ADផ្ទាំងផ្សព្វផ្សាយពាណិជ្ជកម្ម

សណ្ឋាគារប្រណីតបែបណាប្រើសម្រាប់ឃុំខ្លួនកីឡាករ Ronaldinho

4 ឆ្នាំ មុន

០៩ ខែ មេសា ឆ្នាំ ២០២០ ម៉ោង ១៤:៣១

កីឡាករ Ronaldinho វីរបុរសប្រេស៊ីល និងក្លិប Barcelona រួមទាំងបងប្រុសរបស់គេ Roberto Assis ត្រូវបានដោះលែងពីពន្ធនាគារនៅក្នុងប្រទេសប៉ារ៉ាហ្គាយ ក្រោយចំណាយពេល៣២ថ្ងៃនៅទីនោះ ដោយផ្លាស់មកបន្តឃុំខ្លួនក្នុងសណ្ឋាគារមួយជំនួសវិញ ។ គួររំលឹកថា Ronaldinho ត្រូវដោះលែងពីពន្ធនាគារប៉ារ៉ាហ្គាយ តែបន្តឃុំខ្លួនក្នុងសណ្ឋាគារ

សូមរំលឹកថាទាំង២នាក់បងប្អូន ត្រូវបានចាប់ខ្លួនកាលពីដើមខែមីនា បន្ទាប់ពីរងការចោទប្រកាន់ពីបទបានប្រើលិខិតឆ្លងដែនក្លែងក្លាយ ដើម្បីចូលក្នុងប្រទេសប៉ារ៉ាហ្គាយ ។ តាមការឱ្យដឹងពីមេធាវីរបស់ Ronaldinho បានបញ្ជាក់ថា ពួកគេត្រូវបង់ប្រាក់ធានាចំនួន ១,៦លានដុល្លារអាមេរិក ដើម្បីផ្លាស់ប្តូរចេញពីពន្ធនាគារ ។ បច្ចុប្បន្នអ្នកទាំង២កំពុងរង់ចាំការជំនុំជម្រះលើបទចោទប្រកាន់របស់ពួកគេជាបន្តទៀត ។

ដោយឡែកបើតាមការចុះផ្សាយពី Sportbible និង The Sun បានឱ្យដឹងថា សណ្ឋាគារប្រើប្រាស់សម្រាប់ឃុំខ្លួន Ronaldinho និងបងប្រុស មានឈ្មោះថា Palmaroga ដែលជាសណ្ឋាគារប្រណីតលំដាប់ផ្កាយ៤ ប្រចាំប្រទេសប៉ារ៉ាហ្គាយស្ថិតក្នុងទីក្រុង Asuncion ។ ចង់ដឹងថាសណ្ឋាគារប្រណីតខាងលើមានទិដ្ឋភាពបែបណា សូមទស្សនារូបភាពខាងក្រោម ៖