រិទ្ធិ ភូលូ ឡើងកាលីបទៀតហើយប៉ះថៃនៅសង្វៀនអន្តរជាតិ
- ភ្នំពេញ
រាជធានីភ្នំពេញ ៖ ក្រោយពីមានមុខឡើង ប្រកួតក្នុងនាមជាគូអន្តរជាតិនៅសង្វៀនស្ថានីយ ទូរទស្សន៍ប៉ុស្តិ៍លេខ៥ ហើយទទួលជ័យជម្នះ ពេល នេះកីឡាករវ័យក្មេង រិទ្ធិ ភូលូ…
រាជធានីភ្នំពេញ ៖ ក្រោយពីមានមុខឡើង ប្រកួតក្នុងនាមជាគូអន្តរជាតិនៅសង្វៀនស្ថានីយ ទូរទស្សន៍ប៉ុស្តិ៍លេខ៥ ហើយទទួលជ័យជម្នះ ពេល នេះកីឡាករវ័យក្មេង រិទ្ធិ ភូលូ…
រាជធានីភ្នំពេញ ៖ ក្រោយពីមានមុខឡើង ប្រកួតក្នុងនាមជាគូអន្តរជាតិនៅសង្វៀនស្ថានីយ ទូរទស្សន៍ប៉ុស្តិ៍លេខ៥ ហើយទទួលជ័យជម្នះ ពេល នេះកីឡាករវ័យក្មេង រិទ្ធិ ភូលូ ត្រូវបានគេឲ្យឡើង ប្រកួតក្នុងនាមជាគូអន្តរជាតិទៀតហើយ ។ កីឡា ករថៃ ហ្វា និមិត្ត ត្រូវបានគេដាក់ឲ្យប្រកួតស្ទាបស្ទង់គ្នាម្តងទៀត ដើម្បីមើលពីសមត្ថភាព រិទ្ធ ភូលូ។
អ្នកទាំងពីរនឹងប៉ះគ្នានៅល្ងាចថ្ងៃសៅរ៍ទី២៨ ខែធ្នូ នៅក្នុងព្រឹត្តិការណ៍ TV5 Knock out Serie by K-Cement ក្នុងពេលដែលការប្រកួតជើងឯករដូវកាលទី៧ ទើបចាប់ផ្ដើុមចូលសប្ដាហ៍ទី៣។
កីឡាករកម្ពុជា រិទ្ធិ ភូលូ ដែលជាជើងខ្លាំង ឡើងកូដ ត្រូវបានគេចាប់អារម្មណ៍ហួសប្រមាណក្រោយពីមានការប្រកាសថាតម្រូវឲ្យស្វាគមន៍ជើងខ្លាំងមកពីប្រទេសថៃ ហ្វា និមិត្ត ដែលអ្នកណាៗក៏ស្គាល់ថាជាជើងខ្លាំង ធ្លាប់ប្រកួតឈ្នះ កីឡាករកម្ពុជាកន្លងមក ។ វត្តមានកីឡាករទាំងកម្ពុជានិងថៃនៅចុងសប្ដាហ៍នេះ មិនថាការប្រកួតជាលក្ខណៈអន្តរជាតិ ឬការប្រកួតជាលក្ខណៈមិត្តភាពក្នុងស្រុកនោះទេ ពិតជាធ្វើឲ្យអ្នកស្នេហាកីឡាប្រដាល់មានការចាប់អារម្មណ៍ ជាពិសេសគឺវត្តមានរបស់កីឡាករ រិទ្ធិ ភូលូ ធ្វើឲ្យមានការចាប់អារម្មណ៍យ៉ាងខ្លាំង ដោយសារតែគេកំពុងឡើងកូដ ។
