រាជធានីភ្នំពេញ ៖ ធនាគារ ព្រីនស៍ មានមោទកភាពយ៉ាងខ្លាំងក្នុងការប្រកាសសម្ពោធជាផ្លូវការនូវព្រឹត្តិការណ៍ “ភូមិអាជីវករឆ្លាត ៧១៨” នាថ្ងៃទី ១៨ ខែកក្កដា ឆ្នាំ ២០២៥…
រាជធានីភ្នំពេញ ៖ ធនាគារ ព្រីនស៍ មានមោទកភាពយ៉ាងខ្លាំងក្នុងការប្រកាសសម្ពោធជាផ្លូវការនូវព្រឹត្តិការណ៍ “ភូមិអាជីវករឆ្លាត ៧១៨” នាថ្ងៃទី ១៨ ខែកក្កដា ឆ្នាំ ២០២៥ នៅ Connexion កោះពេជ្រ ។ ព្រឹត្តិការណ៍រស់រវើករយៈពេលពីរថ្ងៃនេះ ត្រូវបានរៀបចំឡើងដើម្បីអបអរសាទរខួបលើកទី ១០ នៃការបង្កើត និងដំណើរការរបស់ធនាគារ ព្រីនស៍ ។
ព្រឹត្តិការណ៍នេះរួមមានពិធីសម្ពោធ និងអាហារពេលល្ងាចដ៏ពិសេស ដែលរៀបចំឡើងសម្រាប់ដៃគូ អ្នកឧបត្ថម្ភ និងភាគីពាក់ព័ន្ធក្រោមប្រធានបទ “មួយទសវត្សរ៍នៃការលះបង់” ។ ជាកម្មវិធីបង្ហាញនៃការសម្ដែងអំណរគុណយ៉ាងជ្រាលជ្រៅចំពោះប្រជាជនកម្ពុជា សម្រាប់ការជឿជាក់ និងការគាំទ្ររយៈពេល ១០ ឆ្នាំកន្លងមក ចំពោះធនាគារ ។
ចាប់តាំងពីការបង្កើត ធនាគារ ព្រីនស៍ បានអភិវឌ្ឍពីគ្រឹះស្ថានហិរញ្ញវត្ថុតូចមួយ ទៅជាធនាគារដែលកំពុងឈានមុខគេនៅកម្ពុជា ។ ក្នុងរយៈពេល ១០ ឆ្នាំនេះ ធនាគារបានពង្រីកបណ្តាញសាខា ប្រើប្រាស់បច្ចេកវិទ្យាឌីជីថលទំនើប ដើម្បីគាំទ្រអាជីវកម្មខ្នាតតូចរាប់ពាន់កន្លែង និងធ្វើឱ្យប្រជាជនទូទាំងប្រទេសអាចចូលដំណើរការបាននូវសេវាហិរញ្ញវត្ថុយ៉ាងងាយស្រួល ។ ដោយមានយុទ្ធសាស្ត្រដឹកនាំផ្អែកលើជំនឿលើអានុភាពនៃសហគមន៍ និងក្រោមពាក្យស្លោក «យើងប្រឹងប្រែងដើម្បីអ្នក» ធនាគារ ព្រីនស៍ បានបន្តពង្រឹងទំនាក់ទំនងជិតស្និទ្ធជាមួយអតិថិជនគ្រប់កម្រិតយ៉ាងមានថេរភាព ។
“ភូមិអាជីវករឆ្លាត ៧១៨” ជាការប្តេជ្ញាចិត្តរបស់ធនាគារ ក្នុងការចូលរួមលើកស្ទួយសហគមន៍ ។ ដោយមានការចូលរួមពីអាជីវករក្នុងស្រុកជាង ១០០ កន្លែង ព្រឹត្តិការណ៍នេះបានធ្វើឱ្យ Connexion ក្លាយជាមជ្ឈមណ្ឌលពាណិជ្ជកម្ម និងទីតាំងកម្សាន្តរយៈពេលពីរថ្ងៃ ពីថ្ងៃទី ១៩ ដល់ ២០ ខែកក្កដា ឆ្នាំ ២០២៥ ចាប់ពីម៉ោង ១០ ព្រឹក ដល់ ១០ យប់ ។
