កម្ពុជា និងវៀតណាម បានបន្តប្តេជ្ញាជំរុញពាណិជ្ជកម្មទ្វេរភាគីរបស់ប្រទេសទាំងពីរឲ្យឡើងដល់២០ពាន់លានដុល្លារ ហើយដើម្បីសម្រេចគោលដៅនេះ ប្រមុខការទូតទាំងពីរប្រទេសបានជំរុញចំណុចមួយចំនួន ។ តាមសេចក្តីប្រកាសរបស់ក្រសួងការបរទេស ដែលបានចេញ នៅថ្ងៃទី១៥ ខែធ្នូនេះ…
កម្ពុជា និងវៀតណាម បានបន្តប្តេជ្ញាជំរុញពាណិជ្ជកម្មទ្វេរភាគីរបស់ប្រទេសទាំងពីរឲ្យឡើងដល់២០ពាន់លានដុល្លារ ហើយដើម្បីសម្រេចគោលដៅនេះ ប្រមុខការទូតទាំងពីរប្រទេសបានជំរុញចំណុចមួយចំនួន ។
តាមសេចក្តីប្រកាសរបស់ក្រសួងការបរទេស ដែលបានចេញ នៅថ្ងៃទី១៥ ខែធ្នូនេះ បានឲ្យដឹងថា នៅក្នុងកិច្ចប្រជុំគណកម្មការចម្រុះប្រទេសទាំងពីរ ស្តីអពីកិច្ចសហរប្រតិបត្តិកាសេដ្ឋកិច្ច វប្បធម៌ វិទ្យាសាស្ត្រ និងបច្ចេកវិទ្យា នៅសៀមរាប កាលពីសប្តាហ៍មុននោះ ភាគីទាំងពីរបានឯកភាពសិក្សារួមគ្នាលើយន្តការកិច្ចសហប្រតិបត្តិការសេដ្ឋកិច្ចក្នុងស្ថានភាពថ្មី ដើម្បីតភ្ជាប់សេដ្ឋកិច្ចប្រទេសទាំងពីរផ្អែកលើផែនការមេ ដែលត្រូវអនុវត្តដល់ឆ្នាំ២០៣០ ។
ភាគីទាំងពីរបានឯកភាពរៀបចំគម្រោងដឹកជញ្ជូនតភ្ជាប់កម្ពុជា និងវៀតណាម ជាពិសេស គឺច្រករបៀងសេដ្ឋកិច្ចភាគខាងត្បូង ដើម្បីជំរុញការដឹកជញ្ជូនទំនិញ និងអ្នកដំណើរឆ្លងកាត់ព្រំដែនក្នុងតំបន់ ។
ភាគីទាំងពីរ ក៏បានឯកភាពគ្នាពន្លឿនការពិភាក្សាលើការតភ្ជាប់ផ្លូវល្បឿនលឿនភ្នំពេញ-បាវិត-ហូជីមិញ-ម៉ុកបៃ និងបានឯកភាពសិក្សារួមគ្នា អំពីលទ្ធភាពបង្កើតផ្លូវដែកតភ្ជាប់ភ្នំពេញ-បាវិត-ហូជីមិញ-ម៉ុកបៃនេះផងដែរ ៕
ចែករំលែកព័តមាននេះ