សមាសភាពគូអន្តរជាតិនេះ ត្រូវបានគេអះអាងថាមានការសម្រាំងយ៉ាងពិសេស ដើម្បីឲ្យ អ្នកទស្សនាកាន់តែកន្ត្រាក់អារម្មណ៍ ក្នុងពេលដែលសប្ដាហ៍នេះគឺជាសប្ដាហ៍ដែលតម្រូវឲ្យអ្នក មានឈ្មោះក្នុងការប្រកួតជ្រើសរើសជើងឯកទាំង៣២រូប ប្រកួតជម្រុះគ្នាយក១៦នាក់ ដើម្បីបន្តយកអ្នកឈ្នះ៨នាក់ទៅប្រកួតយក៤នាក់នៅជុំបន្តបន្ទាប់ ។
លោក សេង កដិកា អ្នករៀបចំការប្រកួតបញ្ជាក់ថា សមាសភាពខាងកម្ពុជាសម្រាប់ការ ប្រកួតជាមួយថៃ លោកជឿជាក់ខ្លាំងលើកីឡាករ រិទ្ធិ ភូលូ ដោយសារតែគេគឺជាជើងខ្លាំង ហើយបើទោះជាមិនសូវមានបទពិសោធន៍ច្រើននៅក្នុងការប្រកួតជាលក្ខណៈអន្តរជាតិកន្លងមក ប៉ុន្តែសមត្ថភាពគេល្អ លោកពេញចិត្ត។
ម្យ៉ាង មកពីលោកចង់លើកមុខ ភូលូ ផង ទើបលោកសម្រេចដាក់ឲ្យប្រកួតជាលក្ខៈអន្តរជាតិ ឲ្យបានច្រើន ដើម្បីឲ្យកាន់តែទទួលបានការចាប់អារម្មណ៍នៅក្នុងកីឡាប្រដាល់ ។
លោក សេង កដិកា ប្រកាសថា វត្តមានរបស់កីឡាករថៃ ហ្វា និមិត្ត លោកចង់ផ្ដល់ឱកាសឲ្យ ភូលូ ដោយសារតែអ្នកទាំងពីរសុទ្ធតែជាជើងខ្លាំងដូចគ្នា ទើបលោកហ៊ានសម្រេចផ្គូផ្គង បើទោះជាអ្នកគាំទ្រភាគច្រើនថាកីឡាករកម្ពុជារូបនេះ អាចនឹងពិបាកទប់កីឡាករថៃ ព្រោះគេជាជើងថ្មីក្តី ។ លោកបានកំណត់ឲ្យ រិទ្ធិ ភូលូ ហ្វឹកហាត់ជាប់លាប់មិនតិចជាង១សប្ដាហ៍ ឡើយមុនពេលផ្គូផ្គង ទើបលោកយល់ថាកីឡាករ កម្ពុជារូបនេះ មានសមត្ថភាពគ្រប់គ្រាន់សម្រាប់ឲ្យស្ថានីយទូរទស្សន៍ប៉ុស្តិ៍លេខ៥ដាក់ឲ្យប្រកួតជាលក្ខណៈអន្តរជាតិនៅថ្ងៃសៅរ៍នោះ ។
លោកថ្លែងថា កីឡាករកម្ពុជានិងថៃ សុទ្ធតែត្រូវបានអះអាងថាមានការត្រៀមខ្លួនច្បាស់ លាស់ ដោយសារតែភាគីម្ខាងៗចង់ឈ្នះការប្រកួតរៀងៗខ្លួន និងមិនចង់បាត់បង់ក្រេឌីតក្រោយពេលប៉ះគ្នា ។ មួយគូនេះមានការចាប់អារម្មណ៍ភាគច្រើន ដោយរំពឹងថានឹងមានអ្នកស្នេហាកីឡាប្រដាល់ជក់ចិត្ត និងចង់ដឹងពីបទពិសោធន៍អ្នកទាំងពីរនៅពេលប៉ះគ្នា ៕ (កែសម្រួលដោយ ៖ បុប្ផា)
ចែករំលែកព័តមាននេះ