Mane បង្ហើបពីអារម្មណ៍ជាប់លេខ៤ក្នុងការយកពាន Ballon d’Or
តាមប្រភពព័ត៌មាន Soccer Laduma បានឱ្យដឹងថា កីឡាកររបស់ហង្សក្រហម Sadio Mane បានប្រាប់ពីអារម្មណ៍របស់ខ្លួន បន្ទាប់ពីជាប់ចំណាត់ថ្នាក់លេខ៤ ក្នុងការដណ្តើមពាន…
តាមប្រភពព័ត៌មាន Soccer Laduma បានឱ្យដឹងថា កីឡាកររបស់ហង្សក្រហម Sadio Mane បានប្រាប់ពីអារម្មណ៍របស់ខ្លួន បន្ទាប់ពីជាប់ចំណាត់ថ្នាក់លេខ៤ ក្នុងការដណ្តើមពាន Ballon d’Or ឆ្នាំ២០១៩។
Mane ឈរនៅលេខក្រោយ Messi, Van Dijk និង Ronaldo តែគេគឺជាកីឡាករឈរនៅលើតារាងបាល់មាសលើគេបំផុត ក្នុងចំណោមកីឡាករអាហ្វ្រិកទាំងអស់។ របាយការណ៍ដំបូងបានលើកឡើងថា គាត់មិនបានទៅចូលរួមកម្មវិធីចែកពាន ដោយសារតែតូចចិត្តនឹងលទ្ធផល។ តែពេលនេះ គាត់បានប្រាប់ថា គាត់មានមោទនភាពចំពោះចំណាត់ថ្នាក់នេះ ព្រោះតែគាត់គឺជាកីឡាករអាហ្រិ្វកដែលមានឈ្មោះលើគេក្នុងការយកពាននេះ បើធៀបនឹងកីឡាករអាហ្វ្រិកឯទៀត។
Mane បានប្រាប់ថា៖ «ខ្ញុំពិតជាមានមោទនភាពនិងរីករាយណាស់ ដែលបានជាប់ឈ្មោះជាអ្នកឈរលំដាប់ទីបួនក្នុងការយកពានពិភពលោកនេះ។ នេះប្រហែលជាខ្ញុំចង់បានលើសពីនេះ ដែលអាចបានដល់លេខ១។ ខ្ញុំនឹងធ្វើអ្វីៗទាំងអស់ ដើម្បីឈ្នះ Champions League និង Premier League ជាមួយនឹង Liverpool ហើយពួកយើងនឹងរងចាំមើលទាំងអស់គ្នាថានឹងមានអ្វីកើតឡើង»។
Mane បានបន្ថែមទៅលើការជាប់ឈ្មោះកីឡាករ Liverpool ច្រើននាក់នៅក្នុងតារាង Ballon d’Or ឆ្នាំ២០១៩ ថា៖ «នេះមានន័យថាយើងជាក្រុមដ៏អស្ចារ្យ ដែលមានកីឡាករឆ្នើមនិងមានគុណភាពខ្ពស់។ ពួកគេ នៅមានអ្វីដែលត្រូវបង្ហាញច្រើនទៀត ហើយយើងសង្ឃឹមថានៅរដូវកាលនេះ យើងអាចបង្ហាញឱ្យអស់»៕
ចែករំលែកព័តមាននេះ