ADផ្ទាំងផ្សព្វផ្សាយពាណិជ្ជកម្ម

Picture

​ហ្វ៊ី​លី​ពី​ន​​និង​បក្ខពួក​ប្រុស-​ស្រី​3​នាក់​ជាប់​ចោទ​ឆបោក​ប្រាក់​ជាង​1​មឺ​ុ​ន​ដុល្លារ

2 ឆ្នាំ មុន
  • សៀមរាប

ខេត្តសៀមរាប ៖ ជនជាតិ​ហ្វ៊ី​លី​ពី​ន​ម្នាក់ក្នុង​ចំណោម​បក្សពួក​ប្រុស​ស្រី​៣​នាក់​ទៀត ដែលដើរ​បោក​លុយ​ជនបរទេស​ដូច​គ្នា​បាន​ប្រាក់​ចំនួន​១៨.១០៩​ដុល្លារ ហើយ​រត់គេច​ខ្លួន​ពី​ខេត្តសៀមរាប​បម្រុង​ឆ្លង​ដែន​ទៅ​ស្រុក​យួន​នោះ បានត្រូវ​នគរបាល​អន្តោប្រវេសន៍​នៅ​ច្រក​ទ្វា​អន្តរជាតិ​បា​វិត ឃាត់ខ្លួន​ប្រគល់​ឱ្យ​ការិយា​ល័យ​នគរបាល​ស៊ើបអង្កេត​និង​អនុវត្ត​នីតិវិធី​ខេត្ត​សៀមរាប ដើម្បី​ចាត់ការ​តាម​ច្បាប់ ។ លោក​ឧត្តម​ស​នី​យ៍​ត្រី…

ខេត្តសៀមរាប ៖ ជនជាតិ​ហ្វ៊ី​លី​ពី​ន​ម្នាក់ក្នុង​ចំណោម​បក្សពួក​ប្រុស​ស្រី​៣​នាក់​ទៀត ដែលដើរ​បោក​លុយ​ជនបរទេស​ដូច​គ្នា​បាន​ប្រាក់​ចំនួន​១៨.១០៩​ដុល្លារ ហើយ​រត់គេច​ខ្លួន​ពី​ខេត្តសៀមរាប​បម្រុង​ឆ្លង​ដែន​ទៅ​ស្រុក​យួន​នោះ បានត្រូវ​នគរបាល​អន្តោប្រវេសន៍​នៅ​ច្រក​ទ្វា​អន្តរជាតិ​បា​វិត ឃាត់ខ្លួន​ប្រគល់​ឱ្យ​ការិយា​ល័យ​នគរបាល​ស៊ើបអង្កេត​និង​អនុវត្ត​នីតិវិធី​ខេត្ត​សៀមរាប ដើម្បី​ចាត់ការ​តាម​ច្បាប់ ។

លោក​ឧត្តម​ស​នី​យ៍​ត្រី ជា គឹ​ម​សាន ស្នងការរង​នគរបាល​ខេត្ត ទទួល​ផែនការ​ងារ​អន្តោ​ប្រវេស​ន៍ និង​លោក​វរសេនីយ៍ឯក តូច សុគន្ធ នាយការិយាល័យ​ស៊ើបអង្កេត​និង​អនុវត្ត​នីតិវិធី បាន​ទៅ​ទទួលយក​ជនសង្ស័យ​មក​សាកសួរ​នៅ​ស្នងការដ្ឋាន​នគរបាល​ខេត្ត​វិញ ដើម្បី​សុំ​គោលការណ៍ពី​លោក កើត វ​ណ្ណា​រ៉េ​ត ព្រះរាជអាជ្ញា​អម​សាលា​ដំបូង​ខេត្ត​ឃុំខ្លួន​ជា​បណ្តោះអាសន្ន​នៅ​ស្នងការដ្ឋាន​ខេត្ត និង​រៀបចំ​កសាង​សំណុំរឿង បញ្ជូន​ទៅ​សាលាដំបូង ។

