រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ស្ត្រីម្នាក់បានហៅកង់បីឥណ្ឌា បំរុងឡើងជិះទៅហើយ ស្រាប់តែមានជនសង្ស័យ២នាក់ជិះម៉ូតូ១គ្រឿងមកក្បែរ រួច ឆក់យកកាបូបលុយពីស្ត្រីរងគ្រោះបានសម្រេច ហើយគេចខ្លួនដោយសុវត្ថិភាព បង្កឲ្យមានការភ្ញាក់ផ្អើលកើតឡើងកាលពីម៉ោង១២និង៣០នាទីយប់រំលងអធ្រាត្រឈានចូលថ្ងៃទី…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ស្ត្រីម្នាក់បានហៅកង់បីឥណ្ឌា បំរុងឡើងជិះទៅហើយ ស្រាប់តែមានជនសង្ស័យ២នាក់ជិះម៉ូតូ១គ្រឿងមកក្បែរ រួច ឆក់យកកាបូបលុយពីស្ត្រីរងគ្រោះបានសម្រេច ហើយគេចខ្លួនដោយសុវត្ថិភាព បង្កឲ្យមានការភ្ញាក់ផ្អើលកើតឡើងកាលពីម៉ោង១២និង៣០នាទីយប់រំលងអធ្រាត្រឈានចូលថ្ងៃទី ២៩ ខែធ្នូ ឆ្នាំ២០១៩ នៅលើកំណាត់ផ្លូវសហព័ន្ធរុស្ស៊ី ស្ថិតក្នុងភូមិតាងួន សង្កាត់កាកាបទី១ ខណ្ឌពោធិ៍សែនជ័យ។
តាមសំដីស្ត្រីរងគ្រោះបានឲ្យដឹងថា មុនកើតហេតុ រូបគាត់មានគ្នា២នាក់ឈរនៅចំណុចកើតហេតុខាងលើ ហើយក៏ដកទូរស័ព្ទខលហៅកង់បីឥណ្ឌាមកជិះ ដើម្បីធ្វើដំណើរទៅមុខទៀត ដោយរូបគាត់មិនបានបញ្ជាក់ពីគោលដៅដែលគាត់ទៅនោះទេ ស្រាប់តែ១សន្ទុះក្រោយមកម៉ូតូកង់បីបានមកដល់ រួចរូបគាត់ទាំងពីរនាក់បម្រុងនឹងឡើងជិះទៅហើយ ស្រាប់តែលេចមុខជនសង្ស័យ២នាក់ ជិះម៉ូតូ១គ្រឿងម៉ាកឌ្រីមសង់ ស៊េរីឆ្នាំ២០១៩ មិនចាំស្លាកលេខ មកក្បែររូបគាត់ រួចធ្វើសកម្មភាពឆក់កាបូបលុយដែលរូបគាត់កាន់ជាប់នឹងដៃបានសម្រេច បន្ទាប់ជិះម៉ូតូគេចខ្លួនបាត់ស្រមោល។
ប្រភពដដែលបន្តថា ភ្លាមៗនោះ រូបគាត់ក៏បានស្រែកថា «ចោរៗ» ផ្អើលឆោឡោពេញកន្លែងកើតហេតុតែម្តង តែគ្មានអ្នកណាជួយនោះទេ បន្ទាប់មកស្រាប់តែលេចមុខយុវជនម្នាក់មកប្រាប់គាត់ថា «ស្រែកធ្វើអី បើចោរឆក់ទៅបាត់ហើយនឹង» ។
ប្រភពដដែលបន្តទៀតថា បើគ្មានអ្នកណាជួយគាត់ទេ ហេតុអ្វីក៏គាត់ស្រែកថា ចោរ មិនបាន ធ្វើឲ្យមានការភ្ញាក់ផ្អើលកាន់តែខ្លាំងទៅផ្អើលដល់សមត្ថកិច្ចមូលដ្ឋានចុះមកសួរនាំ។ ហើយក្នុងហេតុការណ៍ខាងលើនេះ ស្ត្រីរងគ្រោះបានដាក់ការសង្ស័យទៅលើយុវជនខាងលើថា ជាអ្នកបិទគូថក្រុមឆក់ផង។
គួរបញ្ជាក់ផងដែរថា កាបូបជនរងគ្រោះដែលត្រូវចោរឆក់យកទៅបាត់មានលុយខ្មែរជាង៨០ម៉ឺនរៀល។ ក្រោយពេលកើតហេតុ សមត្ថកិច្ចបាននាំបុរសខាងលើ និងស្ត្រីរងគ្រោះទៅកាន់ប៉ុស្តិ៍នគរបាលរដ្ឋបាលសង្កាត់កាកាបទី១ ដើម្បីសួរនាំបន្ត និងឲ្យស្ត្រីរងគ្រោះដាក់ពាក្យបណ្ដឹង។ (កែសម្រួលដោយ ៖ បុប្ផា)
ចែករំលែកព័តមាននេះ