រាជធានីភ្នំពេញ ៖ ការប្រកួតកីឡាសិស្សបឋមសិក្សាថ្នាក់ជាតិឆ្នាំ២០២៥ក្រោមប្រធានបទ«កីឡាដើម្បីសុខភាពសិក្សា»បានប្រកាសបើកការប្រកួតជាផ្លូវការហើយកាលពីថ្ងៃទី៣ ខែឧសភា ឆ្នាំ២០២៥ នៅក្នុងវិមានពហុកីឡដ្ឋានជាតិអូឡាំពិក ក្រោមអធិបតីភាពឯកឧត្តមបណ្ឌិតសភាចារ្យហង់ជួន ណារ៉ុនឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជននិងកីឡា។…
រាជធានីភ្នំពេញ ៖ ការប្រកួតកីឡាសិស្សបឋមសិក្សាថ្នាក់ជាតិឆ្នាំ២០២៥ក្រោមប្រធានបទ«កីឡាដើម្បីសុខភាពសិក្សា»បានប្រកាសបើកការប្រកួតជាផ្លូវការហើយកាលពីថ្ងៃទី៣ ខែឧសភា ឆ្នាំ២០២៥ នៅក្នុងវិមានពហុកីឡដ្ឋានជាតិអូឡាំពិក ក្រោមអធិបតីភាពឯកឧត្តមបណ្ឌិតសភាចារ្យហង់ជួន ណារ៉ុនឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជននិងកីឡា។
នៅក្នុងឱកាសនោះដែរ ឯកឧត្តមបណ្ឌិតសភាចារ្យហង់ជួន ណារ៉ុន បានជំរុញដល់គណៈកម្មការរៀបចំការប្រកួត ក៏ដូចជាថ្នាក់ដឹកនាំទាំងអស់ត្រូវផ្ដោតនូវការយកចិត្តទុកដាក់ខ្ពស់ ធ្វើយ៉ាងណា
សហការគ្នារៀបចំការប្រកួតនេះឡើងប្រកបដោយបរិយាកាសរីករាយបំផុត។ រាជរដ្ឋាភិបាល ក៏ដូចជាក្រសួងអប់រំ យុវជន និងកិឡា បាននិងកំពុងយកចិត្តទុកដាក់យ៉ាងខ្លាំងដល់សុខភាពសិក្សារបស់ក្មួយៗសិស្សានុសិស្សដោយបានដាក់ចេញនូវគោលការណ៍និងវិធានការជាច្រើន ដើម្បីឱ្យសាលារៀនមានបរិយាកាសល្អ បរិស្ថានល្អ អនាម័យល្អ ម្ហូបអាហារ ភេសជ្ជៈ ធានាអនាម័យល្អ និងមានកម្មវិធីអប់រំកាយនិងកីឡា ដើម្បីពង្រឹងសមត្ថភាពរាងកាយរឹងមាំ កាត់បន្ថយអវិជ្ជមានក្នុងការសិក្សា បង្កើនគុណភាពជីវិតរបស់ក្មួយៗ។
ឯកឧត្តមបណ្ឌិតសភាចារ្យបានបន្តឱ្យដឹងទៀតថា ការជួបជុំគ្នាដើម្បីប្រកួតកីឡាក្នុងកម្រិតបឋមសិក្សានេះ មិនផ្ដោតសំខាន់ទៅលើការចាញ់ឈ្នះនោះទេ ពោលគឺផ្ដោតទៅលើមិត្តភាព សាមគ្គីភាព ការយោគយល់គ្នា ស្រឡាញ់គ្នាបង្កើនសុខភាពល្អ ដើម្បីជំរុញសុខភាពសិក្សារបស់ក្មួយៗឱ្យទទួលបានជោគជ័យ ។
ក្រៅពីទទួលបានសុខភាពល្អ បញ្ញាស្មារតីរឹងមាំ ក៏អាចជួយឱ្យក្មួយៗមានទម្លាប់កំណត់វិន័យខ្លួនឯង ចេះសម្រេចចិត្តខ្លួនឯង ចេះទទួលខុសត្រូវខ្លួនឯង កំណត់គោលដៅខ្លួនឯង ជាពិសេសមានភាពអត់ធ្មត់ លះបង់តស៊ូព្យាយាម។ ទន្ទឹមគ្នានេះដែរ ឯកឧត្តមបានផ្ដាំផ្ញើដល់គណៈកម្មការរៀបចំការប្រកួតក៏ដូចជាថ្នាក់ដឹកនាំលោកគ្រូអ្នកគ្រូ ត្រូវពង្រឹងការយកចិត្តទុកដាក់តាមដាន ថែទាំសុខភាពរបស់ក្មួយៗជាប្រចាំ និងការដាក់ពិន័យក្នុងការដើរហើរ និងទទួលខុសត្រូវខ្ពស់ទាំងការស្នាក់នៅហូបចុករបស់ក្មួយៗអំឡុងពេលស្នាក់នៅប្រកួត ។ មិនតែប៉ុណ្ណោះ ឯកឧត្តមបណ្ឌិតសភាចារ្យចង់ឱ្យក្មួយៗចេះបង្កើតនូវអនុស្សាវរីយ៍ល្អៗ ការចងចាំល្អៗ និងការលើកទឹកចិត្តខ្លាំងក្លាដល់ក្មួយៗសិស្សានុសិស្ស ដើម្បីបន្តខិតខំប្រឹងប្រែងរៀនសូត្រឱ្យទទួលបានជោគជ័យ។
គួរឱ្យដឹងផងដែរថា ការប្រកួតធ្វើឡើងចាប់ពីថ្ងៃទី២ ដល់ថ្ងៃទី១១ ខែឧសភា ដោយមានប្រតិភូកីឡាមកពី២៥រាជធានី-ខេត្តចូលរួមសរុបប្រតិភូគ្រូបង្វឹក កីឡាករ-កីឡាការិនីចំនួន៣០២៦នាក់ ៕
ចែករំលែកព័តមាននេះ