ធនាគារ មេយប៊ែង ខេមបូឌា ចាប់ដៃគូជាមួយក្រុមបាល់ទាត់ Manchester United ជាប្រទេសទី ៥ ក្នុងតំបន់អាស៊ាន
ធនាគារ មេយប៊ែង ខេមបូឌា ចាប់ដៃគូជាមួយ ក្រុមបាល់ទាត់ Manchester United – ជាប្រទេសទី៥ ក្នុងតំបន់អាស៊ាន…
ធនាគារ មេយប៊ែង ខេមបូឌា ចាប់ដៃគូជាមួយ ក្រុមបាល់ទាត់ Manchester United – ជាប្រទេសទី៥ ក្នុងតំបន់អាស៊ាន ភាពជាដៃគូនេះនឹងនាំមកនូវបទពិសោធ Manchester United ដ៏អស្ចារ្យ និងប័ណ្ណសហសញ្ញាពាណិជ្ជកម្មមកជូនអ្នកគាំទ្រនៅប្រទេសកម្ពុជា
រាជធានីភ្នំពេញ, ថ្ងៃទី ១០ ខែមីនា ឆ្នាំ ២០២៥ ៖ ធនាគារ មេយប៊ែង បានប្រកាសពង្រីកភាពជាដៃគូរយៈពេល ១៤ ឆ្នាំ របស់ខ្លួនជាមួយក្រុម Manchester United មកកាន់ប្រទេសកម្ពុជា ដែលជាប្រទេសអាស៊ានទីប្រាំក្នុងសម្ព័ន្ធធនាគារ មេយប៊ែង ដែលមានកិច្ចសហប្រតិបត្តិការជាដៃគូផ្លូវការជាមួយក្រុម Manchester United ។ បន្ទាប់ពីកិច្ចសហការដ៏ជោគជ័យក្នុងប្រទេសម៉ាឡេស៊ី សិង្ហបុរី ឥណ្ឌូណេស៊ី និងហ្វីលីពីន ការពង្រីកភាពជាដៃគូមកកាន់ប្រទេសកម្ពុជានេះ នឹងនាំមកនូវបទពិសោធដ៏ពិសេសសម្រាប់អ្នកគាំទ្រក្រុម Manchester United ក្នុងប្រទេសកម្ពុជា ដែលមានដូចជា ដាក់ឱ្យប្រើប្រាស់ប័ណ្ណសហសញ្ញាពាណិជ្ជកម្ម និងឱកាសចូលរួមសកម្មភាពពិសេសជាច្រើនជាមួយនឹងក្រុម ។
ជាកិច្ចចាប់ផ្តើមនៃភាពជាដៃគូនេះ ធនាគារ មេយប៊ែង ខេមបូឌា បានដាក់ដំណើរជាសាធារណៈនូវប័ណ្ណឥណពន្ធវីសា Manchester United របស់ធនាគារ មេយប៊ែង ដែលមានចំនួនកំណត់ជាមួយនឹងការរចនាប័ណ្ណដ៏ពិសេស ដែលមានរូបកីឡាករឆ្នើមក្នុងប្រវត្តិសាស្ត្ររបស់ក្រុម ។ ជាមួយនឹងចំនួនមានកំណត់ត្រឹម ៥ពាន់ប័ណ្ណតែប៉ុណ្ណោះ នេះគឺជាឱកាសសម្រាប់អ្នកគាំទ្រ ក្នុងការបង្ហាញពីក្តីស្រឡាញ់របស់ពួកគេចំពោះក្រុម និងកីឡាករឆ្នើមក្នុងប្រវត្តិសាស្ត្ររបស់ខ្លួន ។
លោក រ័ត្ន សោភ័ណ នាយកប្រតិបត្តិ និងនាយកប្រចាំប្រទេសរបស់ធនាគារ មេយប៊ែង ខេមបូឌា មានប្រសាសន៍ថា ៖ «ធនាគារ មេយប៊ែង ខេមបូឌា មានសេចក្តីរំភើបដែលបានចូលរួមជាមួយសម្ព័ន្ធធនាគារ មេយប៊ែង ក្នុងការនាំយកបទពិសោធ Manchester United មកជូនអ្នកគាំទ្រនៅប្រទេសកម្ពុជា ។ ភាពជាដៃគូដ៏យូអង្វែងនេះបង្ហាញពីគុណតម្លៃរួមនៃស្មារតីកីឡា ការរួបរួម និងការកសាងសហគមន៍ ដោយផ្សារភ្ជាប់ជាមួយបេសកកម្មរបស់យើងគឺការផ្តល់នូវ «សេវាហិរញ្ញវត្ថុប្រកបដោយអរិយ្យភាព» ។ តាមរយៈការនាំមកជូនអតិថិជននូវអ្វីដែលរបស់ពួកគាត់ពេញចិត្ត ក៏ដូចជាផ្សារភ្ជាប់ទំនាក់ទំនងដ៏មានអត្ថន័យរវាងអតិថិជនរបស់យើង ជាមួយក្រុមបាល់ទាត់លំដាប់ពិភពលោកដ៏ល្បីនេះ យើងបានបន្តពង្រឹងការប្តេជ្ញាចិត្តរបស់យើងចំពោះការផ្តល់ជូនបទពិសោធដ៏ពិសេសសម្រាប់ពួកគាត់» ។
