១០ គន្លឹះមាស ដើម្បីបង្រៀនកូនអ្នកឱ្យចេះសន្សំលុយ !
រាជធានីភ្នំពេញ ៖ ទម្លាប់នៃការសន្សំលុយអាចជាជំនាញជីវិតដ៏សំខាន់ ប៉ុន្តែវាមិនមែនជារឿងងាយស្រួលនោះទេ ។ មានគន្លឹះមាស ១០ ដើម្បីបង្រៀនកូនរបស់អ្នកឱ្យចេះសន្សំលុយ ៖ ១….
រាជធានីភ្នំពេញ ៖ ទម្លាប់នៃការសន្សំលុយអាចជាជំនាញជីវិតដ៏សំខាន់ ប៉ុន្តែវាមិនមែនជារឿងងាយស្រួលនោះទេ ។ មានគន្លឹះមាស ១០ ដើម្បីបង្រៀនកូនរបស់អ្នកឱ្យចេះសន្សំលុយ ៖
១. ពិភាក្សាអំពីការចង់បានធៀបនឹងតម្រូវការ ៖ ជំហានដំបូងក្នុងការបង្រៀនកុមារឱ្យដឹងពីតម្លៃនៃការសន្សំ គឺជួយពួកគេឱ្យបែងចែករវាងការចង់បាន និងតម្រូវការ ។ ពន្យល់ពួកគេថា តម្រូវការរួមមាន អាហារ ទីជម្រក សម្លៀកបំពាក់ ការថែទាំសុខភាព និងការអប់រំ ។ ការចង់បាន គឺជាការបន្ថែមខាងក្រៅ ដូចជាសំបុត្រកុន ស្ករគ្រាប់ ស្បែកជើងល្បីៗកាបូបម៉ាកល្បី កង់ ឬទូរស័ព្ទសេរីចុងក្រោយបំផុត ។
២. អនុញ្ញាតឱ្យពួកគេរកប្រាក់ផ្ទាល់ខ្លួន ៖ ប្រសិនបើអ្នកចង់ឱ្យកូនរបស់អ្នកក្លាយជាអ្នកសន្សំ ចូរអនុញ្ញាតឱ្យពួកគេរកប្រាក់ចំណូលដោយខ្លួនឯង ។ នៅពេលអ្នកផ្តល់ប្រាក់ឧបត្ថម្ភជាថ្នូរនឹងការងារ ពួកគេក៏កំពុងរៀនពីតម្លៃនៃការខិតខំរបស់ពួកគេផងដែរ ។
៣. កំណត់គោលដៅសន្សំ ៖ ការជួយកុមារឱ្យកំណត់គោលដៅសន្សំអាចជាមធ្យោបាយលើកទឹកចិត្តដ៏ល្អ ។ ប្រសិនបើពួកគេដឹងពីអ្វីដែលពួកគេចង់សន្សំ សូមជួយពួកគេបំបែកគោលដៅរបស់ពួកគេទៅជាតូចៗ ដែលអាចគ្រប់គ្រងបាន ។ ឧទាហរណ៍ ប្រសិនបើពួកគេចង់ទិញវីដេអូហ្គេម ៥០ ដុល្លារ ហើយពួកគេទទួលបានប្រាក់ឧបត្ថម្ភ ១០ ដុល្លារក្នុងមួយសប្តាហ៍ នោះពួកគេនឹងថា តើវានឹងចំណាយពេលប៉ុន្មាន ដើម្បីសម្រេចបានគោលដៅនោះ ដោយផ្អែកលើអត្រាសន្សំរបស់ពួកគេ ។
៤. ផ្តល់កន្លែងរក្សាទុក ៖ នៅពេលដែលកូនរបស់អ្នកមានគោលដៅសន្សំក្នុងចិត្ត ពួកគេនឹងត្រូវការកន្លែងសម្រាប់ទុកសាច់ប្រាក់របស់ពួកគេ ដែលវាអាចជាកូនជ្រូក ឬប្រអប់ធម្មតា ឬបើកូនធំបន្តិច អ្នកអាចបើកធនាគារកុមារផងដែរ ។
៥. ឱ្យពួកគេតាមដានការចំណាយ ៖ ផ្នែកមួយនៃការក្លាយជាអ្នកសន្សំដ៏ល្អ គឺការដឹងពីកន្លែងដែលលុយរបស់ពួកគេនឹងទៅ ។ ចូរឱ្យពួកគេសរសេររបស់ដែលពួកគេទិញ និងលុយដែលពួកគេចំណាយ ។
