រាជធានីភ្នំពេញ ៖ ជនជាតិអង់គ្លេសម្នាក់ដែលគេស្គាល់ថាជាភ្ញៀវទេសចរ ធ្លាប់ចូលមកប្រទេសកម្ពុជាកាលពីព្រឹកថ្ងៃទី២៤ មិថុនា ត្រូវសមត្តកិច្ចនគរបាលការិយាលយ័ប្រឆាំងការជួញដូរមនុស្ស និងការពារអនិតិជនរាជធានីភ្នំពេញឃាត់ខ្លួននៅ ចំណុចមុខផ្សារអូឡាំពិក សង្កាត់អូឡាំពិក ខណ្ឌចំការមន ពាក់ពន្ធបទល្មើសនាំអនិតិជនក្រោមអាយុ១៥ឆ្នាំប្រព្រឹត្តិអំពើអាណាចារក្នុងផ្ទះសំណាក់ ។ជនអង់គ្លេលរូបនេះឈ្មោះចន ម៉ៃឃីល អាយុ៥០ឆ្នាំស្នាក់នៅភាគច្រើនផ្ទះជួលប្លុកបឹងកក់ ខណ្ឌដូនពេញ ។
លោកវរៈសេនីយ៍ទោកែវ ធា ប្រធានការិយាលយ័នគរបាលប្រឆាំងការជួញដូរមនុស្សនិង ការពារអនិតិជនរាជធានីភ្នំពេញ បានឲ្យដឹងថា ជនអង់គ្លេសខាងលើឲ្យតែចូលមកកម្ពុជាច្រើនតែដើរប្រមូលក្មេងអាណាថា អាយុក្រោម១៥ឆ្នាំ លួងលោមយកទៅប្រព្រឹត្តិអំពើអាណាចារនៅ តាមផ្ទះសំណាក់ ដោយឲ្យប្រាក់គ្នាតិចតួចម្នាក់ហើយវិលត្រឡប់ទៅប្រទេសខ្លួនវិញបាត់ ។
ក្រោមការស្រាវជ្រាវរបស់សមត្តកិច្ចជំនាញ នៅពេលជននេះចូលមកកម្ពុជា បានឃើញគេកំពុងដឹកដៃក្មេងនាំចេញពីផ្សារបំណងទៅកាន់ផ្ទះសំណាក់ក៏ត្រូវឃាត់ខ្លួន ដើម្បីធ្វើការសាកសួរទើបបានធ្លាយរឿងច្រើនករណីមកហើយ ។
ចែករំលែកព័តមាននេះ