ក្រុមសម្ដែងរឿងទុំទាវ២០២១ ព្រមធ្វើកិច្ចសន្យា ៨ចំណុច តាមវិធានការរបស់ក្រសួង
រាជធានីភ្នំពេញ ៖ ចូលបំភ្លឺដូចតាមការកោះហៅរបស់ក្រសួងវប្បធម៌ និង វិចិត្រសិល្បៈ នៅព្រឹកថ្ងៃទី១០ ខែកុម្ភៈ ឆ្នាំ២០២១នេះ ក្រុម Ah…
រាជធានីភ្នំពេញ ៖ ចូលបំភ្លឺដូចតាមការកោះហៅរបស់ក្រសួងវប្បធម៌ និង វិចិត្រសិល្បៈ នៅព្រឹកថ្ងៃទី១០ ខែកុម្ភៈ ឆ្នាំ២០២១នេះ ក្រុម Ah Gi អ្នកលក់ឡេ ដែលសម្ដែងរឿង ទុំទាវ ២០២១ បានចូលខ្លួនទៅដោះស្រាយហើយ ដោយក្រុមប្រឹក្សាពិន័យ និងលើកសរសើរ ក៏បានសម្រេចដកហូត Page Hokima ធ្វើការបិទទាំងស្រុងផងដែរ ។
ការចូលខ្លួនបំភ្លឺនៅពេលនេះម្ចាស់ Page Hokima និងអ្នកសម្តែងរឿងទុំទាវ២០២១ ដែលបានការថតកាឡៃរឿងទុំទាវ ធ្វើឱ្យមានផលប៉ះពាល់ដល់សាសនា វប្បធម៌ជាតិ និងប្រពៃណីជាតិនោះ បានធ្វើកិច្ចសន្យា ចំនួន៨ចំណុច ដោយក្នុងនោះពួកគេ និងធ្វើការចេញវីដេអូ សុំទោសប្រជាពលរដ្ឋខ្មែរជាសាធារណៈ ។
សូមរម្លឹកថា ទីបំផុត! ម្ចាស់ផេក និងអ្នកសម្តែងទុំទាវ២០២១ ត្រូវក្រសួងហៅចូលបំភ្លឺថ្ងៃទី១០កុម្ភៈ ជាកំហិត ។ កាលពីរសៀលថ្ងៃទី០៤ ខែកុម្ភៈ ឆ្នាំ២០២១កន្លងទៅ ក្រសួងវប្បធម៌ និងវិចិត្រសិល្បៈ បានចេញលិខិតបន្ទាន់មួយ ដើម្បីអញ្ញើញដល់ម្ចាស់ Page Hokima និងអ្នកសំដែងរឿង ទុំទាវ២០២១ ទាំងអស់ឱ្យចូលទៅកាន់ទីស្ដីការក្រសួងវប្បធម៌ និងវិចិត្រសិល្បៈ «បន្ទប់លេខាធិការដ្ឋាន ក្រុមប្រឹក្សាពិន័យ និងលើកសរសើរ» ដើម្បីចូលបំភ្លឺ ករណីការថតកាឡៃរឿង ទុំទាវ ដែលធ្វើឱ្យមានផលប៉ះពាល់ដល់អក្សសិល្ប៍ខ្មែរ សាសនា វប្បធម៌ជាតិ និងប្រពៃណីជាតិទាំងមូល ។
ជាការកត់សម្គាល់ កន្លងមក អ្នកខ្លះគិតតែពីអត្ថប្រយោជន៍ផ្ទាល់ខ្លួន ដោយមិនខ្វល់ ឬមិនយកចិត្តទុកដាក់ដល់សង្គម ធ្វើអោយលើសលួសក្រមសីលធម៌នានា ធ្វើអោយប៉ះពាល់ដល់សាសនា វប្បធម៌ និងប្រពៃណីជាតិ ជាដើម រួចហើយចាំចេញសារសូមទោសជាសាធារណៈ តាមក្រោយ ។ ប្រសិនបើ មានចំណាត់ការពីសមត្ថកិច្ច ឫក្រសួងពាក់ព័ន្ធទៀត បុគ្គលប្រព្រឹត្តខុសនោះ ចូលខ្លួនមកទទួលការអប់រំណែនាំ ធ្វើកិច្ចសន្យា ជាការស្រេច ។ ដោយមើលឃើញពីភាពធូររលុងចំពោះចំណាត់ការរបស់សមត្ថកិច្ចពាក់ព័ន្ធបែបនេះហើយ ទើបនៅតែមានជនឆ្លៀតឱកាសមួយចំនួនតូចដើម្បីភាពល្បីល្បាញ ចេះតែប្រព្រឹត្តល្មើសជាបន្តបន្ទាប់ ៕
ចែករំលែកព័តមាននេះ