ខេត្តកំពង់ស្ពឺ ៖ បន្ទាប់ពីគេហទំព័រកោះសន្តិភាពបានផ្សាយពីជីវិតតស៊ូជំនះរាល់ឧបសគ្គរបស់លោកយាយពិការរួចមក បានរំជួលដល់សប្បុរសជនមានចិត្តអាណិតមេត្តា ដោយជួយឧបតម្ថថវិកាផ្ទាល់ខ្លួនជូនចំពោះលោកយាយ ទុកគ្រាន់ដោះស្រាយបញ្ហាជីវភាពប្រចាំថ្ងៃ។ ចំពោះទឹកចិត្តដ៏ប្រពៃថ្លៃថ្លាទាំងនេះ សបញ្ជាក់អោយឃើញពីសមានចិត្តជួយសង្គ្រោះគ្នាក្នុងគ្រាលំបាកមែន ។ សូមរំលឹកថា៖ លោកយាយពិការភ្នែកឯកោម្នាក់ សុំហូបឆ្ងាញ់មួយពេល មុនលាចាកលោក
ប្រិយមិត្តរបស់កោះសន្តិភាព ដែលជាសប្បុរសជនលោកស្វាយ សារ៉េត លោកបានអានអំពីជីវិតរបស់លោកយយ ដោយមើលឃើញពីទុក្ខលំបាករបស់លោកយាយពិការភ្នែក រស់នៅតែលតោលម្នាក់ឯងធ្វើអោយគាត់ក្តុកក្តួលក្នុងចិត្តជាខ្លាំង ដោយបានគិតថា មនុស្សចាស់ខ្លះរស់នៅជាមួយកូនមានហូបគ្រប់គ្រាន់ពេលខ្លះគាត់នៅតែឃ្លាន ចុះទម្រាំលោកយាយរស់នៅតែម្នាក់ឯង ហើយពិការភ្នែកទៀត តើគាត់ឃ្លានបែបណា? ។ ចំណុចនេះហើយ ដែលធ្វើអោយលោកកើតក្តីមេត្តា ទើបសម្រេចចិត្តបរិច្ចាគធនធានតាមរយ:ភ្នាក់ងារកោះសន្តិភាព ដើម្បីនាំយកថវិការនិងគ្រឿងឧបភោគបរិភោគរបស់ខ្លួនជូនចំពោះលោកយាយនាពេលនេះ ។
សប្បុរសជនដែលបរិច្ចាគធនធានរបស់ខ្លួន ធ្វើទានចំពោះលោកយាយពិការ មានដូចជា លោកស្វាយ សារ៉េត អគ្គនាយប្លូ៊អាតសេនធ័រខេត្តសៀមរាប គ្រឿងឧបភោគបរិភោគ រួមមានអង្ករ៥០គីឡូក្រាម, មី១កេស, ទឹកត្រី ទឹកសុីអុីវ៨ដប, ទឹកដោះគោឆៅ១ឡូ, ទឹកផ្លែឈើ១កេស, ស្ករស១គីឡូ, បង្កង១គីឡូក្រាម, ត្រីខ ព្រមទាំងថវិការ៥០.០០០០រៀល។ តំណាងចែកចាយសម្រស់ធម្មជាតិទួលគោកថវិកា២០.០០០០រៀល លោកយាយឈឹម យឿន សម្លៀកបំពាក់រួមមានអាវ០៣ សំពត់០២ ក្រមា០១លោកដាភ្នំពេញថវិកា៥០០០០រៀល លោកហុឹមសុជាតិ បុគ្គលិកក្រុមហ៊ុនឯកជនថវិកា២០.០០០០រៀល និងបងស្រីសំណាងថវិកាចំនួន១០០$ ។
ក្រោយពេលបានទទួលអំណោយរួចមក លោកយាយបានថ្លែងអំណរគុណយ៉ាងជ្រាលជ្រៅ ដោយក្តីរំភើបឥតឧបមា ចំពោះទឹកចិត្តដ៏ថ្លៃថ្លារបស់អស់លោកសប្បុរសជនទាំងអស់ ដែលបានបិរច្ចាគធនធានរបស់ខ្លួនជួយដល់លោកយាយនាពេលនេះ ។ ក្នុងនោះផងដែរ លោកយាយសូមបួងសួងដល់វត្ថុស័ក្តិសិទ្ឋិក្នុងលោកសូមតាមជួយថែរក្សាម្ចាស់ទានទាំងអស់ សូមជួបប្រទះតែសេចក្តីសុខឈ្នះអស់មារសត្រូវទាំងពួងនិងសូមអោយមុខរបររបស់ខ្លួនកាន់តែរីកដុះដាលបោះជំហានទៅមុខជាលំដាប់។
លោកយាយបន្ថែមថា សម្ភារទាំងនេះលោកយាយនឹងដាំបាយដាក់បាត្រលោក ហើយឧទ្ទិសកុសលហើយផ្សាយមេត្តាជូនទៅដល់ញាតិការរបស់ម្ចាស់ទាន ដើម្បីអស់លោកទាំងនោះបានទទួលមគ្គផលអំពីការធ្វើទានរបស់អស់លលកសប្បុរសដូចលោកយាយបានទទួលនាពេលនេះអុីចឹង។
លោកតា ឯកស្រេង មេភូមិរលាំងចក ក៏បានថ្លែងអំណរគុណផងដែរ ដល់សប្បុរសជនទាំងអស់ដែលបានចែករំលែកទានរបស់ខ្លួនជូនចំពោះលោកយាយនាពេលនេះ ។ ក្នុងនាមអាជ្ញាធរ លោកគ្មានអ្វីក្រៅពីបួងសួងសូមអោយម្ចាស់ទានទាំងអស់រស់នៅបានសេចក្តីសុខនោះទេ អំណោយទាំងនេះគឺអាចជូយអោយលោកយាយដោះស្រាយជីវភាពប្រចាំថ្ហៃបានមួយកំរិតធំ ។
ចែករំលែកព័តមាននេះ