រាជធានីភ្នំពេញ ៖ ហាងលក់បាយមួយកន្លែងស្ថិតនៅតាមផ្លូវ៥០ម៉ែត្រក្នុង ភូមិអន្លង់គងថ្មី សង្កាត់ព្រៃស ខណ្ឌដង្កោ រាជធានីភ្នំពេញ ត្រូវបានអគ្គីភ័យឆាបឆេះបង្កឲ្យមានការភ្ញាក់ផ្អើលដល់រថយន្តពន្លត់អគ្គីភ័យទៅអន្តរាគមន៍ទប់ស្កាត់ទាន់ពេល។ ហេតុការណ៍នេះបានកើតឡើងនៅវេលាម៉ោង ១០និង០០នាទីព្រឹក…
រាជធានីភ្នំពេញ ៖ ហាងលក់បាយមួយកន្លែងស្ថិតនៅតាមផ្លូវ៥០ម៉ែត្រក្នុង ភូមិអន្លង់គងថ្មី សង្កាត់ព្រៃស ខណ្ឌដង្កោ រាជធានីភ្នំពេញ ត្រូវបានអគ្គីភ័យឆាបឆេះបង្កឲ្យមានការភ្ញាក់ផ្អើលដល់រថយន្តពន្លត់អគ្គីភ័យទៅអន្តរាគមន៍ទប់ស្កាត់ទាន់ពេល។
ហេតុការណ៍នេះបានកើតឡើងនៅវេលាម៉ោង ១០និង០០នាទីព្រឹក ថ្ងៃទី១៦ ខែធ្នូឆ្នាំ២០២៥ បណ្តាលដំបូលស្បូវមួយចំនួនបានរងការខូចខាត។
ហាងបាយដែលត្រូវភ្លើងសមត្ថកិច្ចអោយដឹងថា ជាប្រភេទសំណង់ធ្វើពីដែកបាំងស័ង្កសី ប្រក់ស្បូវមាន ទំហំ១៥ម៉ែត្រ គុណ ២០ម៉ែត្រដែលមាន ម្ចាស់ឈ្មោះ ចន ស្រីម៉ៅ ភេទស្រី អាយុ៣២ឆ្នាំ មុខរបរ លក់បាយ ស្នាក់នៅទីតាំងកើតហេតុខាងលើ។
តាមព័ត៌មានបានឲ្យដឹងថា នៅមុនពេលកើត ហេតុនៅពេលដែលភ្ញៀវបាននាំគ្នាអង្គុយលេងនៅអង្រឹង និងញ៉ាំបាយស្រាប់តែភ្លើងបានឆាបឆេះដំបូលស្បូវហាង បង្កឲ្យមានការភ្ញាក់ផ្អើលដល់បុគ្គលិក ភ្ញៀវ និងអ្នកជិតខាងនាំគ្នារត់ចេញនិងនាំគ្នា បាញ់ពន្លត់។
នៅក្នុងហេតុការណ៍នោះដែរ រថយន្តពន្លត់អគ្គីភ័យចំនួន ២គ្រឿងបានទៅអន្តរាគមន៍បាញ់ពន្លត់អស់ទឹក១ឡាន ហើយភ្លើងបានរលត់ទៅវិញពុំបណ្ដាលឲ្យឆេះរាលដាលឡើយ។
តាមនគរបាលការិយាល័យបង្ការពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា អគ្គីភ័យនេះបណ្ដាឲ្យដំបូលស្បូវមួយចំនួនបានរងការខូចខាតហើយពុំបណ្ដាលឱ្យឆេះរាលដាលធ្ងន់ធ្ងរឡើយ។
តាមនគរបាលបានឲ្យដឹងទៀតថា នេះចាត់ទុកជាសំណាងដែលសមត្ថកិច្ចបានទៅអន្តរាគមន៍ទាន់ពេលកុំអីភ្លើងបានឆាបឆេះធ្ងន់ធ្ងរមិនខាន។អគ្គីភ័យនេះបណ្ដាលមកពីឆ្លងចរន្តអគ្គិសនី ៕
ចែករំលែកព័តមាននេះ