ខេត្តព្រះសីហនុ ៖ យោងតាមរបាយការណ៍របស់លោក អ៊ុច ពិសិដ្ឋ នាយការិយាល័យបង្ការ ពន្លត់អគ្គិភ័យ និងសង្គ្រោះនៃស្នងការដ្ឋានខេត្តបានឲ្យដឹងថា នៅវេលាម៉ោង១០និង២៥នាទីយប់ថ្ងៃទី២៣ ខែមីនា…
ខេត្តព្រះសីហនុ ៖ យោងតាមរបាយការណ៍របស់លោក អ៊ុច ពិសិដ្ឋ នាយការិយាល័យបង្ការ ពន្លត់អគ្គិភ័យ និងសង្គ្រោះនៃស្នងការដ្ឋានខេត្តបានឲ្យដឹងថា នៅវេលាម៉ោង១០និង២៥នាទីយប់ថ្ងៃទី២៣ ខែមីនា ឆ្នាំ២០២៦ មានករណីភ្លើងឆេះរថយន្តរ៉េងរ៉ូវើរ១គ្រឿង ពណ៌ខ្មៅ ពាក់ផ្លាកលេខ ភ្នំពេញ ២BZ-៦៦៥៧ ខណ:កំពុងបើកបរតាមផ្លូវជាតិលេខ៤ ត្រង់ចំណុចខាងមុខស្រះទឹក ក្បែររោងចក្រផលិតស្រាបៀរអង្គរ ស្ថិតក្នុងភូមិ៣ សង្កាត់លេខ១ ក្រុងព្រះសីហនុ ។
ការឆេះនេះ បណ្តាលឲ្យរថយន្តខូចខាតទាំងស្រុង ប៉ុន្តែមិនបង្កឱ្យមនុស្សណាម្នាក់រងរបួស ឬស្លាប់បាត់បង់ជីវិតទេ ។ ក្នុងករណីឆេះរថយន្តនេះដែរ ការិយាល័យបង្ការ ពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលខេត្ត បានចេញរថយន្តពន្លត់អគ្គិភ័យ១គ្រឿងទៅបាញ់ទឹកពន្លត់ ដោយប្រើប្រាស់ទឹកអស់១ស៊ីទែន ភ្លើងក៏រលត់ទៅវិញទាំងស្រុង ។
ដោយឡែក អ្នកបើកបររថយន្តមិនស្គាល់អត្តសញ្ញាណ ក្រោយកើតហេតុបានគេចខ្លួនទៅបាត់ ៕
ចែករំលែកព័តមាននេះ