ខេត្តសៀមរាប ៖ យុវជនម្នាក់បានត្រូវក្រុមគ្រួសារខាងស្រី ប្តឹងសមត្ថកិច្ចឲ្យចាប់ខ្លួនដោយចោទប្រកាន់ពីបទចាប់រំលោភកូនស្រីរបស់គាត់ ។ ជុំវិញករណីនេះ ធ្វើឱ្យអ្នកតាមដានមានការងឿងឆ្ងល់ថា គូស្នេហ៍នេះស្ម័គ្រចិត្តរួមរ័កគ្នាសោះ តែបែរជាខុសខាងប្រុសទៅវិញ។ ទោះបីជាបែបណា…
ខេត្តសៀមរាប ៖ យុវជនម្នាក់បានត្រូវក្រុមគ្រួសារខាងស្រី ប្តឹងសមត្ថកិច្ចឲ្យចាប់ខ្លួនដោយចោទប្រកាន់ពីបទចាប់រំលោភកូនស្រីរបស់គាត់ ។ ជុំវិញករណីនេះ ធ្វើឱ្យអ្នកតាមដានមានការងឿងឆ្ងល់ថា គូស្នេហ៍នេះស្ម័គ្រចិត្តរួមរ័កគ្នាសោះ តែបែរជាខុសខាងប្រុសទៅវិញ។
ទោះបីជាបែបណា អ្នកច្បាប់បានបំភ្លឺថា គេត្រូវតែមានទោស ទោះមានការព្រមព្រៀងគ្នាក្តី ព្រោះខាងស្រីមានអាយុក្រោម១៥ឆ្នាំ និយាយឱ្យច្បាស់គឺអនីតិជន ។ យុវជននេះ ត្រូវបានឃាត់ខ្លួនកាលពីវេលាម៉ោងប្រមាណ៤រសៀលថ្ងៃទី៨ ខែធ្នូ ឆ្នាំ២០១៩ នៅអធិការដ្ឋាននគរបាលស្រុកពួក ខណៈសមត្ថកិច្ចហៅមកសាកសួរ ហើយសុំគោលការណ៍ពីព្រះរាជអាជ្ញា ។
លោកវរសេនីយ៍ឯក ទេព ពុំសែន អធិការនគរបាលស្រុកពួក បានប្រាប់ថា ក្មេងស្រីទើបមាន អាយុ១៥ឆ្នាំ ជាអ្នករៀបចំបន្ទប់សណ្ឋាគារមួយ នៅក្រុងសៀមរាប បានទាក់ទងស្រឡាញ់គ្នារយៈពេល១ខែមកហើយតាមរយៈការឆាត(Chat)ទៅមកជាមួយយុវជន ពឿយ ពៅ ហៅ ញាស់ អាយុ១៩ឆ្នាំ ស្នាក់នៅក្នុងឃុំខ្នាត ស្រុកពួក ជាសន្តិសុខគ្រឹះស្ថានមីក្រូហិរញ្ញវត្ថុមួយ ។
លោកអធិការបញ្ជាក់ថា តាមរយៈការឆាតទៅមកពួកគេក៏ស្រឡាញ់គ្នា ហើយណាត់ជួបគ្នាលើកដំបូងនៅថ្ងៃទី៥ ខែធ្នូ ឆ្នាំ២០១៩ នៅបារាយណ៍ខាងលិច និងបានស្ម័គ្រចិត្តរួមរ័ក លើកទី១ ។ លុះនៅថ្ងៃទី៦ ខែធ្នូ ឆ្នាំ២០១៩ ពួកគេបានណាត់គ្នាម្តងទៀតតាមឆាតហ្វេសប៊ុកជួបគ្នាពេលល្ងាចរហូតដល់យប់ និងបានរួមភេទជាមួយគ្នាទៀតរហូត៣ដង ។
នៅព្រឹកថ្ងៃទី៧ ខែធ្នូ ពួកគេរួមរ័កគ្នា២ដង ទៀត ហើយនៅល្ងាចថ្ងៃទី៨ ខែធ្នូ ទើបក្រុម គ្រួសារខាងស្រីរកកូនឃើញ និងនាំខ្លួនទាំង២នាក់មកដាក់បណ្ដឹងនៅអធិការដ្ឋាននគរបាលស្រុកពួក។ លោកអធិការបញ្ជាក់ថា ចំពោះសំណូមពរម្ដាយខាងស្រី គឺទាមទារសំណងជំងឺចិត្តចំនួន៥.០០០ដុល្លារ និងអនុវត្តតាមផ្លូវច្បាប់ ។ ចំណែក យុវជនរូបនេះ ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