ADផ្ទាំងផ្សព្វផ្សាយពាណិជ្ជកម្ម

ចង់ឱ្យកូនស្រឡាញ់ការអានតាំងពីតូចមិនពិបាកទេ !

1 ថ្ងៃ មុន

០៥ ខែ មីនា ឆ្នាំ ២០២៥ ម៉ោង ១២:១៩

រាជធានីភ្នំពេញ ៖ ការស្រឡាញ់ការអានអាចបើកទ្វារទៅកាន់ដំណើរផ្សងព្រេង រៀនអ្វីថ្មីៗ និងជំនាញភាសាសំខាន់ៗជាច្រើនដូចជា ការអភិវឌ្ឍការនិយាយ និងការកសាងវាក្យសព្ទ ។ ការចំណាយពេលជាមួយសៀវភៅក៏បង្កើតឱកាសពិសេស ដើម្បីភ្ជាប់ទំនាក់ទំនងជាមួយកូនរបស់អ្នក ហើយរីករាយជាមួយគ្នា ។ ត្រឹមតែ ១០ ទៅ ១៥ នាទីក្នុងមួយថ្ងៃជាមួយសៀវភៅមួយក្បាល គឺគ្រប់គ្រាន់ដើម្បីជំរុញចំណាប់អារម្មណ៍របស់កូនតូចរបស់អ្នក ។

១. ចាប់ផ្តើមឱ្យបានឆាប់រហ័ស ៖ ការអានឱ្យទារកទើបនឹងកើតរបស់អ្នកជួយផ្តល់ឱ្យពួកគេនូវការចាប់ផ្តើមដ៏ល្អបំផុតក្នុងជីវិត ។ ទារករៀនភាសាពីមនុស្សពេញវ័យដែលនិយាយឡើងវិញ និងអានពាក្យនានាឱ្យពួកគេស្តាប់ ។ នៅពេលអ្នកអានឱ្យកូនតូចរបស់អ្នក ចូរនិយាយអំពីតួអង្គ និងវត្ថុនានានៅក្នុងសៀវភៅ ឬសំឡេងដែលសត្វបញ្ចេញឡើង ។ ការស្តាប់សំឡេងរបស់អ្នកជួយផ្តល់អត្ថន័យដល់អក្សរ និងរូបភាពដែលពួកគេកំពុងឃើញ ។ នៅពេលអ្នកអាន ចូរផ្លាស់ប្តូរកម្រិតសំឡេង ហើយសាកល្បងការសង្កត់សំឡេង ឬធ្វើសំឡេងខុសៗគ្នាសម្រាប់តួអង្គផ្សេងៗគ្នា ។ នោះវាជួយឱ្យកូនរបស់អ្នកចូលរួម និងធ្វើឱ្យរឿងកាន់តែជក់ចិត្ត ។ ចូរចាំថា កុមាររៀនស្រឡាញ់សៀវភៅ មុនពេលពួកគេរៀនអាន ។ ការចំណាយពេលជាមួយសៀវភៅជាមួយគ្នាឥឡូវនេះនឹងជួយឱ្យកុមារកាន់តែស្រឡាញ់សៀវភៅ និងការអាន នៅពេលដែលពួកគេកាន់តែធំ ។

២. ធ្វើគំរូល្អរបស់អ្នកអាន ៖ វាជារឿងសំខាន់សម្រាប់កុមារក្នុងការមើលថា ការអានជាអ្វីដែលសប្បាយ និងរីករាយក្នុងការធ្វើ ជាជាងគិតថាវាជាកិច្ចការពិបាក ។ ប្រសិនបើកូនរបស់អ្នកឃើញអ្នកអានញឹកញាប់ វាទំនងជាលើកទឹកចិត្តពួកគេឱ្យអាន ។ វាក៏នឹងជួយកាត់បន្ថយការមើលទូរទស្សន៍ ឬទូរសព្ទផងដែរ ។

៣. ប្តូរវេន ៖ នៅពេលកូនរបស់អ្នកធំឡើង ចូរប្តូរវេនគ្នាអានឱ្យខ្លាំងៗ ។ នៅពេលអ្នកអានជាមួយគ្នា ចូរសួរសំណួរអំពីអ្វីដែលកំពុងអាន ៖ តើកូនគិតថា នឹងមានអ្វីកើតឡើងបន្ទាប់ទៀត0x017d7 ហេតុអ្វីបានជាកូនគិតថា ដំរីធ្វើដូច្នេះ ? ពេលវេលាដែលកូនអ្នកចំណាយពេលអានឱ្យខ្លាំងៗនឹងជួយបង្កើតទំនុកចិត្តក្នុងការនិយាយឮៗ ហើយនឹងពង្រឹងនូវអ្វីដែលកូនរបស់អ្នកបានរៀន ។

៤. ស្តាប់កូនរបស់អ្នក ៖ នៅពេលកូនតូចរបស់អ្នកធំឡើង ចូរយកចិត្តទុកដាក់ចំពោះចំណាប់អារម្មណ៍របស់ពួកគេ ។ ប្រសិនបើពួកគេពេញចិត្តទៅលើប្រធានបទណាមួយ ដូចជាសត្វដាយណូស័រ ព្យាយាមស្វែងរកសៀវភៅរបស់កុមារអំពីប្រធានបទនោះឱ្យបានច្រើនឱ្យពួកគេអាន ។ នេះនឹងជួយពង្រឹងថា សៀវភៅ គឺជាឧបករណ៍សម្រាប់សិក្សាបន្ថែមអំពីអ្វីដែលយើងយកចិត្តទុកដាក់ ហើយពួកគេនឹងកាន់តែចូលចិត្តអាន ប្រសិនបើប្រធានបទនោះជាឌីណូស័រដែលពួកគេចូលចិត្ត ។

៥. ធ្វើវាជាទម្លាប់ ៖ ធ្វើឱ្យការអានជាផ្នែកដ៏រីករាយនៃជីវិតរបស់កូនអ្នក ចាប់ផ្តើមដោយការបញ្ចូលសៀវភៅទៅក្នុងទម្លាប់ប្រចាំថ្ងៃរបស់អ្នក ។ បង្កើតពេលវេលាអាន ពិសេសមុនពេលគេង ឬពេលធ្វើដំណើរសាធារណៈ ។ ផ្នែកមួយនៃការរៀនដើម្បីរីករាយនឹងការអាន គឺការមានសៀវភៅនៅជុំវិញខ្លួនសៀវភៅនៅពេញផ្ទះ ។ បើអាចធ្វើបាន សូមព្យាយាមចាប់ផ្តើមប្រមូលសៀវភៅសម្រាប់កូនរបស់អ្នក ។ វាកដ៏មិនចាំបាច់បន្ទប់ធំទូលំទូលាយពេកដែរ ត្រឹមទូរតូចមួយក៏អាចដំណើរការបានយ៉ាងល្អឥតខ្ចោះ ៕ ប្រភព ៖ unicef

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