ខេត្តព្រះសីហនុ ៖ មានករណីគ្រោះថ្នាក់ចរាចរណ៍នៅលើផ្លូវជាតិលេខ៤ រវាងរថយន្តហាយឡែនឌ័រ បុកជាមួយរថយន្តកុងតឺនរ័ បណ្តាលឱ្យមនុស្ស៧នាក់ដែលជិះក្នុងឡានហាយឡិនឌរ័ ស្លាប់ចំនួន៦នាក់ និងរបួសធ្ងន់១នាក់ ។ គួររំលឹកថា…
ខេត្តព្រះសីហនុ ៖ មានករណីគ្រោះថ្នាក់ចរាចរណ៍នៅលើផ្លូវជាតិលេខ៤ រវាងរថយន្តហាយឡែនឌ័រ បុកជាមួយរថយន្តកុងតឺនរ័ បណ្តាលឱ្យមនុស្ស៧នាក់ដែលជិះក្នុងឡានហាយឡិនឌរ័ ស្លាប់ចំនួន៦នាក់ និងរបួសធ្ងន់១នាក់ ។ គួររំលឹកថា រថយន្តហាយឡែនឌ័របុកគ្នាលើផ្លូវជាតិលេខ៤ ស្លា.ប់៥នាក់ និងរបួសធ្ងន់២នាក់ អ្នកបើករថយន្តកុងតឺន័រ រត់បាត់
ហេតុការណ៍ខាងលើនេះបានកើតមានឡើងកាលពីវេលាម៉ោង៦និង២០នាទីយប់ថ្ងៃទី១៧ សីហា ឆ្នាំ២០២៤ លើផ្លូវជាតិលេខ៤ ចន្លោះគីឡូម៉ែត្រ ១៨៧-១៨៨ ស្ថិតនៅភូមិទួលទទឹង២ ឃុំទួលទទឹង ស្រុកព្រៃនប់ ខេត្តព្រះសីហនុ ។
សមត្ថកិច្ចបានឱ្យដឹងថា ភាគីខាងរថយន្ដ១គ្រឿង ម៉ាកហាយឡែនឌ័រ ពណ៌ទឹកមាស ពាក់ផ្លាកលេខ ភ្នំពេញ 2Z-7156 បើកបរដោយឈ្មោះ អេ សុងហេង ភេទប្រុស អាយុ២៥ឆ្នាំ មុខរបរជាងជួសជុលម៉ូតូ ជាអ្នកបើកបរ (រងរបួសធ្ងន់) និងអ្នករួមដំណើរចំនួន៦នាក់រួមមាន ១-ឈ្មោះ អេ ឡៃស៊ីម ភេទស្រី អាយុ៣៣ឆ្នាំ (ត្រូវជាបងស្រីបង្កើតអ្នកបើកបរ និងត្រូវជាប្រពន្ធឈ្មោះ ហេង សុខលាង និងមានកូនស្រី០២នាក់ឈ្មោះ ចឹង មួយឆេង និងឈ្មោះ ចឹង មួយឡា) (រងរបួសធ្ងន់ ក្រោយមកបានស្លាប់នៅមន្ទីរពេទ្យ) ២-ឈ្មោះ ហេង សុខលាង ភេទប្រុស អាយុ៤២ឆ្នាំ មុខរបរស្មៀន (ត្រូវជាបងថ្លៃអ្នកបើកបរ) (ស្លាប់នៅនឹងកន្លែងកើតហេតុ) ។
៣-ឈ្មោះ ចឹង មួយឆេង ភេទស្រី អាយុ១៣ឆ្នាំ (ត្រូវជាក្មួយអ្នកបើកបរ) (ស្លាប់នៅនឹងកន្លែងកើតហេតុ) ៤-ឈ្មោះ ចឹង មួយឡា ភេទស្រី អាយុ៧ឆ្នាំ (ត្រូវជាក្មួយអ្នកបើកបរ) (បានស្លាប់នៅនឹងកន្លែងកើតហេតុ) ៥-ឈ្មោះ អេ ឡៃស៊ន់ ភេទស្រី អាយុ២២ឆ្នាំ (ត្រូវជាប្អូនស្រីបង្កើតអ្នកបើកបរ) (បានស្លាប់នៅនឹងកន្លែងកើតហេតុ) និង៦-ឈ្មោះ ប៉ាង សុខ ភេទស្រី អាយុ៦៨ឆ្នាំ (ត្រូវជាមីងបង្កើតអ្នកបើកបរ) (បានស្លាប់នៅនឹងកន្លែងកើតហេតុ) ។ អ្នកទាំង០៧មានទីលំនៅភូមិស្គន់ ឃុំសូទិព្វ ស្រុកជើងព្រៃ ខេត្តកំពង់ចាម ។
ដោយឡែកភាគីខាងរថយន្តកុងតឺន័រម៉ាក FUSO ពណ៌ស ពាក់ផ្លាកលេខ ភ្នំពេញ 3F-1534 និងស៊ឺមីរ៉ឺម៉ក ពាក់ផ្លាកលេខ ភ្នំពេញ 4A-0012 អ្នកបើកបរ មិនស្គាល់អត្តសញ្ញាណ បានរត់គេចខ្លួនបាត់ ។
សមត្ថកិច្ចបានឱ្យដឹងថា មុនពេលកើតហេតុ រថយន្ដ១គ្រឿងម៉ាកហាយឡែនឌ័រ ពណ៌ទឹកមាស ធ្វើដំណើរក្នុងទិសដៅពីរាជធានីភ្នំពេញ ឆ្ពោះទៅ ខេត្តព្រះសីហនុ លុះមកដល់ចំណុចខាងលើ បានឡើងវ៉ាជែង ខណៈពេលនោះមានរថយន្ដកុងតឺន័រ១គ្រឿងម៉ាក FUSO ពណ៌ស ដែលមានទិសដៅផ្ទុយគ្នា បានបុកចំពីខាងមុខពេញទំហឹងតែម្ដង ។
បច្ចុប្បន្ន សពជនរងគ្រោះត្រូវបានសាច់ញាតិយកទៅធ្វើបុណ្យតាមប្រពៃណី ចំណែកជនរងគ្រោះដែលរងរបួសធ្ងន់ត្រូវបានបញ្ចូនទៅសង្គ្រោះបន្ទាន់ នៅគ្លីនិចឯកជនមួយកន្លែង ស្ថិតក្នុងឃុំវាលរេញ ។ រីឯវត្ថុតាង រថយន្តទាំង២គ្រឿង ត្រូវបានយកមករក្សាទុកជាប៉ុណ្ដោះអាសន្ននៅអធិការដ្ឋាននគរបាលស្រុកព្រៃនប់ រង់ចាំធ្វើការដោះស្រាយនៅពេលក្រោយ ៕
ចែករំលែកព័តមាននេះ