ព្រឹតិការណ៍ពិភពលោកសំខាន់ៗកើតឡើងថ្ងៃទី០៩ មេសា
ឆ្នាំ២០០៣
-ទីក្រុងបាដាដ បានធ្លាក់ក្រោមការគ្រប់គ្រងរបស់កងទ័ពសហរដ្ឋអាមេរិក ។
ឆ្នាំ១២៤១
-កងទ័ពម៉ុងហ្គោល បានយកឈ្នះកងទ័ព ប៉ូឡូញ និងអាល្លឺម៉ង់ក្នុងការប្រយុទ្ធគ្នានៅជិតទីក្រុងលីកនីតា ។ ការប្រយុទ្ធគ្នានេះកើតឡើងមកពីរឿងដណ្ដើមគ្រប់គ្រងលើជនជាតិគូម៉ាន ដែលរស់នៅលើទឹកដីប្រទេសហុងគ្រី ហើយត្រូវបានប្រទេសប៉ូឡូញការពារ ។ ដោយសារកងទ័ពអឺរ៉ុប មកជួយហុងគ្រី ទើបម៉ុងហ្គោលសំរេចធ្វើការឈ្លានពានទឹកដីអឺរ៉ុបតែម្ដង ។ ការប្រយុទ្ធគ្នានេះបណ្ដាលឱ្យស្លាប់ទ័ពសម្ព័ន្ធមិត្ដប៉ូឡូញ និង អាល្លឺម៉ង់អស់២.០០០ទៅ៤.០០០នាក់ រីឯទ័ពម៉ុងហ្គោលស្លាប់តិចតួច។
ឆ្នាំ១៤១៣
-ហង់រីទី៥ ត្រូវបានឡើងគ្រងរាជសម្បត្ដិជាស្ដេចនៃប្រទេសអង់គ្លេស ។
ឆ្នាំ១៦៨២
-អ្នករុករកបារាំង រ៉ូប៊ឺត កាវេលីយេ ដឺឡាសាលបានរកឃើញដែនដីនៃមាត់ទន្លេ មីស៊ីស៊ីពី ហើយបានអះអាងថា ជារបស់ប្រទេសបារាំង ដោយបានប្ដូរឈ្មោះវាជា ល្វីហ្សាណា ។
ឆ្នាំ១៩១៦
-ក្នុងសង្គ្រាមលោកលើកទី១ កងទ័ពប្រទេសអាល្លឺម៉ង់ បានបើកការវាយប្រហារលើកងទ័ពប្រទេសបារាំងនៅទីក្រុងវេដុន ស៊រម៉េស ។ ការប្រយុទ្ធគ្នានេះទ័ពបារាំងស្លាប់អស់៦០.០០០នាក់ បាត់ខ្លួន១០១.០០០នាក់ របួស២១០.០០០នាក់ ចំណែកភាគី អាល្លឺម៉ង់ដែលឈ្នះស្លាប់ទ័ពអស់៣៣៧.០០០នាក់ ។
ឆ្នាំ១៩១៧
-មានការប្រយុទ្ធគ្នាមួយបានចាប់ផ្ដើមឡើងនៅទីក្រុងអារ៉ាស ប្រទេសបារាំងរវាងប្រទេសអាល្លឺម៉ង់ ជាមួយទ័ពសម្ព័ន្ធមិត្ដ ។
ឆ្នាំ១៩១៨
-មានការប្រយុទ្ធគ្នានៅទីក្រុងអ៊ីប្រ៊េស ប្រទេសប៊ែលហ្ស៊ិក រវាងកងទ័ពអាល្លឺម៉ង់ ជាមួយកងទ័ពព័រទុយហ្កាល និងអង់គ្លេស។ នេះជាការវាយប្រហាររបស់កងទ័ពអាល្លឺម៉ង់ប្រកបដោយជោគជ័យលើទ័ពប្រទេសសម្ព័ន្ធមិត្ដអង់គ្លេស និងព័រទុយហ្កាលបណ្ដាលឱ្យទ័ពសម្ព័ន្ធមិត្ដដែលមានទាំងអស់២០.០០០នាក់ស្លាប់របួសនិងបាត់ខ្លួន៧០០នាក់ ។ ការប្រយុទ្ធគ្នានេះ កងទ័ពអង់គ្លេសសំរេចចិត្ដដកថយមុនព័រទុយហ្កាល ។
ឆ្នាំ១៩៣៧
-យន្ដហោះកាមីកាហ្សេ ដែលបានធ្វើដំណើរមកដល់ព្រលានយន្ដហោះក្រូយដុន ក្នុងទីក្រុងឡុងបានក្លាយជាយន្ដហោះទី១ ផលិតនៅប្រទេសជប៉ុនដែលបានមកដល់ទ្វីបអឺរ៉ុប ។ យន្ដហោះនេះចេញពីទីក្រុងតូក្យូ ដោយមានអ្នកបើកបរឈ្មោះម៉ាស សាគីលី ណូម៉ា និងគេនជី ស៊ុកាហ្គោស៊ី ដោយប្រើរយៈពេល៥១ម៉ោង១៧នាទីនិង២៣វិនាទី ។
ឆ្នាំ១៩៤០
-សង្គ្រាមលោកលើកទី២ ប្រទេសអាល្លឺម៉ង់ បានធ្វើការឈ្លានពានប្រទេសដាណឺម៉ាក និងប្រទេសន័រវ៉េស ។
ឆ្នាំ១៩៤២
