រាជធានីភ្នំពេញ ៖ សម្រាប់គ្រួសារជាច្រើន ដើម្បីសន្សំសំចៃ និងបង្កើតកន្លែងទំនេរនៅក្នុងផ្ទះ ការឱ្យបងប្អូនបង្កើតគេងបន្ទប់រួមគ្នា គឺជាបញ្ហាដ៏លំបាកមួយ ហើយការរៀបចំនេះក៏អាចនាំមកនូវបញ្ហាប្រឈមផ្ទាល់ខ្លួនផងដែរ ។ ជខាងក្រោមនេះជាគន្លឹះមួយចំនួន…
រាជធានីភ្នំពេញ ៖ សម្រាប់គ្រួសារជាច្រើន ដើម្បីសន្សំសំចៃ និងបង្កើតកន្លែងទំនេរនៅក្នុងផ្ទះ ការឱ្យបងប្អូនបង្កើតគេងបន្ទប់រួមគ្នា គឺជាបញ្ហាដ៏លំបាកមួយ ហើយការរៀបចំនេះក៏អាចនាំមកនូវបញ្ហាប្រឈមផ្ទាល់ខ្លួនផងដែរ ។ ជខាងក្រោមនេះជាគន្លឹះមួយចំនួន ដើម្បីជួយឱ្យកូនរបស់អ្នកចែករំលែកបន្ទប់គេងដោយសប្បាយចិត្តរីករាយ ៖
១. បង្កើតព្រំដែន និងច្បាប់ ៖ មុនពេលដាក់កូនឱ្យនៅក្នុងបន្ទប់តែមួយរួម ការកំណត់ព្រំដែន និងច្បាប់ គឺចាំបាច់ដើម្បីចៀសវាងជម្លោះ ។ នេះរាប់បញ្ចូលទាំងការបែងចែកចន្លោះស្មើៗគ្នា ការកំណត់កន្លែងដាក់សម្ភារផ្ទាល់ខ្លួន និងរៀបចំកាលវិភាគសម្រាប់ការប្រើប្រាស់បន្ទប់ទឹក ឬស្លៀកពាក់ ។ វាក៏ចាំបាច់ផងដែរ ដើម្បីឱ្យមានច្បាប់ច្បាស់លាស់ស្តីពីការគោរពកម្មសិទ្ធិ និងឯកជនភាពរបស់គ្នាទៅវិញទៅមក ។
២. ជំរុញទំនាក់ទំនង ៖ ការប្រាស្រ័យទាក់ទងគ្នាមានសារៈសំខាន់ណាស់សម្រាប់ទំនាក់ទំនងបងប្អូន ។ ចូរលើកទឹកចិត្តកូនរបស់អ្នកឱ្យនិយាយគ្នាដោយបើកចំហរ និងបង្ហាញពីគំនិត និងអារម្មណ៍របស់ពួកគេ ។ លើកទឹកចិត្តពួកគេឱ្យធ្វើការរួមគ្នាដើម្បីដោះស្រាយបញ្ហា និងឈានដល់ការសម្របសម្រួល ។
៣. បង្កើតកន្លែងផ្ទាល់ខ្លួន ៖ សូម្បីតែពេលចែករំលែកបន្ទប់គេងក៏ដោយ កូនម្នាក់ៗត្រូវតែមានកន្លែងផ្ទាល់ខ្លួន ដូចជាគ្រែគេង តុសិក្សា សម្ភារតុបតែងផ្ទាល់ខ្លួនរបស់ពួកគេជាដើម ។ វាជួយបង្កើតអារម្មណ៍នៃភាពជាម្ចាស់ និងឯកជនភាព ហើយអាចជួយកាត់បន្ថយជម្លោះជុំវិញកន្លែងផ្ទាល់ខ្លួន ។
៤. ប្រកាន់ខ្ជាប់នូវទម្លាប់ ៖ ការមានទម្លាប់ល្អអាចជួយឱ្យកុមារមានអារម្មណ៍សុវត្ថិភាព និង
