លទ្ធផលបាល់ទះក្នុងសាល ក្រសួងមហាផ្ទៃដណ្ដើមបានលេខ១ផ្នែកបុរស ខណៈផ្នែកនារី បានទៅលើខេត្តកែប
- ភ្នំពេញ
រាជធានីភ្នំពេញ ៖ ព្រឹត្តិការណ៍ប្រកួតកីឡាជាតិលើកទី៥ ប្រភេទកីឡាបាល់ទះក្នុងសាលបានបញ្ចប់ជាស្ថាពរហើយ កាលពីរសៀលថ្ងៃទី១១ ខែវិច្ឆិកា ឆ្នាំ២០២៦ ។ ចំពោះលទ្ធផលបច្ចេកទេសក្រុម ក្រសួងមហាផ្ទៃដណ្ដើមបានមេដាយមាសផ្នែកបុរស ខណៈខេត្តកែបដណ្ដើមបានមេដាយមាសផ្នែកនារី។
តាមការឱ្យដឹងការប្រកួតប្រភេទកីឡាបាល់ទះទាំងផ្នែកបុរស-នារីធ្វើឡើងតាំងពីថ្ងៃទី៦ និងបានបិទបញ្ចប់នៅរសៀលថ្ងៃទី១១ខែវិច្ឆិកា នៅវិមានពហុកីឡដ្ឋានជាតិ ។ សម្រាប់ក្រុមដែលចូលរួមផ្នែកបុរសមានចំនួន១០ក្រុម និងផ្នែកនារីមានចំនួន១០ក្រុមដូចគ្នា ។ ឆ្លងកាតិការប្រកួតជម្រុះយ៉ាងស្វិតស្វាញចាប់តាំងពីថ្ងៃទី៦ ខែវិច្ឆិកា រហូតមកនោះ ចំពោះលទ្ធបច្ចេកទេសត្រូវបានគណៈកម្មការរៀបចំការប្រកួតបានប្រកាសជាផ្លូវការកាលពីរសៀលថ្ងៃទី១១ ខែវិច្ឆិកា និងបានការអញ្ជើញចូលរួមបំពាក់មេដាយដោយលោកប៉ុន សុខ អគ្គនាយកដ្ឋានកីឡានិងលោកអាំង សេរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា។
ចំពោះលទ្ធផលចំណាត់ថ្នាក់ឆ្លងកាត់ការប្រកួតយ៉ាងស្វិតស្វាញ អស់រយៈពេលជាច្រើនថ្ងៃមកនេះផ្នែកបុរសចំណាត់ថ្នាក់មេដាយមាសបានទៅលើក្រុមក្រសួងមហាផ្ទៃ ចំណាត់ថ្នាមេដាយប្រាក់បានទៅលើក្រុមមកពីខេត្តប៉ៃលិន និងមេដាយសំរឹទ្ធបានទៅលើក្រុមមកពីខេត្តព្រៃវែង ។ ផ្នែកនារីមេដាយមាសបានទៅលើខេត្តកែប មេដាយប្រាក់បានទៅលើខេត្តកណ្ដាល និងមេដាយសំរឹទ្ធបានទៅលើខេត្តកំពង់ឆ្នាំង ៕
ចែករំលែកព័តមាននេះ