ពេលដែលក្រុមហ៊ុន Microsoft Japan អនុវត្តវិធានថ្មីដែលអនុញ្ញាតឲ្យបុគ្គលិកធ្វើការតែ ៤ថ្ងៃក្នុងមួយសប្តាហ៍ដើម្បីរក្សាលំនឹងភាពក្នុងជីវិតកាលពីខែសីហាកន្លងមក ក្រុមហ៊ុននេះមើលឃើញប្រសិទ្ធិភាពការងារកើនឡើងជិត ៤០% ឯណោះ។ ប៉ុន្តែលោក សាត្យា…
ពេលដែលក្រុមហ៊ុន Microsoft Japan អនុវត្តវិធានថ្មីដែលអនុញ្ញាតឲ្យបុគ្គលិកធ្វើការតែ ៤ថ្ងៃក្នុងមួយសប្តាហ៍ដើម្បីរក្សាលំនឹងភាពក្នុងជីវិតកាលពីខែសីហាកន្លងមក ក្រុមហ៊ុននេះមើលឃើញប្រសិទ្ធិភាពការងារកើនឡើងជិត ៤០% ឯណោះ។
ប៉ុន្តែលោក សាត្យា ណាដេឡា (Satya Nadella) ដែលជានាយកប្រតិបត្តិរបស់ Microsoft មិនជឿលើលំនឹងភាពក្នុងជីវិតដូច្នេះទេ។ ផ្ទុយមកវិញ លោកចូលចិត្តភាពចូលគ្នារវាងការងារនិងជីវិតទៅវិញ។ លោកធ្លាប់បានចែករំលែកកាលពីខែវិច្ឆិកាកន្លងមកថា លោកធ្លាប់តែគិតថាមនុស្សត្រូវរកលំនឹងភាពរវាងការសម្រាក និងការងារ ប៉ុន្តែពេលនេះលោកផ្តោតស្មារតីលើការធ្វើឲ្យអ្វីដែលលោកស្រលាញ់ឲ្យចូលគ្នាជាមួយនឹងការងាររបស់លោកវិញ។
លោកមហាសេដ្ឋី ជេហ្វ បេសូស (Jeff Bezos) របស់ក្រុមហ៊ុន Amazon ក៏យល់ស្របនឹងគំនិតនេះដែរ។ លោកធ្លាប់បាននិយាយកាលពីឆ្នាំ ២០១៨ ថា លោកចូលចិត្តភាពចូលគ្នារវាងការងារ និងជីវិតព្រោះពាក្យថារកលំនឹងមានន័យថាលោកត្រូវតែមានមួយ និងបោះបង់មួយទៀតចោល។
លោកបានបកស្រាយថា វាប្រៀបបានជាវដ្ត មិនមែនលំនឹងទេ។ ប្រសិនបើលោកសប្បាយចិត្តនៅកន្លែងការងារ លោកក៏ក្លាយទៅជាស្វាមី និងឪពុកល្អនៅផ្ទះដែរ។ ហើយប្រសិនបើលោកសប្បាយចិត្តនៅផ្ទះ លោកក៏អាចទៅធ្វើការដោយមានកម្លាំងថាមពលពេញខ្លួនដែរ។
សម្រាប់លោក ណាដេឡា ការរកបានភាពចូលគ្នារវាងការងារនិងជីវិតបានផ្តល់សុភមង្គល និងកម្លាំងកាយនិងចិត្តដល់លោកឲ្យខិតខំធ្វើការយ៉ាងខ្លាំង។ លោកនិងភរិយាមានកូនៗបីរួប និងកូនប្រុសម្នាក់ដែលមានអាយុ ២៣ឆ្នាំដែលជាជនពិការធ្ងន់ធ្ងរ។
សម្រាប់លោក ក្រុមហ៊ុន Microsoft ប្រៀបបានជាកន្លែងមួយដែលអនុញ្ញាតឲ្យលោកធ្វើអ្វីដែលលោកស្រលាញ់ ប៉ុន្តែនៅផ្ទះ លោកបានព្យាយាមអស់ពីសមត្ថភាពក្នុងការរក្សាវត្តមានខណៈដែលចំណាយពេលវេលាជាមួយនឹងកូនៗ ៕កែសម្រួលដោយ ៖ សុឃាក់
ចែករំលែកព័តមាននេះ