លោក Liam MacManus នាយកភាពជាដៃគូនៃ Manchester United មានប្រសាសន៍ថា ៖ «យើងពិតជារីករាយក្នុងការពង្រីកភាពជាដៃគូដ៏យូរអង្វែងរបស់យើងទៅកាន់ធនាគារ មេយប៊ែង ខេមបូឌា ។ ក្នុងរយៈពេលជាង ១៤ ឆ្នាំនេះ កិច្ចសហការរបស់យើងបាននាំមកជូនអ្នកគាំទ្រទូទាំងប្រទេសម៉ាឡេស៊ី សិង្ហបុរី ហ្វីលីពីន និងឥណ្ឌូនេស៊ី នូវសេវាកម្មហិរញ្ញវត្ថុលំដាប់ទីមួយ និងរង្វាន់ពិសេសជាច្រើន ។ ឥឡូវនេះយើងពិតជារំភើបក្នុងការផ្តល់ជូនអ្នកគាំទ្រនៅប្រទេសកម្ពុជា នូវឱកាសដែលមិនអាចបំភ្លេចបាន ដើម្បីចូលរួមជាមួយក្រុមដែលពួកគេស្រឡាញ់» ។
ដើម្បីអបអរសាទរភាពជាដៃគូនេះ ធនាគារ មេយប៊ែង ខេមបូឌា ក៏នឹងចាប់ផ្តើមយុទ្ធនាការ «ឈ្នះបទពិសោធ Manchester United ដ៏អស្ចារ្យសម្រាប់អ្នកគាំទ្រ» ដែលចាប់ផ្តើមពីថ្ងៃទី១ ខែកុម្ភៈ ឆ្នាំ ២០២៥ ដល់ថ្ងៃទី ៣០ ខែមិថុនា ឆ្នាំ ២០២៥ ។ យុទ្ធនាការនេះនឹងផ្តល់ជូនរង្វាន់ពិសេសចំនួន ៤រង្វាន់ ដែលជាដំណើរកំសាន្តរយៈពេល ៤ថ្ងៃ ២យប់ សម្រាប់មនុស្ស ២នាក់ ទៅទស្សនាការប្រកួតផ្ទាល់របស់ក្រុម Manchester United នៅកីឡដ្ឋាន Old Trafford ក្នុងលីគកំពូលអង់គ្លេស រដូវកាល ២៥/២៦ ។ កញ្ចប់រង្វាន់ក៏បានបញ្ចូលបទពិសោធ Red Days ដ៏អស្ចារ្យដែលមានដូចជា ដំណើរទស្សនកិច្ចកីឡដ្ឋាន Old Trafford សារមន្ទីរ Manchester United ហាង Megastore ការពិសារអាហារនៅហាង Red Café រួមទាំងការទស្សនាការហ្វឹកហាត់របស់ក្រុមជម្រើសទី ១ ។
បន្ថែមពីរង្វាន់ធំ ម្ចាស់ប័ណ្ណឥណពន្ធវីសា Manchester United របស់ធនាគារមេយប៊ែង ក៏នឹងអាចឈ្នះសម្ភារកីឡា និងវត្ថុអនុស្សាវរីយ៍ផ្លូវការរបស់ក្រុម Manchester United ពីកម្មវិធីចាប់រង្វាន់ប្រចាំខែ និងអាវកីឡាករ Manchester United ដែលមានហត្ថលេខាពីកីឡាករនៅក្នុងកម្មវិធីចាប់រង្វាន់ធំផងដែរ ។ ដើម្បីចូលរួមលោកអ្នកគ្រាន់តែស្នើប័ណ្ណឥណពន្ធវីសា Manchester United របស់ធនាគារមេយប៊ែងដែលមានចំនួនកំណត់ និងរក្សាសមតុល្យខ្ពស់ក្នុងគណនីចាប់ពី ២៥០ដុល្លារឡើងទៅ ។ សន្សំប្រាក់ជាមួយនឹងសមតុល្យកាន់តែខ្ពស់ ដើម្បីមានឱកាសឈ្នះកាន់តែច្រើន ។ សម្រាប់ព័ត៌មានបន្ថែម សូមចូលទៅកាន់ Link ៖ https://bit.ly/Win-Old-Trafford-Trip-with-Maybank ។
លោកអ្នកអាចស្នើប័ណ្ណឥណពន្ធវីសា មេយប៊ែង Manchester United នៅគ្រប់សាខារបស់ធនាគារ មេយប៊ែង ។ សម្រាប់ព័ត៌មានលម្អិត សូមទំនាក់ទំនងមកកាន់ ៖ ០៩៨ ៨៨៨ ០២៨ / ០៩៩ ៨៨៨ ០២៨ ៕ អត្ថបទសហការ
ចែករំលែកព័តមាននេះ