រាជធានីភ្នំពេញ ៖ ជនសង្ស័យចំនួន១២នាក់ត្រូវបានកម្លាំងនគរបាល ការិយាល័យ ព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញសហការជាមួយនគរបាល នៅតាមបណ្ដាលខណ្ឌនានាស្រាវជ្រាវឃាត់ខ្លួនជាបន្តបន្ទាប់ បន្ទាប់ពីធ្វើសកម្មភាពវាយប្លន់យកម៉ូតូនិងបង្ក ហិង្សាព្រមទាំងបង្ហោះម៉ូតូនៅតាមដងផ្លូវសាធារណៈ។ ជនសង្ស័យដែលត្រូវឃាត់ខ្លួន សមត្ថកិច្ច…
រាជធានីភ្នំពេញ ៖ ជនសង្ស័យចំនួន១២នាក់ត្រូវបានកម្លាំងនគរបាល ការិយាល័យ ព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញសហការជាមួយនគរបាល នៅតាមបណ្ដាលខណ្ឌនានាស្រាវជ្រាវឃាត់ខ្លួនជាបន្តបន្ទាប់ បន្ទាប់ពីធ្វើសកម្មភាពវាយប្លន់យកម៉ូតូនិងបង្ក ហិង្សាព្រមទាំងបង្ហោះម៉ូតូនៅតាមដងផ្លូវសាធារណៈ។
ជនសង្ស័យដែលត្រូវឃាត់ខ្លួន សមត្ថកិច្ច ឲ្យដឹងថា ១-ឈ្មោះ ទ្បាយ លីដា ហៅ លី ភេទប្រុស អាយុ១៧ឆ្នាំ, ២-ឈ្មោះ រិទ្ធ សាតសុមករា ហៅ ប៊ី ភេទប្រុស អាយុ ១៧ឆ្នាំ,៣ -ឈ្មោះ ហោ អង្គារសភារដ្ឋ ហៅ រត្ន័ ភេទប្រុស អាយុ ១៧ឆ្នាំ,៤- ឈ្មោះ ងួន អុីទ្រីស័រ ហៅ ស័ ភេទប្រុស អាយុ ១៨ឆ្នាំ,៥-ឈ្មោះ លីន ចំរេីន ហៅ រេីន ភេទប្រុស អាយុ ១៨ឆ្នាំ,៦- ឈ្មោះ សូត្រ ច័ន្ទត្រា ហៅ ត្រា ភេទប្រុស អាយុ ១៧ឆ្មាំ,៧- ឈ្មោះ ភន់ តុងឆាយ ហៅ ឆាយ ភេទប្រុស អាយុ ១៧ឆ្មាំ,៨-ឈ្មោះ រីន រដ្ឋបញ្ញាបុត្រ ភេទប្រុស អាយុ១៨ឆ្នាំ,៩-ឈ្មោះ ភឿក ចាន់ហេង ភេទប្រុសអាយុ១៨ ឆ្នាំ ១០-ឈ្មោះ ទ្រី ពិសី ភេទប្រុស អាយុ១៩ឆ្នាំ,១១-ឈ្មោះ វាសនា សាម៉េត ភេទប្រុស អាយុ ២៣ឆ្នាំនិង ១២-ឈ្មោះ ធៀម សុភត្រា ភេទប្រុស អាយុ២២ឆ្នាំ។
លោកវរសេនីយ៍ឯក ម៉ម សាវន នាយការិយាល័យ នគរបាលព្រហ្មទណ្ឌកំរិតស្រាលរាជធានីភ្នំពេញបានអោយដឹងថា ដោយអនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការ នគរបាលជាតិ និងអនុវត្តន៍តាមបទបញ្ជាពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នង ការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារ នគរបាលព្រហ្មទណ្ឌ និងបញ្ជារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យ នគរបាលព្រហ្មទណ្ឌកំរិតស្រាល ,កម្លាំងនគរបាលព្រហ្មទណ្ឌកំរិតស្រាលបានសហការជាមួយនឹងនគរបាល នៅតាមបណ្ដាអធិការដ្ឋាននានា ធ្វើការស្រាវជ្រាវហើយឈានទៅឃាត់ខ្លួនបានជនសង្ស័យចំនួន ១២នាក់ដែលបានប្រព្រឹត្តបទល្មើសចំនួន ៣ករណីផ្សេងគ្នា។
លោកវរសេនីយ៍ឯក ម៉ម សាវន នាយការិយាល័យ នគរបាលព្រហ្មទណ្ឌកំរិតស្រាលបានឱ្យដឹងទៀតថា
ករណីទី១ លួចមានស្ថានទម្ងន់ទោស (កាប់នឹងវាយប្លន់យកម៉ូតូ) នៅចំណុចវាលស្រែ១០០ ផ្លូវលំ សង្កាត់គោករកា ខណ្ឌព្រែកព្នៅ រាជធានីភ្នំពេញ វេលាម៉ោងប្រហែល ០៣ម៉០០នាទី ថ្ងៃទី២២ខែមិនា ឆ្នាំ ២០២៦ ។
ករណីទី២ ហិង្សាដោយចេតនាមានស្ថានទម្ងន់ទោសដោយ យកដាវ,មួកសុវត្ថិភាព,ដុំថ្ម កាប់ វាយ គប់ លើជនរងគ្រោះបណ្តាលអោយរងរបួសប្រព្តឹត្តនៅចំណុចលើផ្លូវលេខ២០១១ ភូមិខ្មែរលើ សង្កាត់គោករការ ខណ្ឌព្រែកព្នៅ រាជធានីភ្នំពេញ កាលពីថ្ងៃទី២២ ខែមីនា វេលាម៉ោង០៤ និង ៥០នាទី ។និងករណីទី៣ បង្ហោះម៉ូតូ តាមផ្លូវសារធារណះ ប្រព្រឹត្តនៅចំណុចផ្លូវកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ កាលពីថ្ងៃទី២១ ខែមីនា ឆ្នាំ២០២៦។
ជនសង្ស័យទាំង១២នាក់ត្រូវបានកម្លាំងនគរបាលឃាត់ខ្លួនបញ្ជូនមកកាន់ការិយាល័យដើម្បីសាកសួរនិងបន្តចាត់ការតាមនីតិវិធី។ចំណែកបក្សពួកដែលនៅសេសសល់សមត្ថកិច្ចនឹងបន្តការស្រាវជ្រាវឃាត់ខ្លួនដល់ឬសគល់តែម្ដង៕
ចែករំលែកព័តមាននេះ