Ronaldo ក្លាយជាវីរបុរសសង្គ្រោះ Juventus ម្តងទៀត
តាមប្រភពព័ត៌មាន Soccer Laduma បានឱ្យដឹងថា Cristiano Ronaldo បានបន្តទម្រង់លេងដ៏ល្អរបស់ខ្លួន ខណៈដែលក្រុម Juventus បានដណ្តើមបានចំណាត់ថ្នាក់កំពូលក្នុងក្របខ័ណ្ឌ…
តាមប្រភពព័ត៌មាន Soccer Laduma បានឱ្យដឹងថា Cristiano Ronaldo បានបន្តទម្រង់លេងដ៏ល្អរបស់ខ្លួន ខណៈដែលក្រុម Juventus បានដណ្តើមបានចំណាត់ថ្នាក់កំពូលក្នុងក្របខ័ណ្ឌ…
តាមប្រភពព័ត៌មាន Soccer Laduma បានឱ្យដឹងថា Cristiano Ronaldo បានបន្តទម្រង់លេងដ៏ល្អរបស់ខ្លួន ខណៈដែលក្រុម Juventus បានដណ្តើមបានចំណាត់ថ្នាក់កំពូលក្នុងក្របខ័ណ្ឌ Serie A ជាមួយនឹងជ័យជម្នះ ២-១ ពេលប្រកួតជាមួយនឹង Sampdoria កាលពីយប់ថ្ងៃពុធ។
អ្នកចាត់ការទូទៅរបស់ក្លិបសេះបង្កង់ លោក Maurizio Sarri មានឥទ្ធិពលយ៉ាងខ្លាំងក្រោយពី Miralem Pjanic និង Alex Sandro បានវិលត្រឡប់មកលេងវិញ បូកផ្សំជាមួយនឹងខ្លាកំណាចនៅផ្នែកខាងមុខ ដែលមានដូចជា Ronaldo, Paulo Dybala និង Gonzalo Higuain។
ក្លិប Sampdoria បានឡើងការពារយ៉ាងស្វាហាប់នៅពេលប្រកួតទើបតែចាប់ផ្តើម ហើយពួកគេពិតជាមិនសូវសំណាងល្អទេ ដោយសារតែមិនបានដឹកមុខមួយគ្រាប់ដំបូង បើទោះបីជាមានការប្រឹងប្រែងពី Gaston Ramirez នៅនាទីទី១៨ ក៏ដោយ។
គ្រាន់តែដល់នាទីទី១៩ ភ្លាម គេឃើញការស៊ុតប្រើជើងឆ្វេងរបស់ Dybala កីឡាករក្លិបសេះបង្កង់ ដាក់ចំផ្នែកខាងក្រោមជ្រុងនៃសំណាញ់ទី ដែលធ្វើឱ្យ Juventus បានដឹកមុខមួយគ្រាប់។ នៅនាទីទី៣៥ ខាង Sampdoria ក៏ដេញតាមបានមួយគ្រាប់វិញ ដោយកីឡាករ Gianluca Caprari ដាក់មួយជើងវាយលុកផ្នែកខាងក្រោមនៃសំណាញ់ទី ធ្វើឱ្យផុតដៃស្អិតរបស់អ្នកចាំទី Gianluigi Buffon។
ដល់នាទីទី៤៥ ជើងខ្លាំង Cristiano Ronaldo បានប្រើប្រាស់ស្នៀតហោះទៅលើមេឃ ស៊ុតបញ្ចូលទីដោយប្រើក្បាល ដែលបានធ្វើឱ្យ Juventus ឡើងមួយគ្រាប់ទៀត។ ក្រោយមក ខាង Juventus បុកសម្រុកយ៉ាងខ្លាំង ព្រោះចង់បានគ្រាប់ទីបី ដើម្បីឈ្នះដោយស្ងប់ចិត្ត។ តែគេមិនបានសម្រេចដោយសារតែមានដៃពីងពាងរបស់ Emil Audero អ្នកចាំទីរបស់ Sampdoria។
ក្តីសង្ឃឹមរបស់ក្រុម Sampdoria នឹងរកបានគ្រាប់បាល់តាមស្មើវិញ ត្រូវបានរលាយបាត់ នៅពេលដែល Caprari ត្រូវបានបណ្តេញចេញបន្ទាប់ពីទទួលបានកាតលឿងជាលើកទី ២ ខណៈដែលក្រុមសេះបង្កង់ Juventus បានឈ្នះការប្រកួត ដែលធ្វើឱ្យគេឈរនៅលើកំពូលតារាង ដោយរកបាន៤២ពិន្ទុ៕
ចែករំលែកព័តមាននេះ