-ការប្រយុទ្ធគ្នានៅលើដែនកោះបាតាននៃប្រទេសហ្វ៉ីលីពីន ត្រូវបានបញ្ចប់ ខណៈពេលកងទ័ពអាមេរិក និងហ្វ៉ីលីពីនលើកទង់ ជ័យសសុំចុះចាញ់ទ័ពជប៉ុន ។ ទ័ពជប៉ុនមាន៧៥.០០០នាក់ ស្លាប់៧.០០០នាក់ របួស១២.០០០នាក់ មានជំងឺ១០.០០០នាក់ ចំណែកឯកងទ័ពអាមេរិក និងហ្វ៉ីលីពីន មានចំនួន៧៩.៥០០នាក់ ស្លាប់១០.០០០នាក់ របួស២០.០០០នាក់ ត្រូវចាប់ខ្លួនជាឈ្លើយ៧៥.០០០នាក់ ។
ឆ្នាំ១៩៤៥
-ការប្រយុទ្ធគ្នានៅទីក្រុងកូនីប៊ើក រវាងប្រទេសអាល្លឺម៉ង់ និងប្រទេសបារាំងរួមជាមួយប្រទេសសូវៀត ត្រូវបានបញ្ចប់។ ទីក្រុង កូនីប៊ើក ដែលពេលនោះ ជាទឹកដីអាល្លឺម៉ង់ បច្ចុប្បន្នជាទីក្រុងកាលីនីន ហ្គ្រាដរបស់រុស្ស៊ី។ ការប្រយុទ្ធគ្នានោះ ទ័ពសម្ព័ន្ធមិត្ដបានទទួលជោគជ័យដោយប្រើទ័ព២៥០.០០០នាក់ ស្លាប់៦០.០០០នាក់ ឯប្រទេសអាល្លឺម៉ង់ ដែលបរាជ័យស្លាប់ទ័ពអស់៥០.០០០នាក់ ចុះចូល៨០.០០០នាក់ ក្នុងចំណោមទ័ពសរុប ១៣០.០០០នាក់ ។
-គណៈកម្មការថាមពលអាតូមិក សហរដ្ឋអាមេរិក ត្រូវបានបង្កើតឡើង ។
ឆ្នាំ១៩៤៧
-ខ្យល់ព្យុះតូណាដូ បានបោកបក់ឆ្លងកាត់រដ្ឋ៣ គឺរដ្ឋតិចសាស់ រដ្ឋអូក្លាហូម៉ា និងរដ្ឋកេនសាស់ សហរដ្ឋអាមេរិក បណ្ដាលឱ្យស្លាប់មនុស្ស១៨១នាក់ របួស៩៧០នាក់ ខូចខាតទ្រព្យសម្បត្ដិប្រហែល៩.៧២៧.៧៥០ទៅ១៣០.៤៨៩.៥៩៤ដុល្លារអាមេរិក ។
ឆ្នាំ១៩៤៨
-ការសំលាប់រង្គាលនៅភូមិដេ យាស៊ីន ដែលនៅជិតទីក្រុងហ្សេរ៉ុយហ្សាឡិម បណ្ដាលឱ្យមនុស្សស្លាប់១០៧នាក់ ហើយនេះ ជាស្នាដៃក្រុមជ្រុលនិយមអ៊ីហ្កុន និងក្រុមឡេហ៊ី ។
ឆ្នាំ១៩៥៧
-ព្រែកជីកស៊ុយអេ នៅក្នុងប្រទេស អេហ្ស៊ីប ត្រូវបានបើកឱ្យនាវាធ្វើចរាចរណ៍វិញ ។
ឆ្នាំ១៩៨៩
-បាតុករប្រឆាំងសូវៀត នៅហ្ស៊កហ្ស៊ី ត្រូវបានទ័ពសូវៀតបាញ់សំលាប់២០នាក់ និងរបួសរាប់រយនាក់ ដោយសារសុំទាមទារឯករាជ្យចេញពីសូវៀត ។
ឆ្នាំ១៩៩១
-ប្រទេសហ្ស៊កហ្ស៊ី បានប្រកាសឯករាជ្យ ភាពរបស់ខ្លួនចេញពីសហភាពសូវៀត ។
ឆ្នាំ១៩៩២
-តុលាការសហព័ន្ធអាមេរិក បានកាត់ទោសអតីតមេដឹកនាំផ្ដាច់ការប៉ាណាម៉ា ម៉ានុយអែល ន័ររីហ្កា ពីបទពាក់ព័ន្ធនឹងគ្រឿងញៀន និងរកស៊ីខុសច្បាប់ឱ្យជាប់ពន្ធនាគារ៣០ឆ្នាំ ។
ឆ្នាំ១៩៩៩
-លោកប្រធានាធិបតីនៃប្រទេសនីហ្សែរ អ៊ីប្រាហាម បារ៉េម៉ៃណាសារ៉ា ត្រូវបានទាហានម្នាក់ធ្វើឃាតនៅព្រលានយន្ដហោះ ក្នុងទីក្រុងនៀម៉ី ។
ឆ្នាំ២០០៣
-ទីក្រុងបាដាដ បានធ្លាក់ក្រោមការគ្រប់គ្រងរបស់កងទ័ពសហរដ្ឋអាមេរិក ។
ឆ្នាំ២០០៩
-មានការបោះឆ្នោតនៅក្នុងប្រទេសឥណ្ឌូណេស៊ី ដើម្បីជ្រើសរើសសភាថ្មី ។
-លោកគីម ជុងអ៊ីល បានលេចមុខជាសាធារណៈជាលើកទី១ ចាប់តាំងពីខែសីហា ឆ្នាំ២០០៨ មក ដើម្បីឱ្យគេបោះឆ្នោតធ្វើជា មេដឹកនាំកំពូលរបស់ប្រទេសកូរ៉េខាងជើងម្ដងទៀត ៕
ចែករំលែកព័តមាននេះ