រាជធានីភ្នំពេញ ៖ សហព័ន្ធខ្មែរកីឡាហែល ទឹក នឹងរៀបចំឱ្យមានព្រឹត្តិការណ៍ប្រកួតជើងឯកថ្នាក់ជាតិ«ពានរង្វាន់តេជោសែន»លើកទី៥ ដែលនឹងប្រព្រឹត្តទៅចាប់ពីថ្ងៃទី២០ដល់ទី២៣ ខែធ្នូនៅមជ្ឈមណ្ឌលតេជោសែន ខេត្តកំពង់ចាម ។ ការប្រកួតនេះចែកចេញជា២វិញ្ញាសាគឺ…
រាជធានីភ្នំពេញ ៖ សហព័ន្ធខ្មែរកីឡាហែល ទឹក នឹងរៀបចំឱ្យមានព្រឹត្តិការណ៍ប្រកួតជើងឯកថ្នាក់ជាតិ«ពានរង្វាន់តេជោសែន»លើកទី៥ ដែលនឹងប្រព្រឹត្តទៅចាប់ពីថ្ងៃទី២០ដល់ទី២៣ ខែធ្នូនៅមជ្ឈមណ្ឌលតេជោសែន ខេត្តកំពង់ចាម ។
ការប្រកួតនេះចែកចេញជា២វិញ្ញាសាគឺ ប្រកួតហែលទឹកធម្មតា និងកីឡាបាល់ក្នុងទឹក (Water Polo) ។ នេះបើតាមការឱ្យដឹងពីលោក ហែម គីរី អគ្គលេខាធិការសហព័ន្ធខ្មែរកីឡាហែលទឹក ។
លោក ហែម គីរី បានឱ្យដឹងទៀតថា វិញ្ញា សាកីឡាហែលទឹកធម្មតា ផ្នែកបុរសត្រូវមានអាយុចាប់ពី១២ឆ្នាំឡើងទៅ ឯផ្នែកនារីត្រូវមានអាយុចាប់ពី១០ឆ្នាំឡើងទៅ ហើយផ្នែកជនពិការ ត្រូវបានកណត់កីឡាករដែលពិការប្រភេទ S3-S10 ។ ចំណែកការប្រកួតកីឡាបាល់ក្នុងទឹកវិញ មានចំនួន២ក្រុមចូលរួម គឺក្រុមរាជធានីភ្នំពេញ និងក្រុមខេត្តកំពង់ចាម
កីឡាបាល់ក្នុងទឹក ជាប្រភេទកីឡាអូឡាំ ពិកដែលគេលេងក្នុងអាងទឹក មានជម្រៅជាង២ម៉ែត្រ ដោយក្រុមនីមួយៗមានគ្នាជាង១០នាក់ ប៉ុន្តែកីឡាករដែលលេងនៅលើទីលានមាន គ្នាតែ៧នាក់ប៉ុណ្ណោះ និងកីឡាករបម្រុងមាន៣នាក់ ។ សម្រាប់ការប្រកួតចែកចេញជា៤វគ្គ ដោយ១វគ្គៗមានរយៈពេល៨នាទី បើក្រុមណាបោះបាល់ចូលទីបានច្រើនជាងគេក្រុមនោះជាអ្នកឈ្នះ ចំណែកកីឡាករអាចដូរចូលបានដោយសេរី ។
គួរបញ្ជាក់ថា សម្រាប់ប្រភេទកីឡាបាល់ក្នុងទឹក(Water Polo) ជាសមិទ្ធផលថ្មីមួយរបស់សហព័ន្ធកីឡាខ្មែរកីឡាហែលទឹក ដែលខិតខំបង្កើតឱ្យមានឡើង ប៉ុន្តែកីឡាប្រភេទនេះ នៅលើពិភពលោកគេមានយូមកហើយ ៕ (កែសម្រួលដោយ ៖ បុប្ផា)
ចែករំលែកព័តមាននេះ