រាជធានីភ្នំពេញ ៖ កុមារដែលមានអារម្មណ៍ថា មានសុវត្ថិភាព មានអារម្មណ៍ស្រឡាញ់ និងមានសេរីភាពក្នុងការសម្រេចចិត្តអាចបង្កើតទំនាក់ទំនងល្អ និងដោះស្រាយបញ្ហាបានយ៉ាងាយស្រួល ។ ពួកគេក៏មានប្រតិកម្មល្អ ហើយវិជ្ជមានចំពោះបញ្ហា…
រាជធានីភ្នំពេញ ៖ កុមារដែលមានអារម្មណ៍ថា មានសុវត្ថិភាព មានអារម្មណ៍ស្រឡាញ់ និងមានសេរីភាពក្នុងការសម្រេចចិត្តអាចបង្កើតទំនាក់ទំនងល្អ និងដោះស្រាយបញ្ហាបានយ៉ាងាយស្រួល ។ ពួកគេក៏មានប្រតិកម្មល្អ ហើយវិជ្ជមានចំពោះបញ្ហា និងភាពតានតឹងផ្លូវចិត្តផងដែរ ។ តើអ្នកអាចជួយកូនរបស់អ្នកឱ្យមានអារម្មណ៍សុវត្ថិភាពដោយរបៀបណា ? ក្នុងនាមជាមាតាបិតា អ្នកជាអ្នកទទួលបន្ទុក អ្នកមានសិទ្ធិអំណាច ។ អ្នកកំណត់រចនាសម្ព័ន្ធ និងច្បាប់នៅក្នុងផ្ទះរបស់អ្នក ហើយអ្នកក៏ត្រូវបង្ហាញថា សេចក្តីស្រឡាញ់ និងទំនាក់ទំនងមើលទៅដូចម្តេចដែរ ។
១. កំណត់ព្រំដែន ៖ នៅពេលដែលកុមារមិនមានដែនកំណត់ ឬព្រំដែនណាមួយ ពួកគេនឹងអាចធ្វើអ្វីដែលពួកគេចង់បាន ។ កុមារមានអារម្មណ៍ថា មានសុវត្ថិភាពជាងនៅពេលដែលការកំណត់ និងព្រំដែនត្រូវបានបង្កើតឡើង ហើយពួកគេដឹងថា នឹងមានផលវិបាកប្រសិនបើពួកគេដើរហួសពីព្រំដែន ។ ហើយនោះកូនរបស់អ្នកនឹងរៀនអំពីអាកប្បកិរិយាដែលគេត្រូវរំពឹងទុក ។
២. ទម្លាប់ និងភាពស៊ីសង្វាក់គ្នា ៖ ទម្លាប់ល្អ គឺអស្ចារ្យណាស់សម្រាប់កុមារ ដូចជាទម្លាប់ពេលព្រឹក ពេលល្ងាច និងពេលចូលគេងធម្មតា ។ ដូច្នេះ ចូរបង្កើតទម្លាប់ល្អនៅក្នុងផ្ទះរបស់អ្នក ដែលអាចជាការញ៉ាំបាយជុំគ្រួសារ ការដើរលេងកម្សាន្តប្រចាំឆ្នាំ ឬអ្វីផ្សេងទៀត ។
៣. ពេលវេលា និងសេចក្តីស្រឡាញ់ ៖ ការលេងសើច ការប្រលែងលេង ការឱបថើប ហើយនិយាយថា “ប៉ាម៉ាក់ស្រឡាញ់កូន” និងការដើរលេងជាគ្រួសារ គឺជាគន្លឹះក្នុងការជួយកូនរបស់អ្នកឱ្យមានអារម្មណ៍សុវត្ថិភាព ។ វាជួយកូនរបស់អ្នកដឹងថា ពួកគេសំខាន់ក្នុងក្រុមគ្រួសារ និងនៅក្នុងពិភពលោកនេះ ។ ពួកគេនឹងមានអារម្មណ៍ថា ត្រូវបានគេស្រឡាញ់ ពួកគេមានតម្លៃ ។
៤. ភាពអាចរកបាន ៖ ព្យាយាមនៅក្បែរកូនឱ្យបានច្រើន ជាពិសេសពេលពួកគេមានបញ្ហា ហើយព្យាយាមរកដំណោះស្រាយជាមួយគ្នា ។ ជជែកគ្នាដោយបើកចំហរ ហើយស្តាប់កូនរបស់អ្នកឱ្យបានច្រើនជាងដេញដោល ឬស្តីបន្ទោសកូន ។ ឱ្យពួកគេធ្វើការសម្រេចចិត្ត ទោះបីខុសក្តី (បើមិនមានផលវិបាកធ្ងន់ធ្ងរ) វានឹងផ្តល់ឱកាសឱ្យពួកគេបានរៀនសូត្រ និងរីកចម្រើន ។ កូនរបស់អ្នកនឹងជួបប្រទះនឹងភាពបរាជ័យ ភាពតានតឹង និងអារម្មណ៍ផ្សេងៗទៀត ។ អ្នកចង់ឱ្យពួកគេមានអារម្មណ៍ថា មានសុវត្ថិភាពក្នុងបទពិសោធន៍ជីវិត និងមានទំនុកចិត្តក្នុងការឆ្លើយតបក្នុងវិធីវិជ្ជមាន និងមានសុខភាពល្អ ។
៥. ផ្តល់ឱ្យកុមារនូវទំនួលខុសត្រូវ ៖ កុមារដែលមានទំនួលខុសត្រូវក្នុងគ្រួសារនឹងមានមោទនភាពចំពោះខ្លួនឯង ដោយសារដឹងថា ពួកគេមានសមត្ថភាពរួមចំណែកក្នុងក្រុមគ្រួសារ និងបរិស្ថានរបស់ពួកគេ។
៦. ដឹងថាពេលណាត្រូវស្វែងរកជំនួយពីអ្នកជំនាញ ៖ ប្រសិនបើមានបញ្ហាមិនអាចដោះស្រាយបាន ឬប្រសិនបើកូនរបស់អ្នកមិនមានអារម្មណ៍ថាមានសុវត្ថិភាព ហើយវាកំពុងប៉ះពាល់ដល់សមត្ថភាពរបស់ពួកគេ នោះប្រហែលជាដល់ពេលដែលត្រូវស្វែងរកជំនួយពីអ្នកជំនាញហើយ។ ក្នុងនាមជាមាតាបិតា ពេលខ្លះយើងក៏ត្រូវការជំនួយពីអ្នកជំនាញផងដែរ ៕ ប្រភព ៖ firstthings
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