ខេត្តរតនគិរី ៖ រថយន្តក្រុងដឹកអ្នកដំណើររបស់ក្រុមហ៊ុនវៀតណាមឈ្មោះ «អាញ់អ្ហ៊ីវ» លួចបង្កប់ និងដឹកជញ្ជូនសត្វព្រៃជាប្រភេទសត្វកាំប្រមាចំនួន២ក្បាលទម្ងន់១៥គីឡូក្រាមឆ្លងដែនពីកម្ពុជាចូលទៅប្រទេសវៀតណាមត្រូវបានសមត្ថកិច្ចស្ទាក់ចាប់ ។ ការបង្ក្រាបរថយន្តក្រុងនេះសមត្ថកិច្ចធ្វើឡើងល្ងាចថ្ងៃទី២៥ ខែធ្នូ ឆ្នាំ២០១៩…
ខេត្តរតនគិរី ៖ រថយន្តក្រុងដឹកអ្នកដំណើររបស់ក្រុមហ៊ុនវៀតណាមឈ្មោះ «អាញ់អ្ហ៊ីវ» លួចបង្កប់ និងដឹកជញ្ជូនសត្វព្រៃជាប្រភេទសត្វកាំប្រមាចំនួន២ក្បាលទម្ងន់១៥គីឡូក្រាមឆ្លងដែនពីកម្ពុជាចូលទៅប្រទេសវៀតណាមត្រូវបានសមត្ថកិច្ចស្ទាក់ចាប់ ។ ការបង្ក្រាបរថយន្តក្រុងនេះសមត្ថកិច្ចធ្វើឡើងល្ងាចថ្ងៃទី២៥ ខែធ្នូ ឆ្នាំ២០១៩ លើកំណាត់ផ្លូវជាតិលេខ៧៨ ក្បែរ មូលដ្ឋានកងរាជអាវុធហត្ថ ស្រុកបរកែវ ស្ថិតក្នុងភូមិគ្លិៈ ឃុំស៊ើង ស្រុកបរកែវ ខេត្តរតនគិរី ។
ប្រភពពីសមត្ថកិច្ចបានឱ្យដឹងថា រថយន្តក្រុងរបស់ក្រុមហ៊ុន អាញ់អ្ហ៊ីវ ដឹកជញ្ជូនសត្វព្រៃឆ្លងដែនខុសច្បាប់ខាងលើនេះមានពណ៌ស ពាក់ផ្លាកលេខ 81B-010-64 មានអ្នកបើកបរជនជាតិវៀតណាមឈ្មោះ ប៊ូម វ៉ាន់លុក ភេទប្រុស អាយុ៤១ឆ្នាំ ។
ក្រោយពីសមត្ថកិច្ចជំនាញធ្វើការសួរនាំអ្នកបើកបររថយន្តដឹកជញ្ជូនសត្វព្រៃឆ្លងដែនខាងលើនេះហើយក៏បានធ្វើការឃាត់រថយន្ត និងសត្វព្រៃជាបណ្តោះអាសន្នរក្សាទុកនៅស្នាក់ការរដ្ឋបាលព្រៃឈើបរកែវរងចាំដោះស្រាយតាមនីតិវិធី ៕
កែសម្រួលដោយ ៖ សំណាង
ចែករំលែកព័តមាននេះ