គ្រូ Man Utd ថា Rashford អាចជា Ronaldo ថ្មី
តាមប្រភពព័ត៌មាន The Guardian បានឱ្យដឹងថា គ្រូបង្វឹកក្លិបបិសាចក្រហម Manchester United លោក Ole Gunnar…
តាមប្រភពព័ត៌មាន The Guardian បានឱ្យដឹងថា គ្រូបង្វឹកក្លិបបិសាចក្រហម Manchester United លោក Ole Gunnar…
តាមប្រភពព័ត៌មាន The Guardian បានឱ្យដឹងថា គ្រូបង្វឹកក្លិបបិសាចក្រហម Manchester United លោក Ole Gunnar Solskjær បានប្រៀបធៀប Marcus Rashford ទៅជាមួយនឹង Cristiano Ronaldo ដោយលើកឡើងថា ខ្សែប្រយុទ្ធអង់គ្លេសរូបនេះមានសមត្ថភាពដូចទៅនឹង Ronaldo កាលពីនៅ Manchester United ។
ការស៊ុតប៉េណាល់ទីរបស់ Rashford ធ្វើឱ្យឈ្នះក្លិបមេឃខៀវ Manchester City កាលពីថ្ងៃសៅរ៍ ជាមួយការរកគ្រាប់បាល់បាន១៦គ្រាប់សម្រាប់ក្លិប និងក្រុមជម្រើសជាតិ កីឡាករអាយុ២២ឆ្នាំរូបនេះ កំពុងរីករាយនឹងយុទ្ធនាការដ៏លេចធ្លោបំផុតរបស់គាត់ចាប់តាំងពីបានបំបែកខ្លួនទៅក្រុមដំបូងរបស់ United ក្រោមការដឹកនាំរបស់លោក Louis van Gaal ក្នុងឆ្នាំ២០១៦ ។
នៅពេលសួរអំពីការទាត់បាល់បានយ៉ាងល្អនៅក្នុងការប្រកួតជាមួយនឹង Tottenham និង City លោក Solskjaer បាននឹកឃើញដល់ ជើងខ្លាំងរបស់ Juventus និង ក្រុមជម្រើសជាតិព័រទុយហ្កាល់ Cristiano Ronaldo ដែលរកបានគ្រាប់បាល់ ១១៨គ្រាប់ ក្នុងការប្រកួត២៩២ សម្រាប់ Manchester United នៅចន្លោះឆ្នាំ ២០០៣ និង ២០០៩។
លោក Solskjaer បានលើកឡើងថា៖«វាងាយស្រួលណាស់បើប្រៀបធៀបពួកគេទាំងពីរ។ ពួកគេមានជំនាញ រាងកាយ អាកប្បកិរិយា គុណលក្ខណៈ និង គ្រប់យ៉ាងស្រដៀងគ្នា។ Rashford មានឱកាសអាចក្លាយទៅជាកីឡាករកំពូលលើលោក។ សង្ឃឹមថា គេនៅតែល្អដូចពេលនេះចុះ» ៕
ចែករំលែកព័តមាននេះ