ADផ្ទាំងផ្សព្វផ្សាយពាណិជ្ជកម្ម

Picture

ឯកឧត្តម ហេង សួរ ចូល​ថ្វាយបង្គំ​ព្រះសង្ឃ​ខ្មែរ​ នៅ​សាធារណរដ្ឋ​កូរ៉េ

2 ខែ មុន
  • ភ្នំពេញ

សាធារណរដ្ឋ​កូរ៉េ​ ៖ ក្នុងអំឡុងពេល​បំពេញ​ទស្សនកិច្ច​នៅ​សាធារណរដ្ឋ​កូរ៉េ​ឯកឧត្តម ហេង សួរ រដ្ឋមន្ត្រីក្រសួង​ការងារ និង​បណ្តុះបណ្តាល​វិជ្ជាជីវៈ បាន​ឆ្លៀត​ពេលវេលា​ពី​ជំនួប​ជាមួយ​ភាគី​កូរ៉េ បាន​ចូល​ថ្វាយបង្គំ ព្រះ​បញ្ញា​ស​ត្ថា​ចា​រ្យ…

សាធារណរដ្ឋ​កូរ៉េ​ ៖ ក្នុងអំឡុងពេល​បំពេញ​ទស្សនកិច្ច​នៅ​សាធារណរដ្ឋ​កូរ៉េ​ឯកឧត្តម ហេង សួរ រដ្ឋមន្ត្រីក្រសួង​ការងារ និង​បណ្តុះបណ្តាល​វិជ្ជាជីវៈ បាន​ឆ្លៀត​ពេលវេលា​ពី​ជំនួប​ជាមួយ​ភាគី​កូរ៉េ បាន​ចូល​ថ្វាយបង្គំ ព្រះ​បញ្ញា​ស​ត្ថា​ចា​រ្យ ពៅ សុ​ភ័ក្ត្រ ព្រះ​រាជាគណៈ​ថ្នាក់​កិត្តិយស គង់នៅ​មជ្ឈមណ្ឌល​ព្រះពុទ្ធ​សាសនា​វត្ត​ខ្មែរ​-​គូ​មី និង​ព្រះ​ភិក្ខុ រិ​ន សារ៉ូ ជយរ​ក្ខិ​តោ គង់នៅ​មជ្ឈមណ្ឌល​ព្រះពុទ្ធ​សាសនា​ខ្មែរ ព្រមទាំង​បាន​ប្រគេន​បច្ច័យ​សម្រាប់​កសាង​វត្ត​ ។

ក្នុង​ឱកាស​នោះ ឯកឧត្តម បាន​កោតសរសើរ និង​ថ្លែង​អំណរ​ព្រះ​គុណ​ប្រគេន​ដល់​ព្រះ​ថេរៈ​ទាំង​២​អង្គ ដែល​តែងតែមាន​ចិត្ត​អាណិត​ស្រឡាញ់ និង​ជួយ​សម្របសម្រួល​ដល់​ពលករ​កម្ពុជា ជា​ហេតុ​ធ្វើ​ឱ្យ​ប្រជាពលរដ្ឋ​ខ្មែរ​នៅ​សាធារណរដ្ឋ​កូរ៉េ ចាត់​ទុក​មជ្ឈមណ្ឌល​ព្រះពុទ្ធ​សាសនា​ទាំង​ពីរ មិន​ត្រឹមតែ​ជា​វត្ត​ខ្មែរ​សម្រាប់​ប្រតិបត្តិ​ធម៌ និង​ប្រពៃណី​ខ្មែរ​នោះ​ទេ តែ​ក៏​ជា​កន្លែង​ជួយ​សម្រួល​ឱ្យ​ពលករ​ ដែល​ប្តូរ​ការងារ​ស្នាក់​អាស្រ័យ​បណ្តោះអាសន្ន​ផង​ដែរ​ ។

ជាមួយ​គ្នា​នេះ ព្រះ​តេជគុណ​ទាំង​ពីរ​អង្គ ក៏​មាន​ថេរៈដីកា​ថ្លែងអំណរគុណ​ដល់ ឯកឧត្តម ដែល​កន្លង​មក​តែងតែ​គាំទ្រ និង​ជួយ​កៀរគរ​បច្ច័យ ដើម្បី​ឱ្យ​គម្រោង​នេះ​ក្លាយជា​ការ​ពិត​។

បន្ទាប់​ពី​ថ្វាយបង្គំ​ព្រះ​តេជគុណ​រួច ឯកឧត្តម ហេង សួរ ក៏​បាន​ជួប​សួរសុខទុក្ខ​ពលករ​កំពុង​ស្នាក់​នៅ​ក្នុង​មជ្ឈមណ្ឌល​ព្រះពុទ្ធ​សាសនា​ទាំង​ពីរ និង​ណែនាំ​ឱ្យ​ពលករ​ថែរក្សា​សុខភាព ខិត​ខំរៀន​បច្ចេកទេស និង​ជំនាញ​ពី​កន្លែង​ការងារ និង​ត្រូវ​ចេះ​សន្សំ​ថវិកា​ទុក​ជូន​គ្រួសារ និង​ខ្លួនឯង​ប្រើប្រាស់​នៅ​ពេល​អនាគត​ ៕ អត្ថបទសហការ