ពួកបាតុករចាកចេញពីស្ថានទូតអាមេរិកហើយ
ប្រទេសអ៊ីរ៉ាក់ ៖ ពួកបាតុករស្និទ្ធអ៊ីរ៉ង់ កាលពីថ្ងៃទី១ ខែមករា ឆ្នាំ២០២០ បានចាកចេញហើយ ពីច្រកចូលទាំងឡាយនៃស្ថានទូតអាមេរិក ប្រចាំក្រុងបាដាដតាមបទបញ្ជារបស់កងជីវពលHACHD AL…
ប្រទេសអ៊ីរ៉ាក់ ៖ ពួកបាតុករស្និទ្ធអ៊ីរ៉ង់ កាលពីថ្ងៃទី១ ខែមករា ឆ្នាំ២០២០ បានចាកចេញហើយ ពីច្រកចូលទាំងឡាយនៃស្ថានទូតអាមេរិក ប្រចាំក្រុងបាដាដតាមបទបញ្ជារបស់កងជីវពលHACHD AL CHAABI ដើម្បីបញ្ចប់អំពើហិង្សាដែលមានការកើនឡើង ជាមួយការវាយប្រហារពុំធ្លាប់មានពីមុនមកប្រឆាំងស្ថានទូតនោះ។
ប្រសិនបើអំពើហិង្សាមិនត្រួវបានបញ្ឈប់នៅក្រុងបាដាដ នោះការកើនឡើងនៃភាពតានតឹងរវាងអ៊ីរ៉ង់ និងសហរដ្ឋអាមេរិក ដែលសុទ្ធតែមានឥទ្ធិពលដូចគ្នានៅអ៊ីរ៉ាក់នឹងបន្តទៀត ខណៈប្រធានាធិបតីអាមេរិកលោកដូណាល់ត្រាំ បានគំរាមថា អ៊ីរ៉ង់នឹងត្រូវបង់តម្លៃដ៏ធំ ដោយលោកចោទអ៊ីរ៉ង់ថា ជាអ្នករៀបចំបាតុកម្មវាយស្ថានទូតអាមេរិកនោះកាលពីថ្ងៃទី៣១ធ្នូ។
ដោយវាយតម្លៃថាសាររបស់ពួកបាតុករ ត្រួវបានគេស្ដាប់ នោះចលនាHACHD ដ៏ខ្លាំងបានអំពាវនាវ ដល់បណ្ដាអ្នកគាំទ្រឲ្យចាកចេញក្រៅតំបន់បៃតងដែលមានកិច្ចការពារសន្តិសុខខ្ពស់នៃក្រុងបាដាដ ហើយមានស្ថានទូតអាមេរិក៕ (កែសម្រួលដោយ ៖ បុប្ផា)
ចែករំលែកព័តមាននេះ