តាមប្រភពព័ត៌មាន Bangkok Post បានឱ្យដឹងថា អង្គការសុខភាពពិភពលោក (WHO) បានព្រមានកាលពីថ្ងៃព្រហស្បតិ៍ពី អត្រាប្រកាសអាសន្ននៃការឆ្លងរបស់ជំងឺកូវីដ១៩ នៅទូទាំងទ្វីបអឺរ៉ុប និងបានព្រមានប្រទេសនានា…
តាមប្រភពព័ត៌មាន Bangkok Post បានឱ្យដឹងថា អង្គការសុខភាពពិភពលោក (WHO) បានព្រមានកាលពីថ្ងៃព្រហស្បតិ៍ពី អត្រាប្រកាសអាសន្ននៃការឆ្លងរបស់ជំងឺកូវីដ១៩ នៅទូទាំងទ្វីបអឺរ៉ុប និងបានព្រមានប្រទេសនានា ដែលបានកាត់បន្ថយរយៈពេលធ្វើចត្តាឡីស័ក។
នាយកប្រចាំតំបន់របស់អង្គការសុខភាពពិភពលោកប្រចាំទ្វីបអឺរ៉ុប លោក Hans Kluge បាននិយាយថា ចំនួនករណីឆ្លងកូវីដ ដែលត្រូវបានគេមើលឃើញនៅក្នុងខែកញ្ញាគួរតែជាការដាស់អារម្មណ៍ដល់យើងទាំងអស់គ្នា។
លោកបានប្រាប់សន្និសីទសារព័ត៌មាន តាមអ៊ីនធើណេតពីរដ្ឋធានី Copenhagen ថា៖ “ទោះបីជាចំនួននេះឆ្លុះបញ្ចាំងពីការធ្វើតេស្តទូលំទូលាយជាងនេះក៏ដោយ ក៏វាបង្ហាញពីអត្រានៃការឆ្លងដ៏គួរឱ្យព្រួយបារម្ភនៅទូទាំងតំបន់។”
ស្ថាប័នសុខាភិបាលក៏បាននិយាយផងដែរថា ខ្លួននឹងមិនផ្លាស់ប្តូរការណែនាំ ដែលអំពាវនាវឱ្យមានរយៈពេលធ្វើចត្តាឡីស័ករយៈពេល ១៤ ថ្ងៃ សម្រាប់អ្នកណាម្នាក់ដែលប្រឈមនឹងវីរុសនេះ។
មន្ត្រីសង្គ្រោះបន្ទាន់ជាន់ខ្ពស់របស់អង្គការសុខភាពអឺរ៉ុបប្រចាំអឺរ៉ុប លោកស្រី Catherine Smallwood បានមានប្រសាសន៍ថា៖ “ការដាក់ឱ្យនៅដាច់ពីគេរយៈពេល ១៤ថ្ងៃ គឺផ្អែកលើការយល់ដឹងរបស់យើងអំពីរយៈពេលចូលនិងការចម្លងជម្ងឺ។”
ជាឧទាហរណ៍ស្រាប់ នៅប្រទេសបារាំងរយៈពេលដែលត្រូវបានណែនាំសម្រាប់ការធ្វើចត្តាឡីស័កដោយខ្លួនឯងក្នុងករណីមានការប៉ះពាល់ ត្រូវបានកាត់បន្ថយពី ១៤ ទៅ ៧ថ្ងៃ។
វាមានរយៈពេល ១០ថ្ងៃ នៅចក្រភពអង់គ្លេសនិងអៀរឡង់ និងបណ្តាប្រទេសអឺរ៉ុបមួយចំនួនទៀតដូចជា ព័រទុយហ្កាល់និងក្រូអាស៊ី បច្ចុប្បន្នកំពុងពិចារណាកាត់បន្ថយគោលការណ៍ការពាររបស់ពួកគេ៕
ចែករំលែកព័តមាននេះ