អេស្ប៉ាញ ៖ ក្លិប Barcelona បានប្រកាសថាពួកគេនឹងចាត់វិធានការតាមផ្លូវច្បាប់ប្រឆាំងនឹងកាសែតអេស្ប៉ាញ El Mundo បន្ទាប់ពីបានផ្សព្វផ្សាយព័ត៌មានលម្អិតអំពីទំហំទឹកប្រាក់ដ៏មហាសាលដែល Lionel Messi…
អេស្ប៉ាញ ៖ ក្លិប Barcelona បានប្រកាសថាពួកគេនឹងចាត់វិធានការតាមផ្លូវច្បាប់ប្រឆាំងនឹងកាសែតអេស្ប៉ាញ El Mundo បន្ទាប់ពីបានផ្សព្វផ្សាយព័ត៌មានលម្អិតអំពីទំហំទឹកប្រាក់ដ៏មហាសាលដែល Lionel Messi ទទួលបានពីកិច្ចសន្យារយៈពេល៤ឆ្នាំជាមួយក្លិបយក្សកាតាឡាន់មួយនេះ។ រំលឹកថា ៖ ញ៉ាក់សាច់! ពេលដឹងប្រាក់ដ៏មហាសាល Messi ទទួលបានពីកុងត្រាចុងក្រោយជាមួយ Barca
យោងតាមប្រភពពីការសែត El Mundo បានចេញផ្សាយកាលពីពេលថ្មីៗនេះថា កិច្ចសន្យារយៈពេល៤ឆ្នាំរបស់ Messi ពោលគឺចាប់តាំងខែវីច្ឆិកា ឆ្នាំ២០១៧ រហូតដល់ថ្ងៃទី៣០ ខែមិថុនា ឆ្នាំ២០២១ ខាងមុខនេះ មានតម្លៃប្រមាណ ៥៥៥,២៣៧,៦១៩លានអឺរ៉ូ ដែលស្មើនឹង៦៧៤លានដុល្លារអាមេរិក។ មានន័យថាខ្សែប្រយុទ្ធអាហ្សង់ទីនវ័យ៣៣ឆ្នាំរូបនេះ អាចរកបានប្រមាណ១៦៨លានដុល្លារក្នុងមួយរដូវកាល។
សេចក្តីថ្លែងការណ៍របស់ក្លិប Barcelona ដែលចេញកាលពីម្សិលមិញបានឱ្យដឹងថា ពួកគេមានការសោកស្តាយយ៉ាងខ្លាំង ចំពោះការចេញផ្សាយរបស់កាសែត El Mundo ហើយសូមបដិសេធរាល់ការទទួលខុសត្រូវលើឯកសារមួយនេះ។ ហើយនឹងចាត់វិធានការតាមផ្លូវច្បាប់ប្រឆាំងនឹងកាសែតខាងលើ ចំពោះការខូចខាតណាមួយដែលអាចកើតមានដោយសារលទ្ធផលនៃការចេញផ្សាយមួយនេះ៕ (ដកស្រង់ចេញពី BBC)
ចែករំលែកព័តមាននេះ