Chelsea ប្រកាសម្ចាស់ថ្មី ខណៈចំណូលពីការលក់ទាំងអស់ត្រូវបរិច្ចាគទៅអង្គការសប្បុរសធម៌
អង់គ្លេស ៖ ក្លិបបាល់ទាត់ Chelsea កាលពីថ្ងៃទី៧ ខែឧសភា ឆ្នាំ២០២២ បានប្រកាសអំពីការយល់ព្រមលើលក្ខខណ្ឌ
អង់គ្លេស ៖ ក្លិបបាល់ទាត់ Chelsea កាលពីថ្ងៃទី៧ ខែឧសភា ឆ្នាំ២០២២ បានប្រកាសអំពីការយល់ព្រមលើលក្ខខណ្ឌ
អង់គ្លេស ៖ ក្លិបបាល់ទាត់ Chelsea កាលពីថ្ងៃទី៧ ខែឧសភា ឆ្នាំ២០២២ បានប្រកាសអំពីការយល់ព្រមលើលក្ខខណ្ឌនៃការលក់ក្លិបនៅក្នុងតម្លៃ ៥,២ពាន់លានដុល្លារទៅឱ្យសម្ព័ន្ធក្រុមហ៊ុនដែលដឹកនាំដោយមហាសេដ្ឋីអាមេរិក លោក Todd Boehly ។ នេះបើតាមប្រភពពី BBC បានចេញផ្សាយ។ គួររំលឹកថា ពិសេសណាស់! ប្រាក់ចំណេញទាំងអស់ពីការលក់ក្លិប Chelsea នឹងបរិច្ចាគទៅជនរងគ្រោះនៅអ៊ុយក្រែន
ក្លិប Chelsea ត្រូវប្រកាសដាក់លក់តាំងពីមុនពេលដែលម្ចាស់ក្លិបចាស់គឺលោក Roman Abramovich ទទួលរងទណ្ឌកម្មពីរដ្ឋាភិបាលអង់គ្លេសជុំវិញការចោទប្រកាន់ថា មហាសេដ្ឋីរុស្ស៊ីរូបនេះ មានទំនាក់ទំនងស្និទ្ធិជាមួយប្រធានាធិបតីរុស្ស៊ី លោក Vladimir Putin បន្ទាប់ពីការលុកលុយលើអ៊ុយក្រែន។
សេចក្តីថ្លែងការណ៍របស់ក្លិប Chelsea បានបញ្ជាក់ថា ម្ចាស់ក្លិបថ្មីនឹងចំណាយប្រាក់ប្រមាណ ៣ពាន់លានដុល្លារសម្រាប់ភាគហ៊ុនរបស់ក្លិប។ ហើយប្រាក់ចំណូលទាំងអស់បានពីការលក់ក្លិប នឹងត្រូវដាក់បញ្ចូលក្នុងគណនីធនាគារអង់គ្លេសដែលបានបង្កក ដើម្បីបរិច្ចាគទៅអង្គការសប្បុរសធម៌។ ដូចដែលលោក Roman Abramovich បានបញ្ជាក់កន្លងមក។
សម្ព័ន្ធក្រុមហ៊ុនដែលទិញក្លិប Chelsea ត្រូវបានដឹកនាំដោយលោក Boehly។ ប៉ុន្តែក្រុមហ៊ុន Clearlake Capital ដែលជាក្រុមហ៊ុនមូលធនឯកជនរបស់រដ្ឋកាលីហ្វ័រញ៉ានឹងកាន់កាប់ភាគហ៊ុនភាគច្រើននៅក្នុងក្លិបមួយនេះ ។ ខណៈដែលអ្នកវិនិយោគផ្សេងទៀតរួមមានមហាសេដ្ឋីអាមេរិកលោក Mark Walter និងមហាសេដ្ឋីស្វីសលោក Hansjoerg Wyss។ ហើយការលក់ត្រូវបានរំពឹងថា នឹងបញ្ចប់នៅចុងខែឧសភានេះ។ ហើយការកាន់កាប់ក្លិបនេះទៀតសោត នឹងតម្រូវឱ្យមានការយល់ព្រមពីអាជ្ញាធរបាល់ទាត់អង់គ្លេស និងរដ្ឋាភិបាលអង់គ្លេសផងដែរ។
សូមជម្រាបថា បើយោងតាមទស្សនាវដ្តី Forbes បានបង្ហាញថា លោក Todd Boehly មានទ្រព្យសុទ្ធចំនួន ៤,៥ពាន់លានដុល្លារ ។ ហើយនៅក្នុងការវិនិយោគលើវិស័យកីឡា គាត់គឺជាសហម្ចាស់ក្លិប LA Dodgers នៃកីឡាបេស្បលអាមេរិក (Baseball) និងក្រុមកីឡាបាល់បោះនារីអាមេរិក Los Angeles Sparks រួមនិងជាម្ចាស់ភាគហ៊ុននៅក្នុងសិទ្ធិផ្តាច់មុខរបស់ក្លិប Los Angeles Lakers ដែលជាក្លិបបាល់បោះបុរសដ៏ល្បីល្បាញបំផុតរបស់អាមរិក៕ (ដកស្រង់ចេញពី BBC និង CNN)
ចែករំលែកព័តមាននេះ