អ្នកចូលរួមអាចរីករាយជាមួយផលិតផលក្នុងស្រុកនានា និងទូទាត់ប្រាក់ដោយរលូនតាមរយៈ PRINCE KHQR ។ ការចូលរួមគឺឥតគិតថ្លៃ ហើយភ្ញៀវចូលរួមចំនួន ១,០០០ នាក់ដំបូងនឹងទទួលបានប័ណ្ណទិញអាហារដោយឥតគិតថ្លៃ ។ ជាពិសេស អ្នកចូលរួមអាចទទួលបានការបញ្ចុះតម្លៃសេវាកម្មជិះតុកតុក និងតាក់ស៊ីរបស់ TADA រហូតដល់ ៥០% (លក្ខខណ្ឌត្រូវបានអនុវត្ត) ។
កម្មវិធីកម្សាន្តមានភាពសម្បូរបែប ដូចជា ៖ ការសម្តែងដោយតារាចម្រៀងប្រចាំប្រទេសកម្ពុជា រ៉ាប៊ី និង ទេព ពិសិដ្ឋ ការរាំ K-pop ពិសេសពីក្រុមរាំ Arrow Plas, កន្លែងលេងសម្រាប់កុមារ, ពិសារស្រាបៀរដោយឥតគិតថ្លៃពី Botanico Craft Beer Garden, កាហ្វេ និងការ៉េម ចែកជូនពិសារដោយឥតគិតថ្លៃ រយៈពេល ២ ថ្ងៃពេញ ។
ការចាក់បញ្ចាំងរឿងដ៏ពិសេស គឺភាពយន្តខ្នាតខ្លី “រឿងរ៉ាវរបស់យើង” ដែលផលិតដោយធនាគារ ព្រីនស៍ បង្ហាញអំពីសាច់រឿងរបស់អ្នកម្ដាយម្នាក់ដែលត្រឡប់មកស្រុកខ្មែរវិញ ដើម្បីស្វែងរកកូនប្រុសបន្ទាប់ពីការចាកចេញទៅជាយូរឆ្នាំ ។ ភាគទី ១ និងភាគទី ២ បានចេញផ្សាយរួចហើយលើបណ្ដាញសង្គម និងទទួលបានការគាំទ្រយ៉ាងច្រើន ។
កម្មវិធីក៏រួមមានជំនួបជាមួយតួអង្គសម្តែងដោយផ្ទាល់ និងការសម្តែងផ្ទាល់ពីតារាចម្រៀង Glomyy Vincent ដែលជាអ្នកច្រៀងបទចម្រៀងក្នុងរឿងនេះផងដែរ ។ ភ្ញៀវក៏អាចចូលរួមលេងហ្គេមស្វែងរកកំណប់ ដោយមានរង្វាន់ជាង ២០០ រង្វាន់សម្រាប់អ្នកឈ្នះ ។
ក្នុងឱកាសគម្រប់ខួប ១០ ឆ្នាំនេះ ធនាគារ ព្រីនស៍ មិនត្រឹមតែឆ្លុះបញ្ចាំងលើអតីតកាលនៃការប្រកួតប្រជែងនិងការលះបង់ទេ ប៉ុន្តែវាជានិមិត្តសញ្ញានៃការសន្យាថ្មី ក្នុងការចូលរួមរីកចម្រើនជាមួយសហគមន៍កម្ពុជា ដើម្បីបង្កើតឱកាស និងជួយអភិវឌ្ឍប្រជាជន និងអាជីវកម្មក្នុងស្រុកឱ្យកាន់តែរីកចម្រើន ។
តស់ ! មកចូលរួមអបអរសាទរជាមួយពួកយើង ជួបគ្នានៅ Connexion កោះពេជ្រ ៕ អត្ថបទសហការ
ចែករំលែកព័តមាននេះ