អង់គ្លេស ៖ កីឡាករ Anthony Martial បន្ត​ក្លាយជា​ជន​រង​គ្រោះ​ពី​ការ​បំពាន​រើសអើង​ពូជសាសន៍​លើ​បណ្តាញ​សង្គម​ជា​ថ្មី​ម្តងទៀត បន្ទាប់​ពី​ក្រុម Man UTD បាន​ស្មើ ១-១ ទល់​នឹង​ក្រុម​ម្ចាស់ផ្ទះ West Brom កាលពី​យប់​ម្សិលមិញ​។ គួររំលឹកថា OLE ថា MAN UTD មិន​បោះបង់​ការ​ដណ្តើម​ជើងឯក​លី​គ​រដូវ​កាល​នេះ​ទេ

ខ្សែប្រយុទ្ធ​បារាំង​រូប​នេះ ត្រូវ​បាន​ដាក់​ឱ្យ​លេង​ជា​ជម្រើស​ដំបូង​សម្រាប់​ជំនួប​នោះ មុន​ពេល​ត្រូវ​ប្តូរ​ចេញ​ជំនួស​ដោយ​ខ្សែប្រយុទ្ធ​វ័យក្មេង Mason Greenwood នៅ​ដើម​តង់​ទី​២​។ បន្ទាប់​ពី​ចប់​ការ​ប្រកួត​សារ​ស្អប់ខ្ពើម និង​រើស​អើ​ង​​ជាតិ​សាសន៍​ជា​ច្រើន ជា​ពិសេស​រូប​សញ្ញា (Emojis) សត្វ​ស្វា​ហ្គោ​រី​ឡា (Gorillas) បាន​ផ្ទុះ​នៅ​លើ​គណនី Instagram របស់ Martial​។

សូម​រំលឹក​ថា នេះ​មិនមែន​ជា​លើក​ទី​១​ឡើយ​សម្រាប់ Martial ដែល​ទទួល​សារ​បំពាន​រើសអើង​ពូជសាសន៍​បែប​នេះ​។ កន្លង​មក​រូបគេ និង​មិត្ត​រួម​ក្រុម​ម្នាក់​ទៀត​គឺ​ខ្សែការពារ Axel Tuanzebe ក៏​ជា​ជន​រង​គ្រោះ​ផង​ដែរ បន្ទាប់​ពី​គ្រប់​គ្នា​មិន​ពេញចិត្ត ចំពោះ​ការ​ធ្លាក់​ទម្រង់​លេង​យ៉ាង​ខ្លាំង​របស់​កីឡាករ​ទាំង​២​រូប​នេះ​៕ (​ដកស្រង់​ចេញពី Dailymail)