ADផ្ទាំងផ្សព្វផ្សាយពាណិជ្ជកម្ម

Picture

សេដ្ឋី និង​មហាសេដ្ឋី​មាន​ទស្សនៈ​ខុស​គ្នា​ទេ​ទាក់ទង​នឹង​លុយ?

4 ឆ្នាំ មុន

ប្រាកដ​ណាស់ សេដ្ឋកិច្ច និង​មហាសេដ្ឋី​មានទ្រព្យ​សម្បត្តិ​ច្រើន​ជាង​មនុស្ស​ទូទៅ ប៉ុន្តែ​វា​មិន​មាន​ន័យ​ថា​ពួក​គេ​មាន​ទស្សនៈ​ដូច​គ្នា​ទាំងស្រុង​ទេ ។ ហើយ​ភាព​ខុស​គ្នា​ធំ​ជាងគេ គឺ​នៅ​ពេល​ដែល​ពួក​គេ​ឆ្លើយ​នឹង​សំណួរ​ថា «​តើ​អ្នក​ចូល​ចិត្ត​អ្វី​ជាងគេ? ការ​រក​លុយ ឬ​ការ​ចាយ​លុយ?​»…

ប្រាកដ​ណាស់ សេដ្ឋកិច្ច និង​មហាសេដ្ឋី​មានទ្រព្យ​សម្បត្តិ​ច្រើន​ជាង​មនុស្ស​ទូទៅ ប៉ុន្តែ​វា​មិន​មាន​ន័យ​ថា​ពួក​គេ​មាន​ទស្សនៈ​ដូច​គ្នា​ទាំងស្រុង​ទេ ។ ហើយ​ភាព​ខុស​គ្នា​ធំ​ជាងគេ គឺ​នៅ​ពេល​ដែល​ពួក​គេ​ឆ្លើយ​នឹង​សំណួរ​ថា «​តើ​អ្នក​ចូល​ចិត្ត​អ្វី​ជាងគេ? ការ​រក​លុយ ឬ​ការ​ចាយ​លុយ?​»

លោក រ៉ា​ហ្វា​អែ​ល បា​ដ​ហ្សា​ក់ (Rafael Badziag) ដែល​ជា​សហគ្រិន និង​អ្នកជំនាញ​ផ្នែក​ចិត្តសាស្ត្រ​ផ្នែក​សហគ្រិនភាព​មួយ​រួប​បាន​ចំណាយ​រយៈពេល ៥​ឆ្នាំ​ក្នុង​ការ​សម្ភាសន៍​មហាសេដ្ឋី​ចំនួន ២១​រូប​ជុំវិញ​ពិភពលោក​ដែល​មានទ្រព្យ​សម្បត្តិ​យ៉ាងតិច ១​ប៊ី​លាន​ដុល្លារ ព្រមទាំង​ស្រាវជ្រាវ​ពី​ជីវិត និង​ក្រុមហ៊ុន​របស់​ពួក​គេ ។

លោក​បាន​សរសេរ​ក្នុង​សៀវភៅ The Billion Dollar Secret: 20 Principles of Billionaire Wealth and Success ថា «​ភាព​ខុស​គ្នា​រវាង​មនុស្ស​ដែល​ជោគជ័យ​ផ្នែក​លុយ (​ដូច​ជា​សេដ្ឋី​) និង​អ្នក​ដែល​ជោគជ័យ​ខ្លាំង​ក្នុង​ផ្នែក​លុយ (​ឬ​មហាសេដ្ឋី​) គឺ​ការ​ដែល​មហាសេដ្ឋី​ទទួល​បាន​សេចក្តី​សប្បាយ​រីករាយ​ក្នុង​ការ​រក​លុយ ប៉ុន្តែ​មិន​ចូល​ចិត្តការ​ចាយ​លុយ​ទេ​» ។

លោក ម៉ៃ​ខ​ល សូ​ឡូ​វ៉ា​វ (Michal Solowow) ដែល​ជា​បុរស​មានទ្រព្យ​សម្បត្តិ​ច្រើន​ជាងគេ​ក្នុង​ប្រទេស​ប៉ូ​ឡូញ និង​លោក លី​រី​អូ ប៉ា​រី​សូ​តូ (Lirio Parisotto) ដែល​ជា​បុរស​មានទ្រព្យ​សម្បត្តិ​ច្រើន​ជាងគេ​នៅ​អា​មេ​រិ​ក​ខាងត្បូង​បាន​លើក​ឡើង​ថា​ទម្លាប់​របស់​ពួក​គេ​ជា​កត្តា​ដែល​ជួយ​ឲ្យ​ពួក​គេ​ជោគជ័យ ។ ហើយ​ទម្លាប់​នោះ​គឺ​ការ​ចាយវាយ​តិច​ជាង​លុយ​ដែល​រកបាន ។ ការ​សន្សំ និង​វិនិយោគ​លុយ​ច្រើន​ជាង​ការ​ចាយវាយ​ជួយ​រក​លុយ​បន្ថែម​ឲ្យ​អ្នក​ដូច​ជា​ការ​ប្រាក់ ឬ​លុយ​ចំណេញ​ជាដើម ។ ទម្លាប់​នេះ​តម្រូវ​ឲ្យ​មនុស្ស​ប្តេជ្ញា​ក្នុង​ការ​សន្សំ​លុយ​ចាយវាយ​តិច និង​ជៀសវាង​ការ​ចាយវាយ​លើស​ការ​កំណត់​របស់​ខ្លួន ហើយ​វា​ជា​ទម្លាប់​ដែល​មហាសេដ្ឋី​ភាគច្រើន​មាន ។

អ្នកស្រី សា​រ៉ា ស្តា​ន់​លី (Sarah Stanley) ដែល​ជា​ប្រធាន​ផ្នែក​ស្រាវជ្រាវ​មក​ពី Affluent Market Institute និង​ជា​អ្នកនិពន្ធ​សៀវភៅ The Next Millionaire Next Door: Enduring Strategies for Building Wealth បាន​ឲ្យ​ដឹង​ដែរ​ថា ការ​ចាយវាយ​លើស​ពី​ចំណូល និង​ធ្វើ​ឲ្យ​មនុស្ស​ក្លាយជា​ទាសករ​នៃ​ប្រាក់ខែ​របស់​ខ្លួន​មិន​ថា​អ្នកមាន​ចំណូល​ប៉ុន្មាន​ទេ ៕ កែសម្រួល​ដោយ ៖ សុ​ឃា​ក់

អត្ថបទសរសេរ ដោយ

កែសម្រួលដោយ