ជនសង្ស័យ​ត្រូវ​បាន​ចាប់​ឃាត់ខ្លួន នា​ល្ងាច​ថ្ងៃទី​២៧ ខែធ្នូ ឆ្នាំ​២០១៩ នៅ​ច្រក​ទ្វារ​អន្តរជាតិ​បា​វិត​ជាប់​ព្រំដែន​វៀតណាម ហើយ​ប្រគល់​មកឲ្យ​សមត្ថកិច្ច​ខេត្តសៀមរាប​វិញ ។ បើ​តាម​លោកស្នងការ​រង ជា គឹ​ម​សាន ថ្លែង​ថា ករណី​ឆបោក​ប្រាក់​ចំនួន​១៨.១០៩​ដុល្លារ​នេះ​ប្រព្រឹត្ត​នៅ​ខេត្តសៀមរាប ហើយ​ជនសង្ស័យ ប្រុស​ស្រី​បាន​រត់គេច​ពី​សៀមរាប ដែល​ពួក​គេ​បាន​ប្រព្រឹត្ត​កាលពី​ថ្ងៃ​ទី​១៨ ខែតុលា ឆ្នាំ២០១៩ នៅផ្ទះ​ជួល​ក្នុងភូមិ​សាលា​កន្សែង សង្កាត់ស្វាយ​ដង្គំ ក្រុង​សៀមរាប ។

រហូត​មក​ដល់​ថ្ងៃ​ទី​២៧ ខែធ្នូ ឆ្នាំ​២០១៩ លោក​បាន​ទទួល​ព័ត៌មាន ពី​នាយកដ្ឋាន​ស៊ើបអង្កេត​និង​អនុវត្ត​នីតិវិធី​នៃ​អគ្គនាយកដ្ឋាន​អន្តោប្រវេសន៍ ពាក់ព័ន្ធ​នឹង​ករណី​ជនបរទេស​ម្នាក់​ក្នុង​ចំណោម​៣​នាក់ ទៀត ករណី​ឆបោក​ប្រាក់​ចំនួន​១៨.១០៩​នេះ ទើប​លោក​ដឹកនាំ​កម្លាំង​ការិយាល័យ​ស៊ើបអង្កេត​និង​អនុវត្ត​នីតិវិធី ទៅ​យក​ជនសង្ស័យ​នោះ​មក​សួរនាំ​នៅ​ស្នងការដ្ឋាន​នគរបាល​ខេត្ត ។ លោកស្នងការ​រង​បញ្ជាក់​ថា ជនជាតិ​ហ្វ៊ី​លី​ពី​នរូប​នេះ​ឈ្មោះ Sison Manuel Garcia ភេទ​ប្រុស អាយុ​៧៣​ឆ្នាំ កាន់​លិខិតឆ្លងដែន​លេខ
P៩៤១០៧៨៩A ស្នាក់​នៅ​ក្នុង​សង្កាត់​បឹង​ទំពុន ខណ្ឌមានជ័យ រាជធានី​ភ្នំពេញ ។

នៅ​ពេល​សាកសួរ ជន​នេះ​ឆ្លើយ​ថា ខ្លួន​នឹង​បក្ខពួក​ចំនួន​៣​នាក់​ផ្សេង​ទៀត ពិតជា​បាន​ធ្វើ សកម្មភាព​លួង​លោម​ភ្ញៀវ​ទេសចរ​បរទេស​ឱ្យ​លេងល្បែង​ប្រភេទ Pocker២១ ហើយ​ប្រើ​ល្បិច​កៀប​សុ​ី​លុយ​ប្រាកដ​មែន ។

ពួក​គេតែង​ធ្វើ​សកម្មភាព​នៅ​រាជធានី​ភ្នំពេញ​ខេត្ត​សៀមរាប ប្រទេស​វៀតណាម និង​នៅ​ទីក្រុង​បាង​កក​ប្រទេស​ថៃ សរុប​ប្រហែល​៤៩​លើក​មក​ហើយ ។ ជនសង្ស័យ​ត្រូវ​បាន​លោក កើត វ​ណ្ណា​រ៉េ​ត ព្រះ​រាជ​អាជ្ញា​អម​សាលាដំបូង​ខេត្ត សម្រេច​ឱ្យនគរបាល​ឃាត់ខ្លួន​ជា​បណ្តោះអាសន្ន​នៅ​ស្នងការដ្ឋាន​ខេត្ត ដើម្បី​រៀបចំ​កសាង​សំណុំរឿងបញ្ជូន​ទៅ​សាលាដំបូង​ខេត្ត ៕ ​

Picture