លោកមហាសេដ្ឋី វ៉ារេន បាហ្វេត (Warren Buffett) ដែលជាអគ្គនាយក និងនាយកប្រតិបត្តិរបស់ក្រុមហ៊ុន Bershire Hathaway បានកសាងទ្រព្យសម្បត្តិរបស់លោកដោយយោងទៅតាមយុទ្ធសាស្ត្រ…
លោកមហាសេដ្ឋី វ៉ារេន បាហ្វេត (Warren Buffett) ដែលជាអគ្គនាយក និងនាយកប្រតិបត្តិរបស់ក្រុមហ៊ុន Bershire Hathaway បានកសាងទ្រព្យសម្បត្តិរបស់លោកដោយយោងទៅតាមយុទ្ធសាស្ត្រ និងការសម្រេចចិត្តដោយប្រុងប្រយ័ត្នលើការចាយវាយ និងវិនិយោគលុយរបស់លោក ។
ជាលទ្ធផល វាក៏បានធ្វើឲ្យលោកគិតគូរច្បាស់លាស់លើការទិញកាដូឲ្យទៅក្រុមគ្រួសារខណៈពេលបុណ្យណូអែលដែរ ។ យោងទៅតាមអតីតកូនប្រសាស្រីរបស់លោក បាហ្វេត បានឲ្យដឹងថា លោក បាហ្វេត បានប្តូរពីឲ្យលុយ ១ម៉ឺនដុល្លារឲ្យទៅសមាជិកគ្រួសារម្នាក់ៗទៅជាភាគហ៊ុនតម្លៃ ១ម៉ឺនដុល្លារវិញ ។
អ្នកស្រី ម៉ារី បានបន្តថា មានពេលមួយលោកបានផ្ញើសំបុត្រមួយដែលក្នុងនោះមានភាគហ៊ុនតម្លៃ ១ម៉ឺនដុល្លាររបស់ក្រុមហ៊ុនមួយដែលលើកទើបតែទិញ វាគឺជាមូលនិធិមួយរបស់ Coca-Cola ។ អ្នកស្រីបានបន្ថែមថា លោក បាហ្វេត បាននិយាយក្នុងសំបុត្រខាងលើថាពួកគេអាចយកភាគហ៊ុនទាំងនោះយកទៅលក់យកលុយមកវិញ ឬទុកវា ប៉ុន្តែអ្នកស្រីម៉ារីបានទុកវាដោយគិតថា ភាគហ៊ុនទាំងនោះមានតម្លៃច្រើនជាង ១ម៉ឺនដុល្លារ ។
ជាលទ្ធផល ភាគហ៊ុនទាំងនោះបន្តឡើងថ្លៃ ។ បន្ទាប់ពីនោះមក ជារៀងរាល់ឆ្នាំដែលលោកបាហ្វេតឲ្យភាគហ៊ុនទៅអ្នកស្រី អ្នកស្រីតែងតែយកលុយខ្លួនឯងទៅទិញវាបន្ថែមព្រោះអ្នកស្រីដឹងថាវានឹងបន្តឡើងថ្លៃជាក់ជាមិនខាន ។
ទម្លាប់ក្នុងការឲ្យភាគហ៊ុនជាកាដូនេះមិនត្រឹមតែជាទម្លាប់របស់លោក បាហ្វេត ទេ តែលោក ខានយ៉េ វេស (Kanye West) ក៏បានឲ្យភាគហ៊ុនតម្លៃប្រមាណ ១០ម៉ឺនដុល្លារឲ្យទៅអ្នកស្រី ឃីម ខាដាសៀន (Kim Kardashian) ដែលជាភរិយានៅឆ្នាំ ២០១៧ដែរ ។ ក្រៅពីភាគហ៊ុនហើយ លោកបាហ្វេតក៏ឲ្យស្ករគ្រាប់និងស្ករសូកូឡាឲ្យទៅមិត្តភក្តិ និងបងប្អូនដែរ តែលោកបាហ្វេតមិនចង់បានអ្វីជាកាដូជូនលោកវិញទេ ៕កែសម្រួលដោយ ៖ សុឃាក់
ចែករំលែកព័តមាននេះ