រាជធានីភ្នំពេញ ៖ កាលពីពេលថ្មីៗនេះ សិស្សានុសិស្សសាលាអន្តរជាតិហ្វររ៉េសហៀល ដែលទទួលបានពានជ័យលាភីពី ពិព័រណ៌ភាពជាអ្នកដឹកនាំក្នុងឆ្នាំសិក្សា ២០២៣-២០២៤ បានដឹកនាំព្រឹត្តិការណ៍សប្បុរសធម៌តាមរយៈ ការប្រគល់អំណោយសប្បុធម៌ជូនសិស្សសាលាបឋមសិក្សាដូនយ៉យ ដែលស្ថិតនៅភូមិដូន…
រាជធានីភ្នំពេញ ៖ កាលពីពេលថ្មីៗនេះ សិស្សានុសិស្សសាលាអន្តរជាតិហ្វររ៉េសហៀល ដែលទទួលបានពានជ័យលាភីពី ពិព័រណ៌ភាពជាអ្នកដឹកនាំក្នុងឆ្នាំសិក្សា ២០២៣-២០២៤ បានដឹកនាំព្រឹត្តិការណ៍សប្បុរសធម៌តាមរយៈ ការប្រគល់អំណោយសប្បុធម៌ជូនសិស្សសាលាបឋមសិក្សាដូនយ៉យ ដែលស្ថិតនៅភូមិដូន យ៉យ ឃុំដូនយ៉យ ស្រុកឈូក ខេត្តកំពត ។
ការរៀបចំព្រឹត្តិការណ៍សប្បុរសធម៌នេះត្រូវបានដឹកនាំឡើងដោយសិស្សានុសិស្សជារៀងរាល់ឆ្នាំ ដើម្បីបណ្ដុះផ្នត់គំនិត និងរួមចំណែកលើកស្ទួយវប្បធម៌នៃការចែករំលែកឱ្យបានកាន់តែទូលំទូលាយ ។
អំណោយសប្បុរធម៌មានកង់ចំនួន ៥ ជូនដល់សិស្សានុសិស្សដែលមិនមានមធ្យោបាយធ្វើដំណើរទៅសាលារៀន ហើយក៏មានសម្ភារៈសិក្សាមួយចំនួនចែកជូនដល់សិស្សានុសិស្សចំនួន ១៣២ នាក់ ព្រមទាំងសម្ភារការិយាល័យសាលារៀន សៀវភៅបណ្ណាល័យ សម្ភារ និងគ្រឿងឧបភោគបរិភោគមួយចំនួនទៀតដែលទទួល បានពីការបរិច្ចាគរបស់សិស្សានុសិស្ស លោកគ្រូអ្នកគ្រូ និងមាតាបិតា ឬអ្នកអាណាព្យាបាល ។
ព្រឹត្តិការណ៍សប្បុរសធម៌នេះ ទទួលបានការចូលរួម និងគាំទ្រយ៉ាងពេញទំហឹងពីសំណាក់អ្នកអាណាព្យាបាល និងសិស្សានុសិស្សសាលាអន្តរជាតិហ្វររ៉េសហៀល ។ ជាពិសេស លោកនាយក លោកគ្រូអ្នកគ្រូ សិស្សានុសិស្ស និងសហគមន៍ដូនយ៉យទាំងមូល ព្រមទាំងបានថ្លែងអំណរគុណ និងកោតសរសើរ ដល់ការរៀបចំកម្មវិធីនេះដែលឆ្លើយតបទៅនឹងការខ្វះខាត ដែលពួកគាត់កំពុងជួបប្រទះ ហើយមានការជួយបំពេញពីក្រុមសិស្សានុសិស្ស ៕ អត្ថបទសហការ
ចែករំលែកព័តមាននេះ