រាជធានីភ្នំពេញ ៖ ក្រុមអត្តពលិកកីឡាវ៉ូវីណាមកម្ពុជាដណ្ដើមបានមេដាយសរុបចំនួន៣១គ្រឿងពីការប្រកួតជើងឯកវ៉ូវីណាមពិភពលោកលើកទី៦ “The 6th WVVF World Vovinam Cham pionships…
រាជធានីភ្នំពេញ ៖ ក្រុមអត្តពលិកកីឡាវ៉ូវីណាមកម្ពុជាដណ្ដើមបានមេដាយសរុបចំនួន៣១គ្រឿងពីការប្រកួតជើងឯកវ៉ូវីណាមពិភពលោកលើកទី៦ “The 6th WVVF World Vovinam Cham pionships 2019”នៅកម្ពុជា ដោយជាប់ចំណាត់ថ្នាក់លេខ២ ខណៈប្រទេសវៀតណាមជាប់ចំណាត់ថ្នាក់លេខ១។
លោក អ៊ូ រតនា អគ្គលេខាធិការសហព័ន្ធកីឡាវ៉ូវីណាមកម្ពុជា បានមានប្រសាសន៍ថា ប្រទេសវៀតណាមជាប់ចំណាត់ថ្នាក់លេខ១ ដោយដណ្តើមបានមេដាយសរុបចំនួន២៧គ្រឿង ក្នុងនោះមេដាយមាស១៧គ្រឿង មេដាយប្រាក់៩គ្រឿង និងមេដាយសំរឹទ្ធ១គ្រឿង។
ប្រទេសកម្ពុជាជាប់ចំណាត់ថ្នាក់លេខ២ ដោយដណ្តើមបានមេដាយសរុប៣១គ្រឿងក្នុងនោះមេដាយមាស៩គ្រឿង មេដាយប្រាក់១០គ្រឿង និងមេដាយសំរឹទ្ធ១២គ្រឿង។
ប្រទេសអាល់ហ្សេរីជាប់ចំណាត់ថ្នាក់លេខ៣ ដោយដណ្តើមបានមេដាយសរុប២៤គ្រឿងរួមមានមេដាយមាស៩គ្រឿង មេដាយប្រាក់៨គ្រឿង និងមេដាយសំរឹទ្ធ៧គ្រឿង ។ ប្រទេសថៃជាប់ចំណាត់ថ្នាក់លេខ៤ ដោយដណ្តើមបានមេដាយសរុប៧គ្រឿងរួមមានមេដាយមាស ៣គ្រឿង មេដាយប្រាក់១គ្រឿង និងមេដាយសំរឹទ្ធ៣គ្រឿង។
គួររំលឹកផងដែរថា ការប្រកួតជើងឯកវ៉ូវីណាមពិភពលោកលើកទី៦ នៅកម្ពុជា បានចាប់ផ្តើមធ្វើពីថ្ងៃទី១៨ ដល់២២ ខែធ្នូ ឆ្នាំ២០១៩ នៅវិមានពហុកីឡដ្ឋានជាតិអូឡាំពិក ដោយមានអត្តពលិកចំនួន២១៧នាក់មកពី២៤ប្រទេសចូលរួមរួមមានអាហ្វហ្គានីស្ថាន អាល់ហ្សេរី បង់ក្លាដែស កម្ពុជា អេហ្ស៊ីប បារាំង ជប៉ុន ឥណ្ឌា ឥណ្ឌូណេស៊ី អ៊ីរ៉ង់ អ៊ីរ៉ាក់ Ivory Coast ឡាវ លីប៊ី មីយ៉ាន់ម៉ា នេប៉ាល់ ប៉ាគីស្ថាន ហ្វីលីពីន រ៉ូម៉ានី រុស្ស៊ី សិង្ហបុរី តៃវ៉ាន់ ថៃ និងវៀតណាម ៕ (កែសម្រួលដោយ ៖ បុប្ផា)
ចែករំលែកព័តមាននេះ