រាជធានីភ្នំពេញ ៖ បទ «ស្រឡាញ់អ្វីដែលខ្មែរមាន» ដែលបង្ហាញការពិតពីកម្ពុជា ជាមួយអត្ថន័យដ៏ជ្រាលជ្រៅពីរោះរណ្ដំបាននឹងកំពុងផ្អើលល្បីល្បាញសាទររីករាយជាមួយមោទនភាពរបស់កម្ពុជា ពីប្រជាជននៅបណ្ដាប្រទេសមួយចំនួន ។ ជាក់ស្តែងកាលពីប៉ុន្មានថ្ងៃនេះ ក្រោយផលិតកម្ម…
រាជធានីភ្នំពេញ ៖ បទ «ស្រឡាញ់អ្វីដែលខ្មែរមាន» ដែលបង្ហាញការពិតពីកម្ពុជា ជាមួយអត្ថន័យដ៏ជ្រាលជ្រៅពីរោះរណ្ដំបាននឹងកំពុងផ្អើលល្បីល្បាញសាទររីករាយជាមួយមោទនភាពរបស់កម្ពុជា ពីប្រជាជននៅបណ្ដាប្រទេសមួយចំនួន ។
ជាក់ស្តែងកាលពីប៉ុន្មានថ្ងៃនេះ ក្រោយផលិតកម្ម Galaxy Navatra បញ្ចេញវីដេអូចម្រៀងខ្លី MV Teaser បទ «ស្រឡាញ់អ្វីដែលខ្មែរមាន» ទទួលបានប្រជាប្រិយភាព និងទទួលបានចំណាប់អារម្មណ៍ខ្លាំងមែនទែន ចំពោះស្នាដៃដ៏ចំណានជាមួយទស្សនៈវិស័យវែងឆ្ងាយបង្ហាញអ្វីដែលកម្ពុជាមាន ផ្សព្វផ្សាយទៅកាន់ពិភពលោកបានស្គាល់ឱ្យកាន់តែច្បាស់ពីកម្ពុជា ព្រះរាជាណាចក្រអច្ឆរិយ ។
បទ «ស្រឡាញ់អ្វីដែលខ្មែរមាន» ត្រូវបានគេមើលឃើញថា កំពុងមានការផ្សព្វផ្សាយពេញបណ្តាញសង្គមនានា ក្នុងនោះក៏មានជនបរទេសមួយចំនួនក៏លើកយកមកធ្វើ Reaction និងរាំតាមចង្វាក់ភ្លេងដែលរំលេចពីជ្រុងផ្នែកខ្លះនៃវប្បធម៌ សម្តែងការកោតសរសើរចំពោះស្នាដៃផលិត ពិសេសសមិទ្ធផលដ៏អស្ចារ្យរបស់កម្ពុជា ។
ជាមួយគ្នាផងដែរអ្វីដែលធ្វើឱ្យមានការចាប់អារម្មណ៍ខ្លាំងនោះ គឺមានឆាណែល យូធូប នៅតាមបណ្តាលប្រទេសជាប់កម្ពុជា បានយក trailer បទចម្រៀង «ស្រលាញ់អ្វីដែលខ្មែរមាន» យកមកធ្វើ Reaction ។
ថ្មីៗនេះ ជនបរទេស ៣ រូប ជ្រើសរើសយក «បទស្រឡាញ់ដែលខ្មែរមាន» មកធ្វើការរាំតាមចង្វាក់ភ្លេង ជាមួយនឹងទឹកមុខញញឹមពេញចិត្ដរីករាយជាមួយបទ សម្រាប់អមព្រឹត្តិការណ៍ស៊ីហ្គេម ឆ្នាំ ២០២៣ កម្ពុជាជាម្ចាស់ផ្ទះ នាខែមិថុនាខាងមុខមួយបទនេះដែលយ៉ាងពិសេសពីផលិតកម្ម Galaxy Navatra ។ បទចម្រៀង «ស្រឡាញ់អ្វីដែលខ្មែរមាន» ពួតដៃគ្នាច្រៀងដោយកំពូលតារាចម្រៀងល្បីៗ ប្រចាំប្រទេសកម្ពុជា គឺឧកញ៉ា ព្រាប សុវត្ថិ, ឧកញ៉ា ខេមរៈ សិរីមន្ត, លោក ខេម និងកញ្ញា តន់ ច័ន្ទសីម៉ា ដែលនិពន្ធពីអ្នកនិពន្ធឆ្នើមៗផងដែរ ៕ អត្ថបទសហការ
ចែករំលែកព័តមាននេះ