ចែករំលែកព័តមាននេះ