កាត់បន្ថយជម្លោះ ។ នេះរួមបញ្ចូលទាំងការមានម៉ោងគេងទៀងទាត់ ពេលវេលាដែលបានកំណត់សម្រាប់កិច្ចការផ្ទះ ឬលេង និងកាលវិភាគសម្រាប់ការសម្អាត និងរៀបចំកន្លែងរួមរបស់ពួកគេ ។ ការប្រកាន់ខ្ជាប់នូវទម្លាប់ល្អក៏អាចជួយបង្កើតអារម្មណ៍នៃសណ្តាប់ធ្នាប់ និងការទទួលខុសត្រូវផងដែរ ។
៥. លើកទឹកចិត្តឯករាជ្យភាព ៖ ការលើកទឹកចិត្តកូនរបស់អ្នកឱ្យមានឯករាជ្យភាពក៏អាចជួយកាត់បន្ថយជម្លោះផងដែរ ។ ជាឧទាហរណ៍ បង្រៀនពួកគេពីរបៀបរៀបចំគ្រែគេងផ្ទាល់ខ្លួន រើសសម្លៀកបំពាក់ និងរៀបចំរបស់របររបស់ពួកគេ ។ នេះមិនត្រឹមតែនាំឱ្យមានការទទួលខុសត្រូវប៉ុណ្ណោះទេ ប៉ុន្តែថែមទាំងផ្តល់អំណាចដល់ពួកគេក្នុងការគ្រប់គ្រងកន្លែងផ្ទាល់ខ្លួនរបស់ពួកគេផងដែរ ។
៦. អត់ធ្មត់ ៖ ការអត់ធ្មត់ គឺមានសារៈសំខាន់នៅពេលបងប្អូនបង្កើតបន្ទប់គេងរួមគ្នា ។ វាជារឿងសំខាន់ក្នុងការយល់ថា វាអាចត្រូវការពេលវេលាដើម្បីដំណើរការបានល្អប្រសើរ ។ ផ្តល់ឱ្យកូនរបស់អ្នកនូវឱកាស ដើម្បីបង្ហាញពីអារម្មណ៍របស់ពួកគេ និងដោះស្រាយបញ្ហាដោយស្ងប់ស្ងាត់ និងក្នុងន័យស្ថាបនា ។ ត្រូវចាំថា ត្រូវសរសើរពួកគេនៅពេលដែលពួកគេខិតខំប្រឹងប្រែងដើម្បីចុះសម្រុងគ្នា និងគោរពគ្នាទៅវិញទៅមក ។ កុំបាក់ទឹកចិត្តដោយសារការបរាជ័យ ឬការឈ្លោះប្រកែកគ្នា ចូរបន្តអត់ធ្មត់ ហើយបន្តកសាងកន្លែងរស់នៅប្រកបដោយភាពវិជ្ជមាន និងចុះសម្រុងគ្នាសម្រាប់កូនរបស់អ្នក ។ យូរៗទៅ ពួកគេនឹងរៀនដឹងគុណ យល់អធ្យាស្រ័យដល់គ្នាទៅវិញទៅមក ហើយបង្កើតចំណងពិសេសដែលនឹងស្ថិតស្ថេរពេញមួយជីវិត ៕ ប្រភព ៖ wohum
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សាលារៀនមានកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ កម្មវិធីអប់រំ និងថែទាំកុមារតូច មតេ្តយ្យ ភាសាអង់គ្លេសសម្រាប់កុមារ ភាសាអង់គ្លេសសម្រាប់សិស្សធំ និងកម្មវិធីភាសាចិន ។ សាលារៀនផ្តល់ជូនអាហារូបករណ៍ពិសេស ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតា សេវាកម្មគាំទ្រ និងកម្មវិធីសិក្សាបន្ថែមសម្បូរ បែបសម្របតាមបំណិនសតវត្សរ៍ទី ២១ ។ សាលារៀនចាប់ទទួលចុះឈ្មោះសិស្សចូលរៀនរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