Ronaldinho គាំទ្រឱ្យ Neymar ត្រឡប់ទៅអតីតក្លិបចាស់វិញ
តាមប្រភពព័ត៌មាន Soccer Laduma បានឱ្យដឹងថា ខ្សែបម្រើជើងចាស់ប្រេស៊ីល Ronaldinho បានសម្តែងការគាំទ្រ Neymar តារាឆ្នើម Paris…
តាមប្រភពព័ត៌មាន Soccer Laduma បានឱ្យដឹងថា ខ្សែបម្រើជើងចាស់ប្រេស៊ីល Ronaldinho បានសម្តែងការគាំទ្រ Neymar តារាឆ្នើម Paris…
តាមប្រភពព័ត៌មាន Soccer Laduma បានឱ្យដឹងថា ខ្សែបម្រើជើងចាស់ប្រេស៊ីល Ronaldinho បានសម្តែងការគាំទ្រ Neymar តារាឆ្នើម Paris Saint-Germain ត្រលប់ទៅអតីតក្លិប FC Barcelona វិញ។
អនាគតរបស់ Neymar ជាមួយនឹងក្លិបម្ចាស់ជើងឯកលីគកំពូលទី១ បានស្ថិតក្នុងការចោទសួរចាប់តាំងពីដើមរដូវកាល បន្ទាប់ពីកីឡាករអន្តរជាតិប្រេស៊ីលរូបនេះ បានប្រកាសជាសាធារណៈក្នុងការវិលត្រឡប់ទៅកាន់ទឹកដី Camp Nou ។
ទោះយ៉ាងណា ការប្រកាសនេះមិនបានធ្វើចេញជាសកម្មភាពនោះទេ ហើយនៅពេលនេះ Neymar កំពុងតែលេងនៅក្លិបអ្នកមានបារាំង PSG នៅឡើយ។ មុនពេលទីផ្សារដោះដូរកីឡាករនៅខែមករាមកដល់ អតីតមិត្តរួមក្រុមប្រេស៊ីល Ronaldinho បានសារភាពថា គាត់ពិតជាចង់ឃើញអតីតតារា Santos ត្រលប់មក Barca វិញណាស់។
លោក Ronaldinho បានប្រាប់សារព័ត៌មាន El Mundo ដែលត្រូវបានបកប្រែដោយ Forbes ថា៖ «ខ្ញុំពេញចិត្តនឹងឱ្យមិត្តភក្តិរបស់ខ្ញុំសប្បាយចិត្ត មិនថាពួកគេនៅទីណាទេ ។ ប៉ុន្តែវាពិតជាសមហេតុផលណាស់ ដែលខ្ញុំចង់ជួបគេម្តងទៀតនៅ Barcelona ជាមួយនឹង Suarez និង Messi។ ពួកគេពិតជាទាត់ស៊ីគ្នាល្អណាស់ ពេលបានលេងជាមួយគ្នា»។
គួរបញ្ជាក់ផងដែរថា Neymar រកបាន ៥៦គ្រាប់ក្នុងការបង្ហាញខ្លួនចំនួន ៦៦លើក ឲ្យ PSG ចាប់តាំងពីត្រូវបានទិញក្នុងតម្លៃកំណត់ត្រាពិភពលោក ២២២លានផោន ពី Barcelona ដោយ PSG កាលពីឆ្នាំ២០១៧ ៕
ចែករំលែកព័តមាននេះ