៦. លើកទឹកចិត្តក្នុងការសន្សំ ៖ បើកូនត្រូវការទិញកុំព្យូទ័រតម្លៃ ៤០០ ដុល្លារ អ្នកអាចចូលរួមជាមួយកូន ២០ ទៅ ៣០ ភាគរយ ។ ជាជម្រើសមួយទៀត អ្នកអាចផ្តល់រង្វាន់នៅពេលដែលកូនរបស់អ្នកសន្សំបានសម្រេច ដូចជាប្រាក់រង្វាន់បន្ថែម ៥០ ដុល្លារ ។
៧. រៀនពីកំហុស ៖ អនុញ្ញាតឱ្យពួកគេរៀនពីកំហុសរបស់ពួកគេក្នុងការចាយលុយ ហើយប្រើកំហុសនោះជាពេលវេលាដែលអាចបង្រៀនពួកគេបាន ។
៨. ដើរតួជាម្ចាស់បំណុលរបស់ពួកគេ ៖ បើកូនរបស់អ្នកមានអ្វីមួយដែលពួកគេចង់ទិញ ហើយមានអារម្មណ៍អន្ទះអន្ទែងចង់បានភ្លាមៗ ការឱ្យកូនខ្ចីលុយអាចជួយបង្រៀនមេរៀនដ៏មានតម្លៃអំពីការសន្សំ ។ បើកូនអ្នកចង់ទិញរបស់ដែលមានតម្លៃ ១០០ ដុល្លារ អ្នកអាចឱ្យពួកគេខ្ចីប្រាក់ និងទាមទារការទូទាត់ពីប្រាក់ឧបត្ថម្ភដែលអ្នកឱ្យពួកគេជាមួយនឹងការប្រាក់ ។ មេរៀនដែលអ្នកចង់បង្រៀនគឺថា ការសន្សំអាចមានន័យថា ពន្យារពេលការចង់បានឱ្យយូរជាងនេះ បើពួកគេចង់ចំណាយតិចជាងនេះ បើពួកគេអាចរង់ចាំបាន ។
៩. និយាយអំពីលុយ ៖ ចូរជជែកគ្នាជាមួយកូនរបស់អ្នកជាទៀងទាត់អំពីលុយ ការសន្សំលុយ និងការចំណាយជាដើម ។
១០. ធ្វើជាគំរូល្អ ៖ ចង់ឱ្យកូនរៀនសូត្រលើការសន្សំ អ្នកត្រូវធ្វើជាគំរូដ៏ល្អឱ្យកូនរបស់អ្នកឃើញ ដូចជាមិនចំណាយផ្តេសផ្តាស និងការបើកគណនេយ្យសន្សំជាលក្ខណៈគ្រួសាររួមគ្នាក៏បាន ៕ ប្រភព ៖ Investopedia
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ អបអរសាទរ បវេសនកាលឆ្នាំសិក្សាថ្មី សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសម្រាប់សិស្សធំ និងកម្មវិធីភាសចិន ចូលរៀនថ្ងៃទី ១ ខែសីហា ឆ្នាំ ២០២៤ ។ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ ចូលរៀនថ្ងៃទី ២៦ ខែសីហា ឆ្នាំ ២០២៤ ។ សាលារៀនផ្តល់ជូនកញ្ចប់សិក្សាសម្រាប់គ្រួសារ (ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ) និងអាហាររូបករណ៍រហូតដល់ ៣០% លើតម្លៃសិក្សាសម្រាប់ការចុះឈ្មោះចូលរៀនត្រឹមថ្ងៃទី ៣១ ខែកក្កដា (សម្រាប់មត្តេយ្យ អង់គ្លេស និងចិន) និងថ្ងៃទី ២៥ ខែសីហា (ចំណេះទូទៅខ្មែរ) ។ សាលារៀនចាប់ទទួលចុះឈ្មោះសិស្សចូលរៀងរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