ខេត្តព្រៃវែង ៖ អ៊ំស្រីម្នាក់ អាយុ ៦៣ឆ្នាំ ត្រូវបានក្មួយប្រុសតណ្ហាក្រាស់ ឡើងទៅចាប់រំលោភដល់លើផ្ទះ តែមិនបានសម្រេច ត្រូវអ៊ំស្រីស្រែកផ្អើលអ្នកស្រុក ចេញមកជួយចាប់ប្រគល់ឱ្យប៉ូលិស…
ខេត្តព្រៃវែង ៖ អ៊ំស្រីម្នាក់ អាយុ ៦៣ឆ្នាំ ត្រូវបានក្មួយប្រុសតណ្ហាក្រាស់ ឡើងទៅចាប់រំលោភដល់លើផ្ទះ តែមិនបានសម្រេច ត្រូវអ៊ំស្រីស្រែកផ្អើលអ្នកស្រុក ចេញមកជួយចាប់ប្រគល់ឱ្យប៉ូលិស ។
ហេតុការណ៍នេះ បានកើតឡើងកាលពីវេលាម៉ោង៨យប់ថ្ងៃទី១ មករា ២០១៦ នៅលើផ្ទះជនរងគ្រោះ ដែលស្ថិតក្នុងភូមិផាត់សណ្ដោង ឃុំព្នៅទី១ ស្រុកស៊ីធ័រកណ្ដាល ខេត្តព្រៃវែង ។
សមត្ថកិច្ច បានឲ្យដឹងថា ជនរងគ្រោះក្នុងករណីនេះមានឈ្មោះ ញ៉ែម សុខជា ភេទស្រី អាយុ៦៣ឆ្នាំ ។ ចំណែកជនសង្ស័យឈ្មោះ អុល ម៉េងហុង ភេទប្រុស អាយុ២៩ឆ្នាំ ត្រូវជាក្មួយប្រុសរបស់ជនរងគ្រោះ អ្នកទាំង២ មានទីលំនៅក្នុងភូមិកើតហេតុ ។
តាមសម្ដីរបស់ជនរងគ្រោះ បានឲ្យដឹងថា នៅពេលកើតហេតុនោះ រូបគាត់កំពុងដេកនៅលើផ្ទះម្នាក់ឯងសុខៗ ស្រាប់តែជនសង្ស័យជាក្មួយប្រុស បានឡើងទៅចាប់សម្រាតសំពត់របស់គាត់ បម្រុងរំលោ.ភ ធ្វើអោយគាត់ភ្ញាក់ ហើយក៏ស្រែកឆោឡោឡើង ធ្វើឲ្យផ្អើលដល់អ្នកជិតខាង ចេញមកជួយ និងចាប់ជនសង្ស័យ ប្រគល់ទៅឲ្យសមត្ថកិច្ចភ្លាមៗតែម្ដង ។
តាមសម្ដីអ្នកស្រុកនៅក្បែរផ្ទះជនសង្ស័យ បានបញ្ជាក់ថា ជនសង្ស័យមានប្រពន្ធកូនត្រឹមត្រូវដែរ ប៉ុន្តែមិនដឹងជាយ៉ាងម៉េច បែរជាទៅចាប់រំលោភអ៊ំស្រីរបស់ខ្លួន ដែលមានអាយុដល់ទៅ ៦៣ឆ្នាំ បែបនេះទៅវិញ ?
បច្ចុប្បន្ន ជនសង្ស័យ ត្រូវបានកម្លាំងសមត្ថកិច្ចឃាត់ខ្លួននៅអធិការរដ្ឋាននគរបាលស្រុកស៊ីធរកណ្ដាល ដើម្បីកសាងសំណុំរឿងចាត់ការទៅតាមនីតិវិធី ៕
ចែករំលែកព័តមាននេះ