ADផ្ទាំងផ្សព្វផ្សាយពាណិជ្ជកម្ម

Picture

ខេត្ត​ក្យ​ង់​សាំង​ប៊ូ​ក​ដូ​កូរ៉េ​ នឹង​បង្កើន​កិច្ច​សហប្រតិបត្តិការ ​លើ​វិស័យ​ការងារ បណ្ដុះបណ្ដាល​វិជ្ជាជីវៈ និង​ការ​គាំពារ​ពលករ​កម្ពុជា

3 ខែ មុន
  • ភ្នំពេញ

​សាធារណរដ្ឋ​កូរ៉េ​ ៖ តប​តាម​ការ​អញ្ជើញ ពី​សំណាក់​ឯកឧត្ដម Lee Cheol Woo (​លី ឆ​ល់​វូ​) អភិបាលខេត្ត​ក្យ​ង់​សាំង​ប៊ូ​ក​ដូ…

​សាធារណរដ្ឋ​កូរ៉េ​ ៖ តប​តាម​ការ​អញ្ជើញ ពី​សំណាក់​ឯកឧត្ដម Lee Cheol Woo (​លី ឆ​ល់​វូ​) អភិបាលខេត្ត​ក្យ​ង់​សាំង​ប៊ូ​ក​ដូ នៃ​សាធារណរដ្ឋ​កូរ៉េ ឯកឧត្តម ហេង សួរ រដ្ឋមន្ត្រីក្រសួង​ការងារ និង​បណ្តុះបណ្តាល​វិជ្ជាជីវៈ នៅ​ព្រឹក​ថ្ងៃ​ទី​០៦ ខែមីនា ឆ្នាំ​២០២៤ បាន​អញ្ជើញ​ជួប​ពិភាក្សា​ការងារ​ ជាមួយនឹង​ឯកឧត្តម Lee Cheol Woo ដើម្បី​ពិភាក្សា​លើ​វិស័យ​ការងារ​ រវាង​ប្រទេស​ទាំង​ពីរ និង​ការ​គាំពារ​ពលករ​កម្ពុជា ។

ក្នុង​ជំនួប​ពិភាក្សា​នោះ ឯកឧត្តម ហេង សួរ បាន​ថ្លែងអំណរគុណ​ដល់​ឯកឧត្តម​អភិបាលខេត្ត​ ចំពោះ​កិច្ច​សហប្រតិបត្តិការ​ លើ​វិស័យ​ការងារ រួម​ទាំង​ការ​ទទួលយក​ពលករ​កម្ពុជា ​តាម​ប្រព័ន្ធ​អនុញ្ញាត​មុខរបរ និង​តាម​កម្មវិធី​ពលករ​រដូវ​កាល ពិសេស​ការ​គាំពារ​ពលករ​កម្ពុជា​ដែល​កំពុង​ស្នាក់​នៅ និង​ធ្វេី​ការ​ នៅ​ក្នុង​ខេត្ត​ក្យ​ង់​សាំង​ប៊ូ​ក​ដូ ​។​ 

ទន្ទឹម​នឹង​នោះ ឯកឧត្តម​អភិបាលខេត្ត បាន​ថ្លែងអំណរគុណ​ចំពោះ​ឯកឧត្តម​រដ្ឋមន្ត្រី​ សម្រាប់​ការ​អ​ញ្ជេី​ញ​ទស្សនកិច្ច និង​ប​ង្កេី​ន​កិច្ច​សហប្រតិបត្តិការ​នា​ពេល​នេះ ដែល​ឯកឧត្តម​អភិបាលខេត្ត​សង្ឃឹមថា ​ភាគី​ទាំង​ពីរ នឹង​ទទួលលទ្ធផល​ជា​វិជ្ជមាន​យ៉ាងច្រើន ​សម្រាប់​ប្រទេស​ទាំង​ពីរ​នា​ពេល​ខាង​មុខ ​។

តាម​រយៈ​ជំនួប​ពិភាក្សា​នេះ ភាគី​ទាំង​ពីរ​នឹង​បន្ត​សហប្រតិបត្តិការ​គ្នា​កាន់តែ​ស្អិតរ​មួ​ត​បន្ថែម​ទៀត និង​ជួយ​អភិវឌ្ឍ​វិស័យ​ការងារ និង​បណ្ដុះបណ្ដាល​វិជ្ជាជីវៈ ហើយ​អាច​ពង្រីក​លើ​វិស័យ​សំខាន់​ៗ​ផ្សេង​ទៀត ជា​ពិសេស​រឹតចំណង​សាមគ្គីភាព​រវាង​ប្រទេស​ទាំង​ពីរ​ ឱ្យ​កាន់តែ​ល្អ​ប្រសើរ​បន្ថែម​ទៀត ​។

ឯកឧត្តម​អភិបាលខេត្ត នឹង​ពិនិត្យ​លទ្ធភាព​ក្នុង​ការ​ផ្តល់​ជំនួយ​ជា​សម្ភារ​: ឧបករណ៍​សម្រាប់​បំពាក់​នៅ​តាម​គ្រឹះស្ថាន​បណ្តុះបណ្តាល​វិជ្ជាជីវ​: បង្កើត​កម្មវិធី​ផ្លាស់​ប្តូរ​បទ​ពិសោធន៍ សិស្ស និស្សិត គ្រូ​បច្ចេកទេស ចែករំលែក​នូវ​បទ​ពិសោធន៍​ប្រព័ន្ធ​បច្ចេកវិទ្យា រួម​ទាំង​ផ្តល់​ជំនួយ​រថយន្ត​ពន្លត់​អគ្គិភ័យ និង​រថយន្ត​សង្គ្រោះ​បន្ទាន់ ​។

បន្ទាប់​ពី​ជំនួប​នេះ ឯកឧត្តម​រដ្ឋមន្ត្រី​ក៏​បាន​អ​ញ្ជេី​ញ​ទស្សនកិច្ច​ នៅ​សាលា​បណ្តុះបណ្តាល​ពន្លត់​អគ្គិភ័យ​ក្យ​ង់​សាំង​ប៊ូ​ក​ដូ​ផង​ដែរ​ ៕ អត្ថបទសហការ