ការងារដែលសេដ្ឋីៗភាគច្រើនធ្វើមុនពេលពួកគេក្លាយជាអ្នកមាន
យោងទៅតាមអ្នកនិពន្ធសៀវភៅ The Wealth Elite ដែលបានសម្ភាសសេដ្ឋីដែលមានទ្រព្យសម្បត្តិពី ១០លាន ដល់ប្រមាណ ៣ ប៊ីលានដុល្លារ បានឲ្យដឹងថា…
យោងទៅតាមអ្នកនិពន្ធសៀវភៅ The Wealth Elite ដែលបានសម្ភាសសេដ្ឋីដែលមានទ្រព្យសម្បត្តិពី ១០លាន ដល់ប្រមាណ ៣ ប៊ីលានដុល្លារ បានឲ្យដឹងថា…
យោងទៅតាមអ្នកនិពន្ធសៀវភៅ The Wealth Elite ដែលបានសម្ភាសសេដ្ឋីដែលមានទ្រព្យសម្បត្តិពី ១០លាន ដល់ប្រមាណ ៣ ប៊ីលានដុល្លារ បានឲ្យដឹងថា ២ ភាគ ៣ នៃសេដ្ឋីដែលជោគជ័យបានអះអាងថាជំនាញផ្នែកលក់របស់ពួកគេជាកត្តាសំខាន់ដែលជួយឲ្យខ្លួនមានថ្ងៃនេះ ។
មិនថាជាការលក់គ្រឿងអលង្ការ គ្រឿងសម្អាង ឬគ្រឿងបន្លាស់រថយន្តទេ ជំនាញលក់ដើរតួយ៉ាងសំខាន់ក្នុងការជួយឲ្យពួកគេជោគជ័យក្នុងការកសាងទ្រព្យសម្បត្តិ ។
តារា និងនាយកប្រតិបត្តិដែលមានទ្រព្យសម្បត្តិស្តុកស្តម្ភដទៃក៏អះអាងដូចគ្នាដែរ ។ ដូចជាលោក ខានយេ វេស (Kanye West) ធ្លាប់ធ្វើជាអ្នកលក់នៅក្រុមហ៊ុន Gap លោក ចននី ឌេប (Johnny Depp) និងអ្នកស្រី ជេនីហ្វើ អានីស្តុន (Jennifer Aniston) ធ្លាប់ជាអ្នកលក់តាមទូរស័ព្ទ និងលោក រីដ ហាស្ទីង (Reed Hastings) ដែលជានាយកប្រតិបត្តិក្រុមហ៊ុន Netflix ធ្លាប់ជាអ្នកលក់ម៉ាស៊ីនបូមធូលីដែលដើរលក់ពីផ្ទះមួយទៅផ្ទះមួយជាដើម ។
យោងទៅតាមការសិក្សាមួយផ្សេងទៀតបានឲ្យដឹងថា ការងារជាអ្នកគ្រប់គ្រងផ្នែកលក់ គឺជាការងារដំបូងដែលនាយកប្រតិបត្តិភាគច្រើនមាន ។ ហើយអ្នកជំនាញបានប្រាប់មកថា ជំនាញនេះគឺពិតជាសំខាន់ណាស់ ដោយគ្រប់អាជីវកម្មត្រូវការវាជានិច្ច ។ ទោះជាអ្នកមិនមានគម្រោងបើកអាជីវកម្មដោយខ្លួនឯងពិតមែនក្តី ជំនាញផ្នែកលក់នៅតែមានអត្ថប្រយោជន៍ព្រោះអ្នកត្រូវតែចេះបង្ហាញពីតម្លៃរបស់ខ្លួនឲ្យអ្នកដទៃមើលឃើញ ។ ការធ្វើដូច្នេះនឹងជួយឲ្យអ្នកទទួលបានអតិថិជន ងាយក្នុងការចរចាប្រាក់ខែ និងទទួលបានការឡើងតំណែងជាដើម ។
ដូច្នេះបើអ្នកចង់ទទួលបានបទពិសោធន៍បន្ថែមក្នុងផ្នែកនេះ អ្នកគួរតែរកឱកាសការងារតាមក្រុមហ៊ុនដែលកំពុងរកបុគ្គលិក ។ បើអ្នកមិនមានពេលវេលាគ្រប់គ្រាន់ក្នុងការធ្វើការពេញម៉ោងទេ អ្នកក៏អាចធ្វើជាអ្នកលក់ក្រៅម៉ោងតាមហាង ឬហាងកាហ្វេនានាដែរ ។
ក្រៅពីនេះហើយ អ្នកក៏អាចរៀនជំនាញនេះតាមស្ថាប័នអប់រំផ្សេងៗទៀតផង ហើយប្រាកដណាស់ បើអ្នកគិតថាអ្នកជាមនុស្សមិនពូកែលក់ ឬពូកែនិយាយនោះ អ្នកមិនគួរគិតច្រើនឡើយព្រោះនរណាៗក៏ដូចគ្នាដែរពេលដែលពួកគេធ្វើអ្វីជាលើកដំបូង ៕
ចែករំលែកព័តមាននេះ