តាម​ប្រភព​ព័ត៌មាន Soccer Laduma បានឱ្យ​ដឹង​ថា តារា​ឆ្នើម​របស់​ក្លិប FC Barcelona កីឡាករ Frenkie de Jong បាន​អះអាង​ថា​ក្របខ័ណ្ឌ Premier League បាន​ឡើង​កាន់តែ​ខ្លាំង​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ ហើយ​ឥឡូវនេះ​គឺជា​លី​គ​ដ៏​ខ្លាំង​បំផុត​នៅ​អឺរ៉ុប​។

មុន​ពេល​ជ័យ​ជំនះ​របស់ Liverpool និង Chelsea ក្នុង​ពានរង្វាន់ UEFA Champions League និង Europa League ការ​ចូល​ចិត្ត​របស់ Real Madrid និង FC Barcelona បាន​គ្របដណ្ដប់​លើ​ឆាក​អឺរ៉ុប ។ ការ​ប្រកួត​ផ្តាច់ព្រ័ត្រ​នៅ​ទ្វីប​ទាំង​ពីរ កាលពី​រដូវ​កាល​មុន មាន​តែ​ក្រុម​អង់គ្លេស​ប៉ុណ្ណោះ ខណៈ​ដែល​ក្រុម​ជើង​ខ្លាំង​អេ​ស្បា​ញ​បាន​បរាជ័យ​ក្នុង​ការ​ប្រជែង​ដណ្តើម​ពានរង្វាន់​ក្នុង​ក្របខ័ណ្ឌ Champions League​។

De Jong ត្រូវ​បាន​ដកស្រង់​សម្តី​ដោយ​កាសែត Daily Mirror ថា​៖«​ខ្ញុំ​ធ្លាប់​គិត​ថា LaLiga គឺជា​លី​គ​ខ្លាំង​បំផុត​ក្នុង​ពិភព​បាល់ទាត់​។ អ្នក​អាច​មើលឃើញ​ពី​ឥទ្ធិពល​របស់​លី​គ​នេះ នៅ​ក្នុង​ការ​ប្រកួត​អឺរ៉ុប​»​។

គេ​បាន​បន្ត​ថា ៖«​កាលពីមុន ក្លិប​អេ​ស្បា​ញ​បាន​ឈាន​ទៅ​វគ្គ​ចុង​ក្រោយ​នៃ​ការ​ប្រកួត​ទាំងនេះ ហើយ​ជា​ញឹកញាប់​ឈ្នះ​ពានរង្វាន់ Champions League និង Europa League ប៉ុន្តែ​ក្រប​ខ័ណ្ឌ Premier League បាន​ឡើង​កាន់តែ​ខ្លាំង​ក្នុង​ប៉ុន្មាន​ឆ្នាំ​ថ្មី​ៗ​នេះ​។ នៅ​ពេល​និយាយ​ពី​រឿង​ពូកែ​ខាង​ជំនាញ​គឺ LaLiga ខ្លាំង តែ​ប្រសិនបើ​និយាយ​ពី​កម្តៅ​នៃ​ការ​ប្រកួត​វិញ គឺ​នៅ Premier League ខ្លាំង​ជាង​បន្តិច​» ៕