លូកដៃហើយ Liverpool កំពុងតាមប្រមាញ់ខ្សែប្រយុទ្ធឆ្នើម២រូបរបស់ PSG
តាមប្រភពព័ត៌មាន The Guardian បានឱ្យដឹងថា Liverpool បានចាត់ទុក Mbappe និង Neymar ជាជម្រើសមុនគេសម្រាប់ការទិញយកនៅពេលខាងមុខនេះ…
តាមប្រភពព័ត៌មាន The Guardian បានឱ្យដឹងថា Liverpool បានចាត់ទុក Mbappe និង Neymar ជាជម្រើសមុនគេសម្រាប់ការទិញយកនៅពេលខាងមុខនេះ…
តាមប្រភពព័ត៌មាន The Guardian បានឱ្យដឹងថា Liverpool បានចាត់ទុក Mbappe និង Neymar ជាជម្រើសមុនគេសម្រាប់ការទិញយកនៅពេលខាងមុខនេះ ។ មិនមែនជាការភ្ញាក់ផ្អើលទេចំពោះអ្នកអានសារព័ត៌មាន The Mill ដែលថា Neymar ហាក់ដូចជាធុញទ្រាន់នឹងជីវិតនៅប៉ារីស។ ក្រុម Barcelona និង Real Madrid បានឈប់ដេញតាមប្រមាញ់ Neymar យូរណាស់មកហើយ ។
សារព័ត៌មាន Marca បានរាយការណ៍ថា Mbappé មិនចាប់អារម្មណ៍ក្នុងការបន្តកិច្ចសន្យារបស់គាត់ជាមួយនឹង PSG ទៀតទេ ដែលផុតកំណត់នៅឆ្នាំ ២០២២ ដូច្នេះប្រសិនបើក្លិបអ្នកមានបារាំងដាច់លុយ គេអាចយក Mbappe ទៅលក់បានមុនពេលដាច់កុងត្រា ។
ក្លិប Chelsea និង Manchester City ក៏ត្រូវបានគេនិយាយផងដែរថា កំពុងតាមដានយ៉ាងយកចិត្តទុកដាក់លើស្ថានភាពរបស់ Neymar តែសម្រាប់ City គេចង់បានខ្សែការពារជាង ព្រោះតែគេកំពុងតែខ្វះកម្លាំងនៅតំបន់ខ្សែការពារ ។
ការបោះពុម្ភផ្សាយរបស់បារាំង Le Parisien បានលើកឡើងថា ក្រុមយក្សបារាំងបានផ្តល់ជូន Mbappe នូវកិច្ចសន្យាថ្មីរយៈពេល៦ឆ្នាំដែលមានតម្លៃខ្លួន២៥លានផោនក្នុងមួយឆ្នាំ ក្នុងគោលបំណងដើម្បីបញ្ចៀសការចាប់អារម្មណ៍ពីក្លិបអធិរាជស Real Madrid ប៉ុន្តែនៅតែមិនអាចបញ្ចុះបញ្ចូល Mbappe បាន ។
របាយការណ៍បានលើកឡើងបន្ថែមទៀតថា តារាឆ្នើមដែលជាអ្នកឈ្នះពានរង្វាន់ FIFA World Cup 2018 រូបនេះ ចង់ឈ្នះពាន UEFA Champions League និង Ballon d’Or ដែលគាត់ជឿជាក់ថា ការនៅលេងនៅ PSG នឹងមិនអាចឱ្យគាត់សម្រេចគោលបំណងនេះបានទេ ខណៈដែល Neymar ក៏មិនសូវជាសប្បាយចិត្តផងដែរ ៕
ចែករំលែកព័តមាននេះ