ប្រទេសចិន ៖ ក្រសួងការពារតៃវ៉ាន់ប្រកាសកាលពីថ្ងៃទី២៦ធ្នូថា ចិនបានបញ្ជូននាវាផ្ទុកយន្តហោះថ្មីរបស់ខ្លួន មកកាន់ច្រកសមុទ្រតៃវ៉ាន់។ បែបនេះឆ្លុះបញ្ចាំងពីការកើនឡើងនៃភាពតានតឹងជាមួយក្រុងប៉េកាំង ខណៈពេលមានការឃោសនាបោះឆ្នោតប្រធានាធិបតីនៅដែនកោះនោះ។ ចិនចាត់ទុកកោះតៃវ៉ាន់ថាជាដែនដីរបស់ខ្លួន ហើយគំរាមវាយប្រហារប្រសិនបើតៃវ៉ាន់ បោះជំហានផ្លូវការណាមួយទៅរកឯករាជ្យភាព។…
ប្រទេសចិន ៖ ក្រសួងការពារតៃវ៉ាន់ប្រកាសកាលពីថ្ងៃទី២៦ធ្នូថា ចិនបានបញ្ជូននាវាផ្ទុកយន្តហោះថ្មីរបស់ខ្លួន មកកាន់ច្រកសមុទ្រតៃវ៉ាន់។ បែបនេះឆ្លុះបញ្ចាំងពីការកើនឡើងនៃភាពតានតឹងជាមួយក្រុងប៉េកាំង ខណៈពេលមានការឃោសនាបោះឆ្នោតប្រធានាធិបតីនៅដែនកោះនោះ។
ចិនចាត់ទុកកោះតៃវ៉ាន់ថាជាដែនដីរបស់ខ្លួន ហើយគំរាមវាយប្រហារប្រសិនបើតៃវ៉ាន់ បោះជំហានផ្លូវការណាមួយទៅរកឯករាជ្យភាព។ ប្រធានាធិបតីតៃវ៉ាន់លោកស្រីTSAI ING WAN ជាអ្នកមានទំនោរទៅរកឯករាជ្យភាពនិយាយថា លោកស្រីត្រៀមការពារសន្តិសុខនិងលទ្ធិប្រជាធិបតេយ្យរបស់តៃវ៉ាន់។
នាវាផ្ទុកយន្តហោះថ្មីរបស់ចិនឈ្មោះSHANDONGជានាវាផ្ទុកយន្តហោះទី២របស់ខ្លួន បានបើកកាត់ច្រកសមុទ្រតៃវ៉ាន់ពីត្បូងទៅជើង អមការពារដោយនាវាចម្បាំងមួយកង។ នេះជាការអះអាងរបស់ក្រសួងការពារតៃវ៉ាន ក្នុងសេចក្ដីប្រកាសមួយ ដែលមិនបញ្ជាក់ពីចលនារបស់នាវាចិនទាំងនេះឡើយ។ ចំណែកវិមាប្រធានាធិបតីតៃវ៉ាន់ក្នុងសេចក្ដីប្រកាសមួយដែរគូសបញ្ជាក់ថា វាជាការទទួលខុសត្រូវនិងជាកាតព្វកិច្ចរបស់ផ្នែកទាំង២នៃច្រកសមុទ្រតៃវ៉ាន់ ដែលត្រូវថែរក្សាសន្តិភាពនិងស្ថេរភាព ហើយធ្វើការដើម្បីសុខមាលភាពរបស់ប្រជាជន។
យោងតាមប្រភពមួយរបស់តៃវ៉ាន់ថា ការល្បាតរបស់កងកម្លាំងនាវាចរណ៍ចិន គឺជាការសម្លុតបំភ័យមួយចំពោះបណ្ដាអ្នកបោះឆ្នោតតៃវ៉ាន់។ ចិនជាអ្នកគាំទ្របេក្ខជនគណបក្សប្រឆាំងតៃវ៉ាន់ គឺគណបក្សកូមីនតាំងដែលជាអ្នកគាំទ្រដល់ការពង្រឹងទំនាក់ទំនងរវាងតៃវ៉ាន់និងចិនដីគោក៕ (កែសម្រួលដោយ ៖ បុប្ផា)
ចែករំលែកព័តមាននេះ