ស៊ែប ៖ ទូរទស្សន៍រដ្ឋរបស់ប្រទេសស៊ែបបានរាយការណ៍កាលពីថ្ងៃសុក្រថា ស្លាកប្រធានក្រុមជម្រើសជាតិព័រទុយហ្គាល់ដែលកីឡាករ Cristiano Ronaldo បានបោះចោលអំឡុងការប្រកួតជម្រុះ World Cup ទល់នឹងម្ចាស់ស៊ែបនៅទីក្រុង…
ស៊ែប ៖ ទូរទស្សន៍រដ្ឋរបស់ប្រទេសស៊ែបបានរាយការណ៍កាលពីថ្ងៃសុក្រថា ស្លាកប្រធានក្រុមជម្រើសជាតិព័រទុយហ្គាល់ដែលកីឡាករ Cristiano Ronaldo បានបោះចោលអំឡុងការប្រកួតជម្រុះ World Cup ទល់នឹងម្ចាស់ស៊ែបនៅទីក្រុង Belgrade កាលពីសប្តាហ៍មុនត្រូវបានលក់ដាច់ក្នុងតម្លៃ ៥៤,០០០ផោន ស្មើនឹង ៧៥.០០០ដុល្លារអាមេរិក នៅឯកម្មវិធីដេញថ្លៃសប្បុរសធម៌មួយ។ គួររំលឹកថា ស្លាកប្រធានក្រុម ដែល Ronaldo បោះចោលជួយស្រោចស្រង់ជីវិតទារកម្នាក់
ក្រុមមនុស្សធម៌ក្នុងតំបន់បានដាក់ស្លាកប្រធានក្រុមមួយនេះ សម្រាប់ការដេញថ្លៃតាមប្រព័ន្ធអ៊ីនធឺណិត ដើម្បីរៃអង្គាសប្រាក់សម្រាប់ការព្យាបាលទារកជនជាតិស៊ែបម្នាក់ឈ្មោះថា Gavrilo Djurdjevic អាយុ៦ខែ ដែលមានជំងឺសាច់ដុំឆ្អឹងខ្នង។
ទោះយ៉ាងណា ចំនួនទឹកប្រាក់នៃការលក់ស្លាកប្រធានក្រុមជម្រើសជាតិរបស់ខ្សែប្រយុទ្ធក្រុមសេះបង្កង់ Juventus ខាងលើ មិនគ្រប់គ្រាន់សម្រាប់ការព្យាបាលនៅឡើយទេ។ ដោយបច្ចុប្បន្នអង្គការសប្បុរសធម៌ខាងលើ កំពុងតែស្វះស្វែងរកប្រាក់ប្រមាណជាង ៣លានដុល្លារ សម្រាប់ការព្យាបាលទារករូបនោះ។
សូមបញ្ជាក់ថា ក្រោយមានការមិនពេញចិត្ត ចំពោះកាត់សេចក្តីរបស់អាជ្ញាកណ្តាលក្នុងការប្រកួត Ronaldo បានដោះស្លាកប្រធានក្រុមបោះចោល និងដើរចេញពីទីលានប្រកួតមុនអាជ្ញាកណ្តាលផ្លុំកញ្ចែបញ្ចប់ការប្រកួត។ ហើយភ្លាមៗនោះ បុគ្គលិកពន្លត់អគ្គិភ័យក្នុងកីឡដ្ឋានម្នាក់បានរើសវាទុក មុនពេលកើតមានការដេញថ្លៃ៕ (ដកស្រង់ចេញពី BBC)
ចែករំលែកព័តមាននេះ